الأعضاء الإشتراك و التسجيل

الملتقيات
ADs

استفسار كذا استفسار عـن الصيدلة بـكلوريس

استفسار كذا استفسار عـن الصيدلة بـكلوريس


NOTICE

تنبيه: هذا الموضوع قديم. تم طرحه قبل 1395 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية Abdulaziz_XD
    Abdulaziz_XD

    مبتعث جديد New Member

    Abdulaziz_XD الولايات المتحدة الأمريكية

    Abdulaziz_XD , ذكر. مبتعث جديد New Member. من السعودية , مبتعث فى الولايات المتحدة الأمريكية , تخصصى !! , بجامعة ..
    • ..
    • !!
    • ذكر
    • .., ..
    • السعودية
    • Feb 2014
    المزيدl

    February 18th, 2014, 02:22 AM

    السلام عليكم

    كيف الحال ..

    انا متخرج من الثانوية من سنتين بـ نسبة 75 - مخيسه النسبة ادري بس الشكوى لله عموما ..

    مالقيت قبول في السعودية ببسبب النسبة ولصعوبة القبول في التخصص الي هو الصيدلة

    البعض بيقول ان النسبة مره نازلة شل من راسك انك تلقى قبول من برآ .. مانيب مسكر البيبان في وجهي بحاول لعلا وعسى علمًا ان معي ايلتس 5.5 في امكان اني اجيب اعلى لو وجب

    السؤال الاول يـ حبي للأسئلة
    هل من الممكن اني القى قبول ؟ ولو قبول مشروط .. في كـالفورنيا اذا آآمكن
    هل فترة الدراسة هنا نفس فترة الدراسة هناك لاني سمعت ان طبيب الاسنان لما يتخرج بعد 8 سنين من برا يكون اعلى من الي متخرج بعد 7 سنين من السعودية -- مادري وشو المسمى بس سمعت شي من هـ القبيل
    - اذا تم قبول ادرس صيدلة على طول او اني ادرس شي قبل الصيدلة ( قريت ان الصيدلة برا لازم تدخل كيميا وفيزيا واحيا قبل ماتتخصص هل هذا صحيح او لا )

    وهذا كل الي ابي اسأله ولو في اسألة زيادة برجع لكم
    ههههههههههههههههههههه



  2. وعليكم السلام

    ما ادري عن القبول بالضبط
    لكن دراسة الصيدله في امريكا تختلف شوي اغلب الجامعات تدرس Pharm D وهو ست سنوات تقريباً
    سنتين تحضيري واربع التخصص فاتوقع بتلقى لك جامعه تقبلك بالتحضيري

    طبيب الاسنان خريج السعوديه او خريج امريكا المرتبه وحده "حالياً" ما ادري بعد عشر سنوات لكن اتوقع لو فيه منافسه راح يكون لخريج امريكا اولويه
    وحط فبالك حتى بالتوظيف الجهات التوظيفي بدوا يدققون بالجامعات حتى لو انها جامعات امريكيه لكثره الخريجين
    7 "
  3. المشاركة الأصلية كتبت بواسطة hayway
    وعليكم السلام

    ما ادري عن القبول بالضبط
    لكن دراسة الصيدله في امريكا تختلف شوي اغلب الجامعات تدرس Pharm D وهو ست سنوات تقريباً
    سنتين تحضيري واربع التخصص فاتوقع بتلقى لك جامعه تقبلك بالتحضيري

    طبيب الاسنان خريج السعوديه او خريج امريكا المرتبه وحده "حالياً" ما ادري بعد عشر سنوات لكن اتوقع لو فيه منافسه راح يكون لخريج امريكا اولويه
    وحط فبالك حتى بالتوظيف الجهات التوظيفي بدوا يدققون بالجامعات حتى لو انها جامعات امريكيه لكثره الخريجين
    نفس هنا الدراسة ست سنوات .. بس مالقيت قبول !!

    الي فهمتة انو لازم اجيب درجة عالية في السنة التحضيرية عشان يسهل علي الباقي ..؟ صحيح او لا










    المشاركة الأصلية كتبت بواسطة أبوزينب
    الصيدلة عباره عن خليط كيمياء عضويه بشكل كبير وكيمياء حيويه بشكل اقل , حط ببالك هالشئ
    ليش كاليفورنيا تحديدا؟ شفلك مكان ارخص والجامعات اسهل قبول
    وش اقترحاتك ياخوي ..!!

    وهل التحويلمن جامعة لجامعة ثانية سهل او انه صعب
    7 "
  4. صعب أحدلك مدينه معينه , لكن ابعد عن الغلا مثل كاليفورنيا ومدينتي بوسطن وطقتها , صدقني كثي من الطلاب اجبروا عليها لتكدس المدن الاخرى
    نصيحتي لك كأخ , لوحصلت لك فرصة بالسعويه بكليه أهليه الى مايجيك ابتعاث داخلي أفضلك
    بالتوفيق
    7 "
  5. المشاركة الأصلية كتبت بواسطة Abdulaziz_XD
    نفس هنا الدراسة ست سنوات .. بس مالقيت قبول !!

