الأعضاء الإشتراك و التسجيل

الملتقيات
ADs

مساعدة رايكم يهمني بصفتكم اهل خبره ..

مساعدة رايكم يهمني بصفتكم اهل خبره ..


NOTICE

تنبيه: هذا الموضوع قديم. تم طرحه قبل 1398 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية turki alshammri
    turki alshammri

    مبتعث جديد New Member

    turki alshammri السعودية

    turki alshammri , ذكر. مبتعث جديد New Member. من السعودية , مبتعث فى السعودية , تخصصى علمي , بجامعة جامعة الدمام
    • جامعة الدمام
    • علمي
    • ذكر
    • الدمام, الدمام
    • السعودية
    • Feb 2014
    المزيدl

    February 19th, 2014, 07:55 PM

    السلام عليكم ورحمة الله وبركاته
    اما بعد
    موضوعي شوي طويل ومعقد واتمني ان اجد الحل لديكم حيث ان لكم باع طويل في هالموضوع وتعرفون اسراره وخفاياه طالما اني بحثت ودورت وسألت الا اني لم اجد مايقنعني (ما ادري انا درج ماافهم او فعلا موضوعي معقد لدرجه اني دخلت عالم النفس والتسبيك)

    اخواني - اخواتي الأعزا انا حلمي الدراسه في امريكا من مايقارب 10 سنوات والأن فصلت من وظيفتي الحكوميه لأجل ان احقق هالحلم ولكن للأسف اني لم ادخر مبلغ كافي (شاء الله وماارد فعل)

    لدي مبلغ 39 الف وعندي سياره ببيعها بتجيب لي مايقارب 12 او 10 الألف ولغتي الأنجليزيه مش ولابد يعني الحمد لله اقدر اتكلم مع اي جنسيه ولكن لا اعرف مراسلة الجامعات هناك والمعاهد فا قلت خلني اعتمد على المكاتب اعرف انهم بياخذون على مبلغ ولكن في سبيل انهم يكملون كامل أجراءتي من دون نقصان (والكامل وجه الله )

    بديت البحث ولكن صادفت عدة مشاكل :

    الأولى : انه لازم ضمان مالي بمبلغ 120 الف (لو عندي ماجلسسست اصلاء ولا يوم بالسعوديه )واموت واعرف من يبي هالضمان من المستفيد القنصليه الجامعه ال ال ال؟؟؟؟ منهو بالظبط وهل هو ضروري والا لا ..؟

    الثانيه : بالنسبه للقبول ببرنامج الملك عبدالله هل هناك مده يجيب انك تدرسها على حسابك ؟
    لانو في ناس كثير يقولون انه لازم ثلاث شهور وناس تقول اربع شهور وناس تقول ست شهور ؟؟ والا هي حظ ونصيب ..؟


    الثالثه : انا لو دفعت هالمبلغ اللي معي ماراح مايبقى شي معي فهل يجب اني اخذ مصروف حيث اني بكون دافع حق ثلاث او اربع شهور اكل ,دارس,ساكن ؟؟؟

    للمعلوميه المكاتب اللى جيتها من دون ذكر اسما بتاخذ من ال 2500 الى 3000 ريال اتعابها وحسبتهم لي بعطيكم حسبه احد المكاتب وش رايكم فيها هل هي مناسبه او فيه ارخص ...؟

    رسوم المعهد 3 شهور :10125 ريال
    رسوم السكن 3 شهور مع عائله طبعا شامل وجبتين : 8440 ريال
    الفيزه الدراسيه : 1850 ريال

    افيدوني بكل ماتعرفونه جزاكم الله خير واسئل الله ان ييسر اموركم
    [/SIZE]
  2. و عليكم السلام ورحمة الله و بركاته

    نصيحتي لك اخوي . . دور لك و ظيفه ثانيه . . و جمع منها 40 الف على الي عندك و توكل على الله و اطلع للدراسه اذا كانت رغبه فعليه لك . .

    لأن المبلغ هذا حتى و ان بعت السياره . . ما راح يكفيك بالشكل المطلوب . . يبي لك على الأقل 70-80 الف ريال عشان تكفيك ست شهور و انت مرتاح . . لان قبولك في الملحقيه ممكن يأخذ اربع شهور . . خمسه . . سته . . ما فيه مده معينه يعني . . لكن في الغالب تكون من بعد الشهر الرابع اذا كانت اوراقك كامله

    ثاني شي الضمان المالي بو 120 الف تبيه السفاره و يبيه المعهد . . هو ضمان صوري فقط عشان يضمن لهم ان لديك القدره على تغطية تكاليف الدراسه و السكن والمعيشه بامريكا . . يعني ما راح ياخذونها . . بس يبون يتأكدون من قدرتك الماليه على تغطية المصاريف الي ذكرتها

    أخيراً مصاريف الدراسه والبعثه خصوصا في بدايتها مكلفه . . يعني تطير عليك ستة الاف سبعه زي السلام عليكم كاجراءات قبول و تأسيس نفسك في أمريكا و تجهيز . . فعشان كذا مثل ما قلت لك اجمع على هالمبلغ شوي و توكل على الله . .

