ما الفرق بين المعاهد المستقلة ومعاهد ELS والمعاهد الاكاديمية

السلام عليكم ..

باختصر عليكم حبايبي ..

ابي اعرف وش الفرق بين المعاهد المستقلة ومعاهد ELS والمعاهد الاكاديمية ..؟

وهل صحيح ان ELS يوفر لك فرصة قبول كبيرة في الجامعة ؟

ولو درست في معهد تابع للجامعة افضل من معهد ELS ؟

اتمنى تفيدوني باسرع وقت ..

الفرق بين المعاهد المستقلة (الخاصة) والمعاهد الأكاديمية :
المعاهد الخاصة هي المعاهد اللي ماتتبع اي جهة أكاديمية , وتكون مستقلة ..
شهاداتها ماهي مقبوله في غالبية الجامعات .. ولذلك اللي يدرس في معاهد خاصة , يحتاج أنه يجيب درجة ايلتس او توفل على الاقل 5.5 (ايلتس) او مايعادلها بالتوفل .. حتى يستوفي شرط اللغه في غالب الجامعات ..

المعاهد الاكاديمية , هي المعاهد اللي تكون تابعة لجامعات ..
غالب الجامعات , تعطي فرصة بالإلتحاق بها اذا كنت تدرس في معهدها .. وهذا الامر يسقط عنك شرط اللغة (درجة الايلتس والتوفل) .. وبالتالي تقدر تكمل جامعه مباشرة بعد إنهاء المستوى المطلوب باللغة.
شهادة اللغة هنا .. تقبلها الجامعة نفسها .. وبعض الجامعات (لكن مو كلها) ..

معاهد الـ ELS .. هذي من المعاهد الخاصة الاكاديمية ..
متعاقدة مع جامعات كثيرة .. وشهادتها مقبوله في الجامعات اللي متعاقدة معها .. (نفس نظام المعاهد الاكاديمية) ...

طيب اخوي انا حاليا في معهد اكاديمي تنصحني ابقئ فيه ولا اغير معهد els علما انني طالب ماستر

( تمت المشاركة باستخدام تطبيق مبتعث )

اقتباس:

---

المشاركة الأصلية كتبت بواسطة almo3taz1

طيب اخوي انا حاليا في معهد اكاديمي تنصحني ابقئ فيه ولا اغير معهد els علما انني طالب ماستر

( تمت المشاركة باستخدام تطبيق مبتعث )

---

طالما انت في معهد أكاديمي , فأنصحك الإكمال فيه ..

الله يعطيك العافية..

( تمت المشاركة باستخدام تطبيق مبتعث )