هل DePaul University يهوديه؟

السلام عليكم

اسعد الله اوقاتكم بكل خير

اخواني انا لي كم يوم هايم على وجهي ادور قبول في جامعة SOUTHERN ILLINOIS UNIVERSITY-CARBONDALE
لكن انصدمت بالواقع ان معهدهم متدكس بعد مازانت لي الديره والمعهد والجامعه وحقدت على وزارة التعليم صراحه لكن يلا ندور غيرها

ولقيت جامعه يمدحونها اسمها DePaul University ولما خشيت على رابطهم هذا International Programs: International Admission وجلست اقرا مافهمت
لقيت فوق مكتوب عربي!! قلت تمام نختار اللغه العربيه ونكمل قراءه
لكن انصدمت لما حولت الصفحه لعربي!!! مكتوب

نظرة عامة

تعتبر جامعة ديبول أكبر جامعة كاثوليكية، والعاشرة عشر بين الجامعات الخاصة، غير الهادفة للربح في الولايات المتحدة. ونظرًا لوجود 24966 من الطلاب المسجلين بالجامعة، فإن الحياة الجامعية تعكس العديد من الخلفيات العرقية والدينية والجغرافية والاقتصادية.

هل الجامعه يهوديه ولا ايش؟


,,,

وياليت الخبير في الجامعات يقولي الـ I20 اخذه من المعهد ولا من الجامعه؟
يعني اقدم على الجامعه واخذ الـ I20 والقبول المشروط ولا اقدم على المعهد اول؟ لاني دخت صراحه وتعبت
وهل لو عندي قبول مشروط من الجامعه المتكدس معهدها وجيت انضم للبعثه!!هل يقبلوني!! ولا لازم اغير معهدي لانه مكتدس!!
تكفون جاوبو

هلا اخوي انت بالسعودية الان


( تمت المشاركة باستخدام تطبيق مبتعث )

الله الله بالسعوديه
لو اني بامريكا كان رحت للجامعات بنفسي

لكن ليه السؤال!!

اقتباس:

---

المشاركة الأصلية كتبت بواسطة أحــمــد المطيري

السلام عليكم

اسعد الله اوقاتكم بكل خير

اخواني انا لي كم يوم هايم على وجهي ادور قبول في جامعة SOUTHERN ILLINOIS UNIVERSITY-CARBONDALE
لكن انصدمت بالواقع ان معهدهم متدكس بعد مازانت لي الديره والمعهد والجامعه وحقدت على وزارة التعليم صراحه لكن يلا ندور غيرها

ولقيت جامعه يمدحونها اسمها DePaul University ولما خشيت على رابطهم هذا International Programs: International Admission وجلست اقرا مافهمت
لقيت فوق مكتوب عربي!! قلت تمام نختار اللغه العربيه ونكمل قراءه
لكن انصدمت لما حولت الصفحه لعربي!!! مكتوب

نظرة عامة

تعتبر جامعة ديبول أكبر جامعة كاثوليكية، والعاشرة عشر بين الجامعات الخاصة، غير الهادفة للربح في الولايات المتحدة. ونظرًا لوجود 24966 من الطلاب المسجلين بالجامعة، فإن الحياة الجامعية تعكس العديد من الخلفيات العرقية والدينية والجغرافية والاقتصادية.

هل الجامعه يهوديه ولا ايش؟


,,,

وياليت الخبير في الجامعات يقولي الـ I20 اخذه من المعهد ولا من الجامعه؟
يعني اقدم على الجامعه واخذ الـ I20 والقبول المشروط ولا اقدم على المعهد اول؟ لاني دخت صراحه وتعبت
وهل لو عندي قبول مشروط من الجامعه المتكدس معهدها وجيت انضم للبعثه!!هل يقبلوني!! ولا لازم اغير معهدي لانه مكتدس!!
تكفون جاوبو

---

الكاثوليك فرقه من فرق النصارى وبعدين شي طبيعي جامعه كاثولوكيه لانك ياغالي ما انت في السعودية انت في امريكا يعني الامر طبيعي


ال I20 تاخذه من المعهد لان الجامعه ما يعطونك ايتوني الا لو انت مقدم على قبول نهائي بس اذا مشروط ما لك ايتوني الا من المعهد الجامعه يعطونك قبول مشروط يعني ورقه مو ايتوني

والمعهد المتكدس حسب ما نعرف انه مسموح تدرس فيه ووقت الانضمام يطلبون منك تغيره او ممكن يضمونك عليه يعني امره طبيعي

والشباب اللي على حسابهم الخاص ان شاء الله ما يقصرون معاك

وش فيك حساس يالحبيب :) .. تيك إت اييييزي :)
تراك في أمريكا وش تبيهم يحطون لك .. جامعة الإمام محمد بن سعود الإسلامية :) ؟
أنت رجال رايح تطلب علم في تخصص معين منت قاعد في الجامعة طول عمرك :) .. الحياة حلوة :)

هههههههههههههه يقول جامعه تتبع الكاثوليك ثم يلحق الجمله بسؤال ..هل هي جامعه يهوديه هههههههههههههههههههه الله يحفضك بس ..
الولد تايه وهو ما زال ببقعته ..الله يسهل لك ويسهل لنا امورنا يارب..

