استفسار عن التحويل من معهد لآخر

السلام عليكم ورحمة الله

يسعد ربي مساكم / صباحكم بكل خير

حبيت أستفسر منكم في شغله عن التحويل بين المعاهد..

دحين أنا راسلت المعهد التابع لـ Rice University في هيوستن-تكساس على أساس أبدآ الدراسه في نهاية شهر آبريل.. لكن وصلني ردّهم إنو كلاس شهر ابريل امتلى وحيقبلوني على نهاية يونيو.. وأنا صراحه حابه أستغل الوقت وأبدا في أقرب وقت..
(كمان عشان يكون فيه وقت قبل رمضان يمديني فيه أتأقلم ع المكان وأضبّط أموري)

فـ دحّين بأفكّر انو أجيب قبول من معهد ELS الموجود بهيوستن برضو, وأبدآ الدراسه فيه بشهر آبريل وبعد شهرين أحوّل لمعهد جامعة رايس..

سؤالي هو: هل الشيء دا ممكن ومافيه اشكاليات أو تعقيدات؟ (غير طبعاً الـ Transfer form )
الشيء التاني هل أسدد رسوم معهد جامعة رايس وأجيب الـ I-20 من دحين؟؟, لأنو لو انتظرت الين أوصل هناك حيروح عليّ المقعد المتاح دحين..


وياربي يجزاكم كل خير ..

وعليكم السلام ورحمة الله وبركاته
اي ممكن بدون مشاكل
راسلي معهد الجامعه وقولي لهم انك تبين تدرسين بمعهد اي ال اس لحد ماتبدا الدراسه عندهم علشان يرسلون لك القبول للمعهد بجون
واذا وصلتي لامريكا قبل الدراسه بمعهد الجامعه تحولين على معهدهم

اقتباس:

---

المشاركة الأصلية كتبت بواسطة hayway

وعليكم السلام ورحمة الله وبركاته
اي ممكن بدون مشاكل
راسلي معهد الجامعه وقولي لهم انك تبين تدرسين بمعهد اي ال اس لحد ماتبدا الدراسه عندهم علشان يرسلون لك القبول للمعهد بجون
واذا وصلتي لامريكا قبل الدراسه بمعهد الجامعه تحولين على معهدهم

---

تمام استاذي..

شكراً ربي يعطيك العافية..