**تنبيه مهم جداً جداً** الطريقة الجديدة لاصدار قرار الابتعاث

السلام عليكم ورحمة الله وبركاته اعزائي المبتعثين
وبعد:-

فيه شغلة جداً مهمة ويمكن لاتخفى على الكثيرين والكثير ايضا لايعرفها وهي اصدار قرار الابتعاث عن طريق الموقع، لم يعد اصدار القرار كالسابق عن طريق ارسال ايميل او الحضور شخصياً الى مقر وكالة شؤون البعثات بالوزارة :mad:بل أصبح تسليم المستندات الكتروني عن طريق الموقع فقط.

ما أحببت توضيحه هو أنني مررت بتجربة مريرة في اليومين السابقين:( وذلك بسبب عدم مقدرتي على رفع الملفات وبعد محاولات يائسة بحثت عن ايميلات الموظفين بالوزارة وراسلتهم ولكن دون جدوى، وبعد كل هذا اضطريت اني اروح إلى مقر وكالة شؤون البعثات اللي على طريق الملك فهد وصار بيني وبين الموظف نقاش شديد، واكتشفت اني لست الوحيد اللي حدثت له هالمشكلة ولكني لقيت عدد لابأس به من الشباب واجهو نفس المشكلة وبعد النقاش قال الموظف ان النظام سليم ومافيه مشكلة وطلب منا اننا نجرب نرفع الملفات عن طريق الأجهزة الموجودة عندهم ، وللأسف نجحت العملية واكتشفت السبب بعد الاحراج وهو أن نظام الوزارة التعيس مايقبل رفع الملفات الا عن طريق ويندوز اكسبلورر وانا جهازي ماك والمتصفح فاير فوكس وفيه ناس عندها ويندوز بس يستخدم متصفح ثاني وخذوها قاعدة اذا تعاملتو مع اي شي حكومي استخدمو متصفح اكسبلورر أو بالأصح هذا اللي بسويه انا من اليوم ورايح.

بالعامي لاحد يتعب نفسه يروح للوزارة او يرسل ايميلات ترى ماحد حولك ويبي يصرفونك زي ماسوو معنا اليوم فيه ناس جايه متعنيه من الشرقيه وآخر شي يرفع طلب اصدار قرار ابتعاث عن طريق النت الصراحة غبنة والله مادفعني انزل موضوع الا عشان انبهكم وماتتعنون مثل الشباب اللي جايين من بعيد ولا استفادو شي.

أشكركم وأتمنى لكم ولي التوفيق،،،

أشكر الجميع واتمنى نشر الموضوع اللي يدري يعلم اللي مايدري اللهم هل بلغت اللهم فاشهد

ماقصرت ، الله يعطيك العافيه

( تمت المشاركة باستخدام تطبيق مبتعث )

الله يجزاك خير...لحب الخير لغيرك

( تمت المشاركة باستخدام تطبيق مبتعث )

شكرا والله يعطيك الصحة والعافية ويوفقك

يعني كل الشهادات والاوراق المهمة لازم ترفعها عن طريق الاسكنر ؟

جزاك الله خير
وزارة الفلس تعبوا الناس حسبي الله على المقصرين
بشر طلع قرارك , كم يوم يبيله
ودي أعرف كم مدة اصدرا القرار الايام هذه

لاصحاب الخبرة كم المدة كاملة من يوم التقديم الى يوم السفر كم تقريبا ؟؟
لو انا كل شي ممشيه تمام ان شاء الله ؟

اقتباس:

---

المشاركة الأصلية كتبت بواسطة بندر27

ماقصرت ، الله يعطيك العافيه

( تمت المشاركة باستخدام تطبيق مبتعث )

---

الله يعافيك


( تمت المشاركة باستخدام تطبيق مبتعث )

اقتباس:

---

المشاركة الأصلية كتبت بواسطة bma4004

الله يجزاك خير...لحب الخير لغيرك

( تمت المشاركة باستخدام تطبيق مبتعث )

---

وياك يارب...ماسويت شي واجبي


( تمت المشاركة باستخدام تطبيق مبتعث )

اقتباس:

---

المشاركة الأصلية كتبت بواسطة الاوربي

شكرا والله يعطيك الصحة والعافية ويوفقك

---

وياك يالغالي


( تمت المشاركة باستخدام تطبيق مبتعث )