    الي فهمتة انو لازم اجيب درجة عالية في السنة التحضيرية عشان يسهل علي الباقي ..؟ صحيح او لا












    وش اقترحاتك ياخوي ..!!

    وهل التحويلمن جامعة لجامعة ثانية سهل او انه صعب

    هلا اخوي فيه اختلاف مو نفس السعوديه
    اول شي التحضيري سنتين مو سنه وحده ويختلف اختلاف كلي عن تحضيري السعوديه
    ثاني شي التطبيق يختلف اختلاف كلي عن اللي بالسعوديه السعوديه تقريباً اخر سنتين ونص تطبيق اكلينيكي وتدريب صيدلي
    المواد مو مثل السعوديه يحطون لك خطه دراسيه اجباريه لجميع الطلاب علشان تاخذ التخصص
    يعطونك مواد اساسيه والباقي كله تختار اللي يناسبك

    اذا جبت معدل 3 من 4 في اول سنتين تضمن لك مكان بالpharm D ان شاء الله
    7 "
  6. المشاركة الأصلية كتبت بواسطة أبوزينب
    صعب أحدلك مدينه معينه , لكن ابعد عن الغلا مثل كاليفورنيا ومدينتي بوسطن وطقتها , صدقني كثي من الطلاب اجبروا عليها لتكدس المدن الاخرى
    نصيحتي لك كأخ , لوحصلت لك فرصة بالسعويه بكليه أهليه الى مايجيك ابتعاث داخلي أفضلك
    بالتوفيق
    يعطيك العافية .. والله يوفق الجميع

    المشاركة الأصلية كتبت بواسطة hayway
    هلا اخوي فيه اختلاف مو نفس السعوديه
    اول شي التحضيري سنتين مو سنه وحده ويختلف اختلاف كلي عن تحضيري السعوديه
    ثاني شي التطبيق يختلف اختلاف كلي عن اللي بالسعوديه السعوديه تقريباً اخر سنتين ونص تطبيق اكلينيكي وتدريب صيدلي
    المواد مو مثل السعوديه يحطون لك خطه دراسيه اجباريه لجميع الطلاب علشان تاخذ التخصص
    يعطونك مواد اساسيه والباقي كله تختار اللي يناسبك

    اذا جبت معدل 3 من 4 في اول سنتين تضمن لك مكان بالpharm D ان شاء الله
    يعطيك العافية .. وعذرًا على الازعاج بس فية نقطه مافهمتها الـي هي " يحطون لك خطه دراسيه اجباريه لجميع الطلاب علشان تاخذ التخصص
    يعطونك مواد اساسيه والباقي كله تختار اللي يناسبك
    " يلزموني بخطه دراسية معينه في امريكا او السعودية .. وهل لازم اني اجيب 3 من 4 عشان اتخصص !! او لو لا قدر الله جبت اقل ممكن انها تمشي الامور (( لازم الواحد يحط اسواء الاحتمالات ))
    7 "
  7. المشاركة الأصلية كتبت بواسطة Abdulaziz_XD
    يعطيك العافية .. والله يوفق الجميع



    يعطيك العافية .. وعذرًا على الازعاج بس فية نقطه مافهمتها الـي هي " يحطون لك خطه دراسيه اجباريه لجميع الطلاب علشان تاخذ التخصص
    يعطونك مواد اساسيه والباقي كله تختار اللي يناسبك
    " يلزموني بخطه دراسية معينه في امريكا او السعودية .. وهل لازم اني اجيب 3 من 4 عشان اتخصص !! او لو لا قدر الله جبت اقل ممكن انها تمشي الامور (( لازم الواحد يحط اسواء الاحتمالات ))
    لا عادي اهم شي انك تعرف وتفهم اللي انت مقبل عليه وتدعي لنا

    3 من 4 تقريباً اغلب التخصصات الطبيه تطلب هذا المعدل علشان التخصص او التطبيق يعني ان شاء الله اذا جبت هذا المعدل بالتحضيري بتلاقي لك جامعات كثيره تقبلك سواء بالصيدله او غيرها من التخصصات

    اللي اقصده اذا انت درست في جامعه امريكيه
    وكان من متطلبات التخرج انك تتم 120 ساعه علشان تتخرج
    مطلوب منك تقريباً 30 الى 40 ساعه مواد تخصص والباقي انت تختار المواد والمواد تكون عامه او تدريب او او او
    يعني يحطون لك لستة مواد مختلفه ويقولون لك اختر مادتين من هذا القسم ومادتين من هذا القسم لحد ماتكمل المطلوب منك

    بالسعوديه عندك جدول محدد كل فصل دراسي لازم تخلصه علشان تتخرج
    مافيه مواد اختياريه بالنسبه للتخصصات الصحيه الا اشياء محدده جداً الباقي كله اجباري
    تقريباً مثل الثانوي
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.