اجراءات شحن السيارة لأمريكا!! استفسار

السلام عليكم يا شباب

حبيت استفسر لاهنتم عن اجراءات شحن السيارة لأمريكا .. انا مسافر نهاية هذه السنة يعني مع فتح البرنامج الفترة هذه القادمة (العاشرة)

واشتريت سيارة جديدة قبل شهر بالضبط (هوندا سيفيك) لكن بنظام تأجير منتهي بالتمليك .. فـ السيارة توها جديدة و حرام تقعد معي اقل من سنة و اسافر

ففكرت اني اشحنها معي امريكا، ادري ان هناك السيارات رخيصة و امور الشحن صعبة ومكلفة لكن لظروف خاصة بتكون صعبة عليّ، و ان بغيت سيارة فأضطر اقعد سنتين ثلاث لين ما احاول اجمع المبلغ و تتيسر اموري و اجيب سيارة ، لا و تكون مستعمله بعد

انا اللي اعرفه ان السيارات بأمريكا مب ذيك الرخص و اعرف ناس اشتروا سيارات مستعمله من 8 الاف ل 10 اف دولار يعني تقريبًا 40 الف ريال لا و كل سيارة منهم اللي ماشيه 120 الف واللي ماشية 100 الف .. فليش ادفع هالمبلغ على سيارة مستعمله وماشية كثير و انا عندي سيارة نظيفة و جديدة و ما بدفع الا نص هال40 .. ولا؟

انا قريت ان شحن سيارتي بتكلفني 15 الف .. هل صحيح هالكلام؟ و كم ممكن تكلف الشغله بالضبط؟ مع العلم ان سيارتي ايجار منتهي بالتمليك و باقي عليها 4 سنوات مدري 5 حتى امتلكها يعني تقريبًا اكون تخرجت .. فهل اقدر اشحنها ولا؟ مع العلم ان ابوي بيستمر هنا بالسعودية في دفع باقي الاقساط..

وشكرا مقدمًا

وعليكم السلام

ما ادري عن اجراءات الشحن بالضبط من السعوديه لامريكا

لكن احس ان شحنك للسياره قرار يبي لك تفكر فيه
كم بيكلفك شحن السياره؟ 15 الف ريال ؟ يعني بعد سنه تقريباً تقدر تجمع فوق هالمبلغ من اقساط السياره دبل خلال سنه تأمين السياره الشهري؟
لو تفكر فيها بتطلع عليك تكلفه عاليه اذا جبت سيارتك لامريكا

وانت اول مره تجي لامريكا يعني بعد سنه يمكن ماتعجبك الديره وتبي ترجع. لا تقول انا مصمم ومتحمس الكلام هذا كله بيتغير اذا جيت لامريكا


اظن فيه فترة استرجاع السياره اذا ماخاب ظني للسياره لو ترجعها بيكون افضل لك

- استخراج شهادة من المرور
- استخراج دفتر تصدير للمركبة دفتر العبور الجمركي (التربتيك) عن طريق أعضاء الاتحاد الدولي للسفر والسياحة بالمملكة وهي.. النادي السعودي للسفر والسياحة ومؤسسة اتحاد السيارات السعودي أو المكاتب الممثلة لها المنتشرة في المملكة مثل مكاتب السفر والسياحة ومكاتب الشحن البحري والجوي وغيرها تلافيا لاي ضرر قد يلحق بمالك المركبة من حيث مطالبته بمبالغ مالية كبيرة في حالة عدم اثبات خروجها من البلد الذي سافر اليه.
- الاتفاق مع شركة الشحن بالسعر والمكان المطلوب شحن السيارة إليه
- مطابقه السيارة للمواصفات الامريكيه.
- تجديد " التربتيك " سنوي

هذه المعلومات نتيجة بحث وليست تجربة قد تساعدك على البحث أو أتخاذ قرار .....

شركة هوندا لن تسمح لك بشحن السيارة امريكا
بالاضافة إجراءات جمارك ومواصفات امريكا تختلف وبالتالي ستخسر اكثر روح للشركة وقلهم الدفع مبلغ وألغي عقدك
واذا تبي اختصار الشغلة قلهم سيارة انسرقت وخلهم يأخذون من تأمين قيمتها وفك نفسك


( تمت المشاركة باستخدام تطبيق مبتعث )

الاقساط الشهرية للسيارة انا ما ادفعها اصلاً ، الوالد هو اللي بيدفعها لي ، و لو شحنت السيارة لامريكا بيظل هو اللي بيدفعها لي ..

مو شرط اشحنها اول ما اسافر .. ابقعد اول سنة عادي .. لكن ثاني سنة لي بامريكا .. الاشكالية بالموضوع وين .. سيارتي تأجير منتهي بالتمليك هل اقدر اشحنها وهي عالاقساط لكن اللهم السيارة بامريكا و ابوي يدفع اقساطها بالسعودية هنا؟ ولا لازم تكون السيارة مملوكه لي او للوالد حتى اقدر اشحنها؟

محد عنده اي علم بالموضوع يا شباب؟