الأعضاء الإشتراك و التسجيل

الملتقيات
ADs

استفسار راح اتخرج في الصيف ثانوية عامة، ايش الأشياء اللي لازم تجهزها من الان؟

استفسار راح اتخرج في الصيف ثانوية عامة، ايش الأشياء اللي لازم تجهزها من الان؟


NOTICE

تنبيه: هذا الموضوع قديم. تم طرحه قبل 1452 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية isa115
    isa115

    مبتعث جديد New Member

    isa115 البحرين

    isa115 , ذكر. مبتعث جديد New Member. من السعودية , مبتعث فى البحرين , تخصصى توحيد المسارات - التجاري , بجامعة لا توجد بعد
    • لا توجد بعد
    • توحيد المسارات - التجاري
    • ذكر
    • المنامة, البحرين
    • السعودية
    • Jan 2014
    المزيدl

    February 1st, 2014, 07:32 PM

    هلا اخواني/خواتي

    انشاء الله كلكم بخير

    انشاء الله في الصيف راح أكون متخرج ثانوية عامة، و انشاء الله ادخل برنامج خادم الحرمين للابتعاث. راح ادرس هندسة اتصالات في أمريكا إنشاء الله.

    احين انا اجازة عطلة نصف السنة، و أفكر في مواضيع كثيرة و خايف كثير كثير كثير. لأنس ما اعرف شيء عن الجامعات و لا اعرف شي باختصار شديد.

    عندي اسالة كثير مدري من وين ابتدي صراحة و لا عندي احد أساله.

    بقول اللي في بالي وانشالله ما أنسى شيء.

    اول شيء ابي افهم موضوع برنامج خادم الحرمين حق الابتعاث. اشوف فيه مراحل و الان هو في المرحلة التاسعة. مش فاهم شنو القصد، يعني مثلا انا تخرجت في الصيف التحق بالمرحلة التاسعة او انتظر المرحلة العاشرة يعلنون عنها؟ شنو المصاريف اللي تغطيها الملحقية؟ السكن على منو؟

    و بعد، كثير يقولون لازم لغة انجليزي عشان ادرس في أمريكا، يعني لازم ابحث عن معهد لغة و التحق فيها و احصل شهادة لغة منها بعدين اقدم على الجامعة اللي ابيها؟ اركز بحثي على معاهد اللغة و لا الجامعات اول؟ عادي اذا ركزت على معاهد اللغة و بعدين ابحث عن جامعة على راحتي؟ و بعد شهادة اللغة تطول كم عشان احصلها؟ و هل برنامج خادم الحرمين يغطي تكلفتها و لا على حسابي؟ و هل لازم اقدم على اكثر من معهد/جامعة عشان اضمن حق روحي؟

    و بعد، سمعت انه لازم انا أجيب القبول من الجامعة او المعهد قبل لا التحق بالبرنامج! كيف يعني؟ كيف اقدم على المعهد؟ هل فيه مصاريف؟ شنو التجهيزات اللي لازم تجهزها من عندي؟

    بعد سالفة الفيزا كيف؟ متا اقدم عليها؟

    بعد السكن، السكن لازم ابحث ولا كيف؟ و اذا لازم ابحث كيف ابحث؟ كيف اعرف؟

    ادري طولت عليكم بس اخر سؤال، تذكرة الطيران من يدفع لها؟ انا او الملحقية؟

    كثير أساله ادري بس ساعدوني والله خايف على التجهيزات كثير..


    ( تمت المشاركة باستخدام تطبيق مبتعث )
  2. السلام عليكم
    الابتعاث تقدم عليه مثل تقديم الجامعات بالسعوديه
    فيه وقت تنزل فيه الشروط ووقت التقديم
    اذا انت مستوفي الشروط راح يتم قبولك
    بالعاده تكون 80 قياس 80 تحصيلي 90 ثنوي
    وفيه تخصصات معينه مو اي تخصص مسموح لك خصوصاً البكالوريوس
    اذا استوفيت الشروط وقدمت عليهم هم يتكفلون فيك من الالف الى الياء
    7 "
  3. الإبتعاث له تسعة سنوات, والمرحلة الأولى يعني السنة الأولى للإبتعاث, المرحلة التاسعة يعني السنة التاسعة للإبتعاث
    المرحلة العاشرة والتي سوف يفتح التقديم فيها في رمضان القادم (يفتح التقديم للإبتعاث في شهر رمضان من كل سنة)

