الأعضاء الإشتراك و التسجيل

الملتقيات
ADs

مساعدة استفسارات عن اللغه وبعض الحاجات ؟!

مساعدة استفسارات عن اللغه وبعض الحاجات ؟!


NOTICE

تنبيه: هذا الموضوع قديم. تم طرحه قبل 1395 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية tigerksa
    tigerksa

    مبتعث جديد New Member

    tigerksa السعودية

    tigerksa , ذكر. مبتعث جديد New Member. من السعودية , مبتعث فى السعودية , تخصصى الى الان , بجامعة الى الان
    • الى الان
    • الى الان
    • ذكر
    • الرياض, ماعندي
    • السعودية
    • Aug 2011
    المزيدl

    February 22nd, 2014, 04:32 PM

    السلام عليكم

    انا نويت اروح لامريكا لمده شهر طبعا مهنا خويي بكون لحالي فقررت بماني رايح لشهر وراح اكون لحالي ادخل معهد ابو شهر عارف اني ماراح استفيد وناس جلسو سنين ولا تعلمو ههههه

    بس احسن من اجلس فرفره لحالي طول الوقت

    بس عندي كم سؤال

    اول شى انا محتار وين اروح لوس انجلوس ولا نيويورك ولا كاليفورنيا
    كاليفورنيا مدينه على بحر وكذا احس انها احلى جوو
    ولا وش رايكم انتم ؟

    وبخصوص المعاهد اذا تعرفون معاهد تنظم رحلات وطلعات وكذا بالويكند
    لاني قد جربت معاهد في بريطانيا وكان اختياري خطا ماختار معاهد سياحيه تطلعني وتلف بي وتسوي رحلات وفله

    بخصوص التكلفه اذا بجلس شهر كم المبلغ اللي راح يكفيني هل 25 الف ريال كافيه وشامله كل شى من الطيران والفيزا والمعهد والسكن والاكل وكل ابو شي ولا ماتكفي ؟!!!!!!

    وبخصوص الفيزا اقدر اقدم عليها من الحين قبل ماحجز ولا اختار المعهد ؟! ولا لازم اختارهم ؟

    والله يعطيكم الف عافيه
  2. المشاركة الأصلية كتبت بواسطة أبوزينب
    شهر واحد ماأشوف راح تفيدك كثير أخوي , الله يوفقك
    اخوي انا مابيها فايده دراسه ماراح تفيدني شهر وعارف انها ماراح تسوي شى

    بس بدال ماروح شهر واجلس افرفر لحالي ابي اروح لمعهد اداوم شي يشغلني

    يعني انا امنيتي اروح لامريكا واجلس بها شهر كذا ومامعي خويي يخاويني وقدرت ادبر مبلغ

    وابي اروح لها سياحه لمده شهر بدال ماسكن لحالي بسكن مع عايله واداوم بالمعهد وبعد المعهد افرفر واذا دخلت معهد بخالط ناس واحتك واطلع معهم وكذا

    انا ماهمتني الفايده اكثر من همني السياحه بس مابي اروح سياحه لمده شهر ويصير عندي 24 ساعه فاضي يعني اذا بروح لوس انجلوس بكفيها سياحه 10 ايام كذا لحالي بس انا ابي اشغل نفسي واعيش بها فتره لمده شهر كذا ع ميزانيتي

    اتمنى وضحت الفكره

    انتظركم تكفون محتاجكم الوقت يداهمني
    7 "
  3. المشاركة الأصلية كتبت بواسطة سلطان21
    بالنسبة للمبلغ كافي جداً بإذن الله

    رائي نيويورك افضل

    حدد المعهد وتأكد هل تستطيع الدراسه فيه بفيزة سياحية

    هذا موقع للعوائل ادخل ودور واتفق معهم

    Book homestay accommodation worldwide | Don’t just visit, live it

    بالتوفيق ❤
    يعطيك الف عافيه

    بس يوم اخترت نيويورك والتواريخ ماطلع لي الا 7 وماصلحو لي

    بخصوص المعهد انا والله مالي خبره فمالعاهد ابي معهد سياحي يسوي رحلات يعني نهايه الاسبوع وكذا

    مايكون يطفش

    وشكرا
    7 "
  4. لو بتدرس شهر أفضل انك تجي نيويورك لعده أسباب
    ١- الجو بعد شهر من الحين بيصير حلو جداً والربيع قرب عاد الولايات الشرقيه جمال لايوصف. بعكس كالفورنيا الي تميل للجفاف والتصحر. طبعا لوس أنجلس حلووووة بس كاقامه طويله
    ٢- الإجار نار في كلا المدينتين مع ارتفاع ملحوظ بنيويورك. بس دامك شهر عادي (أنصحك بموقع craigslist( ابحث عن غرف راح تحصل تنوع لين تدوخ.
    ٣- نيويورك قريبه من عدة ولايات مثل نيوجيرزي، بنسلفانيا، العاصمة، كونتكت، ووووو الخ. يعني عندك فرصه تستكشف امريكا
    ٤- نيويورك ما راح يكفيك شهر لاكتشافها (اذا كنت من عشاق السياحه والاستكشاف) عندك اشيا كثير تسويها هنا وعاد كل ماطفشت دق سلف علا مانهاتن (في الصيف ورووووووعه)
    ٥- آسمك درست في نيويورك. عاد الاسم وحدة طناخه ههههههههه انت في عاصمة العالم واهم مدينه بلا منازع


    ( تمت المشاركة باستخدام تطبيق مبتعث )
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.