استفسار عن اجراء المبتعث لمريض السكري

وعليكم السلام ورحمة الله وبركاتة

اول شي نسأل الله ان يشفيك وان يجمع لك بين الاجر والعافيه


ثانيا حمل الادويه مسموح لك ولكن يجب ان تأخذ وصفه من الطبيب وعليها توقيعه ونوع الادوية وتوضيح المرض


اذا كنت مبتعث على حساب البرنامج فعندك تأمين اتنا يغطي لك كل شي تحتاجه واهتمام ورعايه افضل من السعوديه للاسف


لذلك لا تقلق ولكن لا تنسى وصفة الطبيب

وعليكم السلام ورحمة الله وبركاته
مثل ماقال الاخ ارمان

ابي اضيف اقتراح او نصيحه

العلاجات اللي بتاخذها معك استمر عليها فتره لين تحصل لك مستشفى ممتاز في امريكا تكمل عنده مرحلة العلاج
ولا تستجعل في المستشفى لحد ماتحصل لك افضل مستشفى لان تأمين اتنا من افضل شركات التآمين في امريكا وراح يغطون ان شاء الله كامل التكاليف

هلا اخوووي اسال الله ان يشفيك و يعافيك


اكلمك من وااقع تجربة بما اني مبتلئ بنفس المرض عاف الله المسلمين اجمعين منه



طبعا مثلك عارف لازم تآخذ معك كمية ادوية تكفيك حق شهر او شهرين لين تستقر امورك و تتابع مع دكتور



اللي سويتها انا طال عمرك رحت لمستشفى في السعودية اتابع معه و طلبت منهم تقرير طبي يثبت اني مصاب بالسكري عطوني التقرير مختم و موقع من الدكتور و ادارة المستشفى
و طلبت ايضا وصفة طبية و عطوني اياها

لان الجمارك الامريكية ما راح تدخل ادويتك اذا كانت بدون وصفة


و الحمدلله لم يطلب احد مني التقرير و الوصفة لكن لازم تآخذها معك



الله ييسر لك امرك

ارمان ..hayway


اللهم امين والله يجزاكم الف خير يالغالين

اللهم امين واسأل الله ان يشفينا ويشفي جميع مرضى المسلمين ..

لكن يالغالي عندي استفار انا نوع العلاج الي اخذه ابر . حيث انني ناوي اخ> معي كرتون كبير يكفيني لمدة 4 شهور تقريبا هل سوف اواجه اشكالية في ه>ا الشي ...


والسؤال الاخر ... عند السكن مع عائلة ومع الاداوية هل سوف اواجه صعوبة في العيش مع العائلة ..

والمعذرة على الاطالة .. ولكم فائق ودي واحترامي

آمين يا رب

انا نفس وضعك أخذت أبر تكفيني حقة شهرين
لأنك ما تدري ممكن الدكتور اللي هنا ممكن يغير نوع الدواء فتبلش اذا أخذت كمية كبيرة أما عن المطار ما اتوقع يمانعون بس انت جب معك تقرير و وصفة طبية


اما عن وضع العائلة ما اتوقع راح يمانعون هذا شي عادي

و أن شاء الله تطيح بعائلة تراعيك و تهتم فيك أكثر



( تمت المشاركة باستخدام تطبيق مبتعث )

فيه جهاز موجود هنا اخوي مرة جابه للوالد الله يحفظه حق السكر وهذا جهاز يوضع عن طريق الدكتور بمنطقة يحددها الدكتور من الخارج طبعا مو داخل الجسم ويكون فيه زي الإنسولين وجهاز قياس يقيس نسبة الإنسولين بالجسم فإذا نقص نسبته في الجسم يقوم اتوماتيكيا هذا الجهاز بضخ الإنسولين بنسية محدده للجسم بس الوالد الله يهديه قطه ولا عاد استخدمه بالاضافة الي ان دكاترة عندنا بشكل عام تفاجوا لما شافوه ولا عرفوه له وسلامات انشالله


🇺🇸🇬🇧 الهاشمية ليمتد 🌺🇬🇧🇺🇸