    ماتحتاجه (شهادة ثانوية بمعدل 90 - قدرات 80 - تحصيلي 80 ) جواز سفر + بطاقة أحوال (البطاقة الجديدة) للتقديم على برنامج الإبتعاث والتسجيل فيه

    في شهر رمضان تقوم بالتسجيل بشكل إلكتروني في برنامج الإبتعاث (الإبتعاث لطلبة الثانوية فقط على التخصصات الطبية)

    نهاية شهر رمضان سوف يتم ترشيح المؤهلين للقبول في برنامج الإبتعاث ورفض الغير مؤهلين

    في شهر ذو القعدة سوف يتم إستدعاء المرشحين للقبول للتدقيق على أوراقهم والتأكد من صحة المعلومات وإعطائهم سند التدقيق

    في نهاية شهر ذو الحجة سوف يتم الإعلان عن الترشيح النهائي للمقبولين

    شهر محرم يتم إستدعاء المقبولين لحضور ملتقى المبتعثين وهي عبارة عن مجموعة من المحاضرات الثقفيفية والتوعوية والأكاديمية

    بعد حضور الملتقيات سوف يتم إرسال الضمان المالي للطلبة (وهي ورقة تقدمها للمعاهد بأنك طالب مرشح ضمن برنامج الإبتعاث وأن الدولة
    مسؤولة عنك وعن مصاريفك الدراسية والمعيشية.)

    بعد وصول الضمان المالي تدخل موقع الملحقية وتبدأ بالبحث عن المعاهد, والتقديم عليها (للتقديم على المعهد يحتاج فقط تعبئة أبلكيشن التقديم الخاص به
    وإرسال صورة من الجواز والضمان المالي لهم وسوف يرسلون لك القبول وورقة الـ I-20 )

    بعد وصول القبول وإستلام ورقة الـ I-20 تبدا بالتقديم على إجرائات السفارة لإستخراج فيزا دراسية F1

    وعند صدور الفيزا نقول لك مبروك وعليك رفع صورة من ( القبول الدراسي, الفيزا, I-20, الجواز, بطاقة الأحوال, شهادة الثانوية,
    شهادة إختبار القدرات والتحصيلي, إفاد حضور ملتقى المبتعثين) للوزارة وعليها يتم إصدار قرار إبتعاثك وتقوم بعدها بحجز التذكرة
    وعليك السفر في مدة 3 أشهر من إصدار قرار الإبتعاث.

    بعد السفر والوصول تحتاج لمبلغ مالي تقوم بتيسير أمورك به خلال الشهر الأول حتى صدور مكافئتك.

    بخصوص المكافئة: تكاليف المعهد والدراسة والجامعة تقوم بتسديدها الملحقية, تكاليف السكن والمعيشة وغيرها من الأشياء الأخرى
    تقوم بتسديدها ودفعها أنت من خلال المكافئة التي سوف تستلمها.

    بعد أشهر إن شاء الله سوف يتم فتح قسم ملتقى المرحلة العاشرة وسوف نوضح كل شيء للمقبلين على برنامج الإبتعاث القادم للمرحلة العاشرة.

    وللإستفادة أطلع على المواضيع في قسم المرحلة التاسعة هنا http://www.mbt3th.us/vb/forum172/ فسوف تفيدك بشكل كبير جدا حول برنامج الإبتعاث.
    7 "
  4. صباح الخير .... انا كنت حافتح موضوعي استفسر فيه عن بعض الاشياء بس ان شاءء الله الاقي احد في دا الموضوع يقدر يساعدني ..
    انا في الترم الاخير من الجامعه انتساب وطبعا ماراح اقدم ع بعثات الملك لانو العمر ماراح يكون متوافق من ضمن الشروط رغم انو معدلي والله الحمد جدا عالي ف حاطلع ع حسابي الخاص سؤالي متى ابدا في الاجراءات حاينتهي الترم في شهر 7 هجري يعني بمجرد مااخلص اروح اقدم ع فيزا والا اش ابدا اسوى الله يسعدكم ابغى اعرف .؟؟؟؟ ومنى عارفه اي ولايه اروح محتاجه ولايات رخيصه وامنه لانو حاكون ع حسابي وطبعن حاطلع اكمل ماجستير ان شاء الله ....... وكم احط ميزانيه .؟ وكم تكفيني الميزانيه الين ماانضم للبعثات .؟؟؟ والله اسئله جدا كثيرا بس مو عارفه اش اساال وحاسه نفسى ضايعه ياليت اللي يدلني ويشرحلي من الالف للياء من اخلص الترم اش اسوي .؟؟؟؟ وجزاكم الله الف خير
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.