ايش وضع السياحه في كندا للي معه فيزا امريكيه ؟
السلام عليكم والرحمه
انا ساكنه بمدينه بامريكا وقريبه من حدود كندا ولي فيها اقارب هناك في مدينه أونتاريو جنب شلالات نياقرا
مخططه ازورهم بس ماعرف وش المطلوب بالضبط هل لازم افيز لكندا ولا وش القصه ؟ انا فيزتي F1 واخوي B1
فاللي يعرف الوضع وايش المطلوب ياليت يفيدني وشكرا شكرا بالزاف لكم جميعا
رد: ايش وضع السياحه في كندا للي معه فيزا امريكيه ؟
وعليكم السلام ورحمة الله وبركاته
وضعها سهل كثير من الطلاب يسافرون لكندا
تقدمين على الفيزا عن طريق موقعهم وفيه التفاصيل
بالنسبه لفيزه F-1 توقعين الاي توني وتسافرين عادي لكن فيزة اخوك مدري
رد: ايش وضع السياحه في كندا للي معه فيزا امريكيه ؟
بالنسبة لي سافرت مرتين لتورنتو من ميشيغن .. والفيزا كنت اقدم على قنصلية ديترويت .. وماجربت الاونلاين .. بس اعتقد سهل .. وبالنسبة لفيزة اخوك .. عادي ماتفرق دام ان الفيزا صالحة ..
رد: ايش وضع السياحه في كندا للي معه فيزا امريكيه ؟
ايه فيزتي انا وأخوي كلها صالحه
بس مطلوب مني اقدم على فيزا كندية ؟ وتنطبع بجوازي ؟
ابي بالتفصيل الممل لاني صراحه مافهمت شي !
رد: ايش وضع السياحه في كندا للي معه فيزا امريكيه ؟
خلاص بحثت عن هالموضوع وصارت الدعوة حفله
لازم فيزا والفيزا مدري كم بتاخذ يوم ورسومات وصوره مقاس كم في مدري كم وشهاده بنكيه وخرابيط وحوسه
ومالي خلق اسوي كل ذا عشان اقعد يومين بكندا وارجع، احسب الدعوة أوقع الاي توني وبس
هونت مب لازم اروح ، اروح هاواي اصرف
رد: ايش وضع السياحه في كندا للي معه فيزا امريكيه ؟
اقتباس:
المشاركة الأصلية كتبت بواسطة Miss Hayfa
ايه فيزتي انا وأخوي كلها صالحه
بس مطلوب مني اقدم على فيزا كندية ؟ وتنطبع بجوازي ؟
ابي بالتفصيل الممل لاني صراحه مافهمت شي !
هذا الموقع للتقديم اونلاين Do you want to come to Canada, or extend your stay? ولازم يكون عندك سكانر او كاميرا لتصوير الاوراق المطلوبة وتحمليها وكريديت كارد..
طريقة الموقع .. بعد الضغط على بداية الطلب .. تتحول الى استبيان من 15 الى 20 سؤال .. يحدد وضع طلبك ولاتنسين بلد الاقامة امريكا وفي سؤال بالاخير يقول هل معك احد مرافق .. زوج ..الخ حطي نعم .. وكملي بيانات اخوك ...
بعدين تحميل الاوراق .. (صورة جواز السفر .. صورة الفيزا الامريكية .. اثبات انك طالب .. كشف حساب من بنك امريكي ...الخ)
بعدين مراجعة الطلب للتأكد من المعلومات ..
ثم الدفع بالكريديت كارد..
وارسال الطلب ... بالنسبة للفيزا تنطبع بالجواز والا لا .....ما عندي خبر بالنسبة للاونلاين .. لاني سبق ان قدمت اوراقي مع الجواز لقنصلية ديترويت بصورة مباشرة .. فالفيزا اطبعوها لي بالجواز.. وما اعتقد تفرق سواء .. ارسلوا ورقة عبارة عن الفيزا لك والا ارسلوا بطلب الجوازات لطبع الفيزا .. البريد موجود وشغله آمن ...
ولو ان الشغله مملة بس انصح جدا بالسفر لكندا ...