عرض للطباعة
السلام عليكم
زوجي راح يبتعث لمدينة واشنطن للدراسة من قبل جامعة الملك سعود وارغب اكون مرافقة وادرس لغة
سؤالي/ ابغى اعرف كيف أقدم وايش الاجراءات بالضبط
بحثت عن هالموضوع مالقيت الا اجراءات بعثة الملك عبدالله ووضع زوجي مختلف حيث انه موظف مبتعث
ارجو المساعده ومشكورين مقدما
وعليكم السلام ورحمة الله
إذا كنتي تبي مرافقة ( f2 ) يطلع لك أي توني من المعهد وبعدها يطلب لك فيزا وتأشيرة
وتذاكر سفر من جامعة الملك سعود .... أو الملحقية .... وبعدها تجي
و عليكم السلام ورحمة الله وبركاته
اختي لازم تطلعين على فيزا اف 2 اذا كنتي حابه تدرسين كمرافقه . . طبعا عشان تطلعين فيزا اف 2 لازم يكون عندك ضمان مالي بحساب في البنك . . يعني لازم تجيبون شهاده بنكيه بحساب ما يقل عن 120 الف الظاهر او حاجه قريبه من كذا . . تعتمد على المعهد كم يطلب و على السفاره . . اذا جا موعد السفاره زوجك يروح معك و يقولهم ان انتي معه مرافقه و يفضل يوريهم الضمان المالي حقه الي بيصدر له من جامعة الملك سعود . . طبعا كلامي هذا كله كان بناء على تجربة زميل لي معيد مبتعث . . و بعد ما توصلون هناك يحولك على حساب الملحقيه كمرافقه . . و تصدر لك الملحقيه ضمان مالي و يمشي لك راتب . . و بالتوفيق ان شاء الله
الف شكر على ردك هدف محدد لكن ابي مرافقه G2 وايش هو اي توني ؟اقتباس:
المشاركة الأصلية كتبت بواسطة هدف محدد
يعطيك العافيه
يعطيك العافيه بي اوبتمستك على الرد الوافي لكن فيزتي G2 عشان كذا مو عارفة اجراءاتها بالضبط وهل اخذ الضمان المالي من الملحقية بعد اختيار المعهد ام وضعي مختلف؟ ووش الفرق بين الضمان المالي والشهادة البنكيةاقتباس:
المشاركة الأصلية كتبت بواسطة BE OPTIMISTIC
الف شكر واعتذر عن الاسئلة الكثيرة
اختي بالنسبه ل G2 ما ادري وش وضعها بالضبط . . بس انا قلت لك عشان تدرسين كمرافقه لازم فيزا f2 . . بالنسبه للشهاده البنكيه المقصود فيها كشف حساب من البنك بحساب احد من اهلك فيه مبلغ معين يضمن للسفاره و المعهد انك تقدرين تغطين التكاليف (الدراسه والمعيشه) طبعا هذي الشهاده مطلوبه بشكل صوري بس لما توصلين أمريكا و تاخذين ضمان مالي من الملحقيه عشان تسددين عن طريقه الرسوم الدراسيه . . بالنسبه للضمان المالي . . هذا أي عضو هيأة تدريس اذا بغى يقدم على الدراسه برا او الفيزا يطلبه من الجامعه . . من عمادة الدراسات العليا تحديداً . . و أتوقع هو موجود عند زوجك . . بس اسئليه عن الضمان المالي و بيعطيك إياه . . طبعا فايدة الضمان المالي في الفتره هذي ان رجلك يقدم فيه على الفيزا وعلى المعهد . . اما انتي مثل ما قلت لازم لك شهاده بنكيه . . و مثل ما قلت في ردي السابق لا جا موعد المقابله حقك في السفاره اخذي الشهاده البنكيه و ضمان زوجك و قوليلهم انك بتدرسين على حساب الملحقيه لا وصلتي أمريكا
و مجرد انك ما توصلون أمريكا . . يلزمك انتي و زوجك تاخذون ضمان مالي جديد من الملحقيه . . يعني الضمان المالي الي من جامعة سعود ما راح يفيدكم و انتهت فايدته
و بالتوفيق ان شاء الله
الف شكر على ردك واهتمامك بي اوبتمستك ربي يسعدك ويوفقك , لكن اذا الضمان المالي موجود اذا الشهادة البنكية غير ضرورية في هذي الحاله من ناحية التقديم على المعهد ؟اقتباس:
المشاركة الأصلية كتبت بواسطة BE OPTIMISTIC
يا اخوان اذا اي احد عنده فكرة عن وضع فيزا G2 رجاءا لايبخل علينا بعلمه ربي يوفقكم
العفو اختي . . الضمان الي بتاخذونه من جامعة سعود خاص بزوجك . . راح يكون فيه اسمه . . فعشان كذا هو يقدر يستفيد منه في التقديم على المعهد و السفاره . . اما انتي يا اختي ما ينفع لك هذا الضمان لانه مو مذكور فيه اسمك نصاً . . فعشان كذا يلزمك شهاده بنكيه صوريه للتقديم على المعهد و السفاره . . و بس توصلون أمريكا تطلعون اثنينكم ضمان مالي جديد كل واحد باسمه من الملحقيه . .
و تأكدي من فيزتك ال G2 هل ينطبق عليها ما ينطبق على f2 فيما يخض الدراسه او لا . . لأن ما عندي تفاصيل عنها . . و لان كل المراففين الي اعرفهم و يبون يدرسون يطلعون f2 . . فانتي من الحين انتبهي لهالشغله . . و بالتوفيق ان شاء الله