أبوحميد الزبده ادرس وشد حيلك ولاعليك من الامور هذه ,مالك فيها لاحل ولاربط وان ماأعجبك الله يعينك دور مكان ثاني على مسؤوليتك

يالربع وش فيكم علي

انا ماني حساس
ولا علي منهم
وادري رايح لديرة يهود ومقطعين اربع
لكن الموقع بالانقلش يعطي كلام واذا حولته لعربي يعطي كلام ثاني
يعني ماهي سالفة ترجمه
لاني ترجمة الكلام اللي بالانقلش ما جاب طاري للكثوليك
ليه لما احوله عربي يقول ترانا يهود
هذا كان السوال
وبعد خفت انها جامعه يهوديه بحته
يعني تطلعني عالم يهودي مافيه اطول من زلوفه ههههههههه
---
بعدين انت وياه يالله تطقطقون علي
ليه ماجاوبتو على باقي الاسئله
ولا فالحين بس بالتطنز
ياحيف بس

الكاثلوكية (فرقة نصرانية) وهي بعيدة كل البعد عن اليهودية.

الصفحة التي أرفقتها هي للطلاب الدوليين, وبالتالي سوف تضع الجامعة تعريف موجز عنها باللغات الأخرى
وإذا ذهبت للصفحة الرئيسية للجامعة بالتحديد في صفحة (حول الجامعة) سوف تجدها موضحة باللغة الإنجليزية
إنها أكبر جامعة كاثلوكية (راجع هنا: About | DePaul University )
في أول برقراف:

اقتباس:

---

At DePaul, teaching and learning are our priorities. That might seem obvious, but of the nation's 10 largest private universities, DePaul University is the only one whose faculty priority is teaching. We’re also the nation’s largest Catholic university—committed to an educational experience that weaves together mind, place, people and heart.

---

وإذا تجولت في مرافق الجامعة وفي الصور سوف تجد هويتها الكاثلوكية واضحة في الرسومات الدينية كما في إحدى فيديوهاتها
(في الدقيقة: 1:14 )

DePaul University officially opens Arts & Letters Hall - YouTube

بخصوص أسئلتك:

اقتباس:

---

وياليت الخبير في الجامعات يقولي الـ I20 اخذه من المعهد ولا من الجامعه؟
يعني اقدم على الجامعه واخذ الـ I20 والقبول المشروط ولا اقدم على المعهد اول؟ لاني دخت صراحه وتعبت
وهل لو عندي قبول مشروط من الجامعه المتكدس معهدها وجيت انضم للبعثه!!هل يقبلوني!! ولا لازم اغير معهدي لانه مكتدس!!
تكفون جاوبو

---

إذا تريد السفر على قبول لغة تأخذ I-20 من المعهد الذي تريد الدراسة فيه. فالجامعة لاتصدر I-20 على القبول المشروط.
في حالتك قدم على معهد لغة تجاري وسوف يصدر لك المعهد الـ I-20 الخاص بك وأدرس فيه.


- وبما أنك طالب على حسابك الخاص:
1) إبحث أولا عن قبول مشروط من أي جامعة تقبل إصدار قبول مشروط لك في التخصص الذي تريد الدراسة فيه.
2) اختار المدينة التي ترغب بدراسة اللغة فيها, وربما الجامعة مستقبلا بعد الإنتهاء من فترة اللغة.
3) إبحث عن معاهد تجاري في هذه المدينة لا يتطلب تكاليف دراسية مرتفعة وإصدار I-20 منه (والدراسة فيه لحتى الإنضمام للبعثة.)
4) الذهاب للسفارة لإستخراج فيزا دراسية F1 بعد أن تصلك ورقة القبول والـ I-20 من معهدك.
5) بعد الموافقة على دراستك على الحساب الخاص من قبل الوزارة, إحجز التذاكر وسافر وأدرس في معهدك.

بعد الإنضمام للبعثة:
- تقوم بالتحويل من معهدك التجاري إلى معهد أكاديمي غير متكدس والحصول على I-20 من المعهد الجديد.
- تحويل السيفيس من معهدك القديم للمعهد الجديد.
- أرفع للملحقية قبولك من المعهد الجديد وسوف توافق عليه إن شاء الله في حال كان غير متكدس.
بعد الموافقة على معهدك الجديد سوف يصبح لديك (سنة لغة كاملة ستبدأ بدراسة اللغة فيها)

بعد إنتهاء سنة اللغة: (لديك خياران)
- تحقيق متطلبات الجامعة التي أعطتك قبول جامعي مشروط وفق هذه المتطلبات والدراسة فيها.
- مراسلة الجامعات التي تريدها والتي توافق على المتطلبات التي حققتها, والدراسة فيها
في حال تم قبولك من إحدى هذه الجامعات.


وللمزيد من المعلومات تصفح هذا القسم للإستفادة: الدارسين على حسابهم الخاص


وبالتوفيق لك.

الله يجزاك خير اختي هداية الرحمن

امثالك هم اللي يخلوننا ندخل مبتعث ونسال عن ما يحيرنا
هذا هو الرد المثالي على اي استفسار
رد محترم وواضح وشافي وكافي
الله يوفقك وين ماوجهتي
والله يرزقك من اوسع ابوابه ويسعدك ويحقق كل امانيك بالدنيا ويجعلك من سكان الفردوس الاعلى انتي ووالديك ومن يعز عليك
والله الواحد يفرح لمى يشوف ناس تتعب نفسها وتشغل وقتها لخدمة اخوانهم المسلمين لوجه الله
الله لا يحرمك الاجر