عرض للطباعة
السلام عليكم
يا شباب قدمت عند احد المكاتب في جدة وبعد طلب مني اوراق كثيرة جهزتها جميعاً طلب مني الهدف من الدراسة عن نظم المعلومات الادارية في الاخير قال لي راح اقدم لك على تخصص اقتصاد انا اصلاً تخصصي ادارة عامة يقول لي مقفل من الوزارة سوالي كيف اعرف التخصصات المعتمدة من اعلى الي اسفل لانه سمعت ان الاقتصاد اعلى من الادارة العامة وادارة الاعمال والمكتب يبغى يتخلص مني شكله باي طريقة ويجيب لي قبول بعدين يورطني تكفون ساعدوني .
اقتباس:
المشاركة الأصلية كتبت بواسطة 1 مازن
إغلاق التخصصات فقط يكون على جامعات بحد ذاتها بسبب تكدس الطلاب فقط !
بمعنى , ممكن تلاقي جامعه فيها تخصصك لكن متكدس او موقوف .. بالتالي ماتقدر تدرس بهذي الجامعه بالتخصص لازم تغيره الى تخصص مفتوح ..
وتشوف جامعه ثانيه بولاية ثانيه فيها نفس التخصص ومفتوح .. بالتالي تقدر تدرس فيها بالتخصص ..
بمعنى ثاني , فكرتك بأن صاحب المكتب يبي يتخلص منك صحيحه .. لكن مو يتخلص وبس .. يبي ياخذ فلوسك يحطها بجيبه ويقط عليك اي تخصص ويشيل يده منك !
لذلك , قوله ابي التخصص الفلاني ولزم عليه في هالامر .. اذا قالك مقفله .. قله ابحث لي عن جامعه ماهي مغلق فيها التخصص ..
لان احتمال المكتب مايجيب الا من جامعه معينه .. بالتالي التخصص هذا مغلق عند الجامعه بسبب التكدس وهو مايبي يجيب لك من جامعه ثانيه ..
فانت طالما انك دافع له , احجره بزاويه ولا عليك منه .. انت دافع علشان يساعدك .. المسأله ماهي تطوعيه علشان ترضا فيها !
شوف الجامعات الموصى بها : ط§ظ„ط¬ط§ظ…ط¹ط§طھ ط§ظ„ظ…ظˆطµظ‰ ط¨ظ‡ط§
في خانة البحث فقط حط الخيارات المطلوبه ,
مثل الدولة (أمريكا) ..
الولايه (خلها مثل ماهي علشان يبحث في كل الولايات) ..
نوع الجامعه (اتركها مثل ماهي)
وضع الجامعه ( غير موقوفه)
اسم التخصص ( اذا كنت تبي تخصص نظم المعلومات الإدارية , اكتب اسم التخصص بالانجليزي Management Information Systems )
الدرجة العلمية: (حدد الدرجه اللي تبيها ماجستير او بكالريوس او دكتوراه ) ..
بعدها فقط اضغط على بحث .. وشوف كم جامعه تطلع معك ..
اذا طلعت لو على الاقل جامعه وحده .. معناته التخصص مفتوح ..
واذا ماطلع معك نتايج .. معناته التخصص مقفل في كل الجامعات ..