    و آخر نصيحه لك بما انك على حسابك . . اسكن مع عايله و اعرف كم يبون منك مقدما . . و الحسبه الي حطيتها انت صحيحه كمتوسط . . و أيضا لازم يكون معك قبول جامعي قبل لا تطلع من هنا . . و آخر شي اختر معهد يناسب قدرتك الماليه . . و بكذا تكون متطمن على وضعك اكثر قبل لا تطلع . . و بالتوفيق ان شاء الله
    7 "
  3. والله يا اخوي انت تستشير بعد ما الطوبة وقعت في المعطوبة ,, لا تزعل مني و انا اختك
    لكن انت اتهورت بـ انك فصلت دايركت من شغلك ,, حتى لو كان معاك المبلغ المطلوب كان بـ امكانك تاخذ اجازة استثنائية 3 شهور بـ الصيف
    و تجرب كيف الوضع لانه يمكن ما يزين لك من اساسه و تكون كسبت دراسة و كسبت الوظيفة

    لكن قدر الله و ما شاء فعل

    امكانية انه تلتحق بـ البعثة تعتمد عليك انت و حظك ,, و انت و واسطتك
    فيه ناس من اول شهر و فيه ناس لهم سنة و لسى ينتظروا ,, يعني ما فيه احد يقدر يقول لك المدة هذي قد ايش

    دور لك على وظيفة
    تحتاج كثير عشان تأمن استقرار معيشي لـ نفسك لـ مدة 6 شهور ع الاقل
    و بعدها لا تفصل من عملك الا و انت ضامن انه وضعك مستقر في بلد الابتعاث
    7 "
  4. المشاركة الأصلية كتبت بواسطة BE OPTIMISTIC
    و عليكم السلام ورحمة الله و بركاته

    نصيحتي لك اخوي . . دور لك و ظيفه ثانيه . . و جمع منها 40 الف على الي عندك و توكل على الله و اطلع للدراسه اذا كانت رغبه فعليه لك . .

    لأن المبلغ هذا حتى و ان بعت السياره . . ما راح يكفيك بالشكل المطلوب . . يبي لك على الأقل 70-80 الف ريال عشان تكفيك ست شهور و انت مرتاح . . لان قبولك في الملحقيه ممكن يأخذ اربع شهور . . خمسه . . سته . . ما فيه مده معينه يعني . . لكن في الغالب تكون من بعد الشهر الرابع اذا كانت اوراقك كامله

    ثاني شي الضمان المالي بو 120 الف تبيه السفاره و يبيه المعهد . . هو ضمان صوري فقط عشان يضمن لهم ان لديك القدره على تغطية تكاليف الدراسه و السكن والمعيشه بامريكا . . يعني ما راح ياخذونها . . بس يبون يتأكدون من قدرتك الماليه على تغطية المصاريف الي ذكرتها

    أخيراً مصاريف الدراسه والبعثه خصوصا في بدايتها مكلفه . . يعني تطير عليك ستة الاف سبعه زي السلام عليكم كاجراءات قبول و تأسيس نفسك في أمريكا و تجهيز . . فعشان كذا مثل ما قلت لك اجمع على هالمبلغ شوي و توكل على الله . .

    و آخر نصيحه لك بما انك على حسابك . . اسكن مع عايله و اعرف كم يبون منك مقدما . . و الحسبه الي حطيتها انت صحيحه كمتوسط . . و أيضا لازم يكون معك قبول جامعي قبل لا تطلع من هنا . . و آخر شي اختر معهد يناسب قدرتك الماليه . . و بكذا تكون متطمن على وضعك اكثر قبل لا تطلع . . و بالتوفيق ان شاء الله
    عزالله انك كفيت ووفيت وبصراحه قبل لا ادخل هالمنتدى كنت مع بعض الأصدقاء ومحاوله ارجاعي لعملي وبكرا راح اشوف وش يصير وان شاءالله انهم يرجعوني وكلامك من ناحية ال70 و80 الف فعلاء هنا تبتعث وانت مرتاح لك مني كل الأحترام والتقدير وشاكر لك وجزالك الله خير واسئل الله ان ييسر امورك ويحسن خاتمتك ....
    7 "
  5. المشاركة الأصلية كتبت بواسطة أوكاسيا
    والله يا اخوي انت تستشير بعد ما الطوبة وقعت في المعطوبة ,, لا تزعل مني و انا اختك
    لكن انت اتهورت بـ انك فصلت دايركت من شغلك ,, حتى لو كان معاك المبلغ المطلوب كان بـ امكانك تاخذ اجازة استثنائية 3 شهور بـ الصيف
    و تجرب كيف الوضع لانه يمكن ما يزين لك من اساسه و تكون كسبت دراسة و كسبت الوظيفة

    لكن قدر الله و ما شاء فعل

    امكانية انه تلتحق بـ البعثة تعتمد عليك انت و حظك ,, و انت و واسطتك
    فيه ناس من اول شهر و فيه ناس لهم سنة و لسى ينتظروا ,, يعني ما فيه احد يقدر يقول لك المدة هذي قد ايش

    دور لك على وظيفة
    تحتاج كثير عشان تأمن استقرار معيشي لـ نفسك لـ مدة 6 شهور ع الاقل
    و بعدها لا تفصل من عملك الا و انت ضامن انه وضعك مستقر في بلد الابتعاث

    الشكوى لله ياوخيتي فعلا تسرعت ولكن لعل وعساء انهم يرجعوني ولكن ردا على كلامك اني اخذ اجازه ياحيي انا لي سنه وابي اجازه شهر ماني قادر اخذها حسبي الله عليهم فما بالك بثلاث شهور
    على العموم الله يجزاك خير على ردك وان كانك متزوجه الله يرزقك بالذريه الصالحه وانك كانك ماتزوجتي الله يرزقك بالزوج الصالح وشوكرن لتس ...
    7 "
  6. المده للالتحاق من اربع شهور وطالع اشوف ميزانية ٥٠ ألف وطالع هي الأنسب سجل في معهد رخيص ٥٠٠ دولار وانت طالع انا كنت ادرس في معهد ب ٦٠٠ دولار تقريبا ..... الحين فيه شروط قبل تطلع تحضر الملتقى وتأخذ الموافقه بالدراسه ع حسابك ( الله يسهل أمرك ويوفقك وتحقق حلمك وطموحك يارب)
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.