ارهقني التفكير ضايق صدري المعهد طردني بسبب غيابي احب توجيهاتكم افكاركم نصائحكم

السلام عليكم ورحمة الله وبركاته

انا طالب مبتعث كنت ادرس في مدينة سان دييجو في معهد لغة انجليزية وكنت اغيب عن المعهد حتى صار حضوري في المعهد تحت الحد الادنى وتم الغاء الاي توني تبعي وانا الان في الرياض لي تقريبا ثلاث شهور رحت لمكتب في الرياض وتكلمت مع شخص فهمته اني ابي قبول من معهد كابلان للغة الانجليزية في سان دييجو بعدين وصلني الاي توني من المعهد فتحت بوابة الطلبة المبتعثين وسويت طلب تغيير معهد لغة وارفقت صورة الاي توني الي وصلني من معهد كابلان للغة الانجليزية بس لم يتم قبول الطلب والسبب ان فيه تكدس في المعهد رجعت تكلمت مع الرجال الي يشتغل بالمكتب بالرياض الى تواصل مع معهد كابلان للغة الانجليزية واعطاني القبول فهمت الرجال الي صار قلتله ابي قبول من معهد انتراكس للغة الانجليزية في سان دييجو الرجال فهمني اني لازم يتم تحويلي من المعهد الي انطردت منه بسبب حضوري الى معهد انتراكس تواصل الرجال مع المعهد الي انطردت منه و وافقو على تحويلي الى معهد انتراكس بس معهد انتراكس فهم الرجال انهم جاهم تقرير من المعهد الي انطردت منه وهو تقرير سيء معهد انتراكس الي فهمه منهم الرجال انه وافقو يرسلون أي توني بس بشرط اروح السفارة الامريكية بالرياض واطلب فيزا جديده على اساس ال الاي توني الي من معهد انتراكس انا تكلمت مع رجال موظفين في المكتب في الرياض الي تواصل مع معهد انتراكس وفكرتي كانت اني ابي قبول من معهد غير انتراكس بسبب اني اخاف اروح السفارة الامريكية ولما يعرفون انه تم طردي من معهد اللغة بسبب حضوري يلغون فيزتي ولا اقدر ادرس في امريكا ثاني مره انا فهمت الرجال اني ابي قبول من معهد غير انتراكس يمكن المعهد الي غير انتراكس يوافق على تحويلي حتى لو عرف اني انطردت من معهد سابق بسبب الحظور وفهمت الرجال الي يشتغل في المكتب انه اذا المعهد الي غير انتراكس رفض تحويلي خلاص انا باخذ معي أي توني من معهد باختاره وبروح السفارة الامريكية بالرياض عشان يطلعون لي فيزا جديدة
انا تكلمت مع الرجال الي يشتغل بالمكتب بالرياض اليوم وقالي ان المعهد الي غير انتراكس ماردو عليه قالي اصبر
انا نادم على تكاسلي يوم كنت في سان دييجو وخايف ان السفارة الامريكية يلغون فيزتي ولاعاد اقدر ادرس في امريكا وخايف لا تلتغي بعثتي والله مره متضايق الله يسعدكم اكتبولي رايكم أي شي يجي في خاطركم
توجيهاتكم نصايحكم الله يجزاكم خير

أولا : لي عليك عتب وارجو تتقبله بصدر رحب ليش الغياب يالغالي هذا مستقبلك وانت هناك علشان تدرس مو علشان تتغيب في السعودية ناس تبيع الي وراها وقدمها علشان تحصل فرصه دراسه لتأمين وتحسين مستقبلهم وانت اعذرني للكلمه جالس تلعب

ثانيا موضوع انه انطردت من المعهد هذا بيتسجل بمركز السيفس (دائرة خاصة بمتابعه الطلبه الاجانب في الولايات المتحده)
تقريرك يوصل لهم سوا تغيبت او حضرت لانه هذه الدائرة مهمتها متابعه حضور وغياب الطلاب الاجانب ودرجاتهم وفيها مسائل أمنيه وقانونيه للطلاب لانك لم تغيب ويتكرر غيابك اكثر من اللازم المعهد ملزم قانونا بابلاغ الدائرة بهذا الخصوص وذلك يمكن لاسمح الله الطالب المتغيب يسوي جرائم او مشاكل بالبلد وهذا سبب وجيه لوجود هذه الدائرة انت تتوقع لما تدفع 200 دولار للسيفس هديه منك يعني لا هذه لفتح ملف خاص بك عندهم للمتابعه



السفارة الامريكيه عندها القدرة والمعرفه الكامله لوضعك في الولايات المتحدة فلا تحاول اطلاقا الكذب او التحايل على السفارة بهذا الخصوص لانهم بيعرفوه انك انطردت نم معهد وانه تم الغاء الاي توني تبعك

ثالثال : التحويل لللاسف اغلب المعاهد ما تقبل تحويل طالب تقريره سئ في الحضور لانه مسئوليه على المعهد وحاسب عند جهات الاختصاص بمعنى اخر المعاهد ما تبي عوار الراس وتقبل عندها طالب كثير الغياب لانها ملزمه برفع تقارير للدائرة بشكل مزعج

الحل الي ممكن اساعدك به انك تقدم من جديد على قبول جديد ولما تروح للمقابله اذكر لهم الصراحه والحقيقه كامله ووضح لهم اسباب غيابك صراحه وصدقا
كان الله في عونك اخي الفاضل ويسر امرك

جزاك الله خير magd_honda
الله يسعدك

وعليكم السلام ورحمة الله وبركاته

قدمت على معهد انتراكس ولا غيره بيدرون انك مطرود بالبصمه بالجواز بالسيفس


المهم اذا ما انلغت الفيزا يمكن تقدر تلحق عليها وتطلع لك اي توني وتسافر على نفس رقم السيفس

أي معهد بيطلب من معهدك القديم تقرير عن سبب طردك
وللمعلومية ... مثل مقال لك المعهد الجديد أطلب فيزا جديدة لأنها راح تتنكسل القديمة والسبب واضح
مثل ماصار مع زميل لي نفس حالتك بالتمام والسبب الغياب

hayway
هدف محدد
شكرا لاهتمامكم جزاكم الله خير