الأعضاء الإشتراك و التسجيل

الملتقيات
ADs

مساعدة بخصوص قرار الابتعاث والمعهد متكدس

مساعدة بخصوص قرار الابتعاث والمعهد متكدس


NOTICE

تنبيه: هذا الموضوع قديم. تم طرحه قبل 1430 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية shammy
    shammy

    مبتعث جديد New Member

    shammy الولايات المتحدة الأمريكية

    shammy , أنثى. مبتعث جديد New Member. من السعودية , مبتعث فى الولايات المتحدة الأمريكية , تخصصى كيمياء , بجامعة جامعة الحدود الشماليه
    • جامعة الحدود الشماليه
    • كيمياء
    • أنثى
    • رفحاء, رفحاء
    • السعودية
    • Nov 2013
    المزيدl

    February 25th, 2014, 01:16 AM

    السلام عليكم

    اخواني انا جبت قبول من معهد els بولاية اوريغون مدينة بورتلاند
    وارسلو لي الاي توني وموعد الدراسه 31/3/2014

    المهم اني طلعت اليزه بخلال اسبوع ما طولت معي سالفة الفيزه انا وزوجي
    وامس الصدمه الكبيره لما راسلنا الوزاره ردو علينا ان المعهد متكدس وماينفع يطلعون لنا قرار ابتعاث
    وانه لازم نجيب موافقه من الملحقيه على االدراسه بمعهد متكدس مع العلم ان الدراسه باقي لها تقريبا شهر وشوي
    يعني مايمدينا نبدا من جديد لان الفيزه تاريخها 31/3/2014
    المهم راسلنا كذا ايميل على عماها ماندري ايميل مين نراسل بالملحقيه ورد علينا واحد بهذا الرد


    السلام عليكم ورحمة الله وبركاته ،،،

    الطالبة العزيزة :



    ممكن لطلاب المرحلة التاسعة السماح بالدراسة في المعاهد المتكدسة اذا توافر لديهم قبول مشروط لهذا المعهد في أو قبل 31 ديسمبر 2013م



    وفقك الله ،،،







    سعاد الحواوشي

    Soad Elhawawshy

    ارجو لمن يعرف حل لمشكلتنا ان يدلنا على الطريق الصحيح لاننا خسرنا خساير مايعلم بها الا الله
    وصعبه جدا صعبه نبدا من جديد والفيزه معنا اصلا
  2. وعليكم السلام

    بحثت عن المعهد اللي مقدمه عليه
    لقيت ان المعهد مقفل من فتره يعني هذا شي مو جديد
    تقدرين تجيبين قبول جامعي مشروط بهذا المعهد علشان يوافقون لكم بالقرار
    او مالك الا تدورين معهد ثاني

    فيه معهد ثاني لكن مافيه احد ينصح فيه في بورتلاند يعني تضييع وقت على الفاضي

    ـــ خارج الموضوع
    انتي كتبتي (خسرنا خساير مايعلم بها الا الله)

    ممكن تعتبرين هذا تدخل لكن اذا انتي مبتعثه ما اتوقع انك خسرتي كثير غير تكلفة قبول المعهد واتوقع الملحقيه بيعوضونك
    باقي الاشياء كلها بتعوضك الملحقيه حتى الضمان المالي من الوزاره

    وانتم مابعد سافرتم علشان اقول ان عندكم عقود او استقريتوا واشتريتوا اثاث

    كل المطلوب منكم تطلعون اي توني ثاني من معهد ثاني وتسوون تحويل السيفس على الاي توني الجديد وخلصنا
    7 "
  3. اخوي مشكور على الرد
    ولكن نقصد بالخساير من اجار سيارات وفنادق ايام الملتقيات
    مو على 600 ريال حقت المعهد
    حنا مو بنفس الرياض او الخبر او جده حنا نجي من اقصى الشمال
    ولكن انت قلت انه فيه معهد ببورتلاند ماتنصح فيه شنو اااسمه وهل نقدر نجيب منه قبول بالسرعه هذي؟
    7 "
  4. القبول بسيط عاده ماياخذ اسبوع والشحن على حسب السرعه

    لكن تقدرون تقدمون على معهد وتطلبون منهم يرسلون الاي توني على الايميل عشان تقدمون به لان الاي توني الاصلي مايطلبه الا المطار وبكذا تختصرون وقت

    بالتوفيق
    7 "
  5. اخي العزيز حنا رحنا للوزاره اليوم الصباح
    وقالو لنا لازم موافقة الملحقيه اذا ماوافقت الملحقيه يزه
    معناه لازم اجيب قبول جديد وفيزه جديده لان اسم المعهد المتكدس موجود بالفيزه
    وهذي مشكله كبيره يعني مصاريف ثانيه وانتظار وقت اكثر ونحن لانعلم هل السفاره تصدر لنا الفيزه بسرعه زي المره الاولى او لا
    يعني حتى الوزاره قالوا لي نقدر نصدر لكم قرار ابتعاث ولكن تروحون هناك تصير لكم مشكله مع الملحقيه مايصرفون لكم مكافئه
    يعني لازم موافقة الملحقيه والملحقيه ماعندهم الا الرد الموجود بالموضوع كرروه لنا في اكثر من رد
    ولا نهلم ماهو الحل الدراسه باقي لها شهر
    اذا فيه احد بامريكا ويقدر يساعدنا من الملحقيه نرجو التواصل معنا وهذا هو الرقم عبر الواتس اب
    0551110198
    7 "
  6. المشاركة الأصلية كتبت بواسطة shammy
    اخي العزيز حنا رحنا للوزاره اليوم الصباح
    وقالو لنا لازم موافقة الملحقيه اذا ماوافقت الملحقيه يزه
    معناه لازم اجيب قبول جديد وفيزه جديده لان اسم المعهد المتكدس موجود بالفيزه
    وهذي مشكله كبيره يعني مصاريف ثانيه وانتظار وقت اكثر ونحن لانعلم هل السفاره تصدر لنا الفيزه بسرعه زي المره الاولى او لا
    يعني حتى الوزاره قالوا لي نقدر نصدر لكم قرار ابتعاث ولكن تروحون هناك تصير لكم مشكله مع الملحقيه مايصرفون لكم مكافئه
    يعني لازم موافقة الملحقيه والملحقيه ماعندهم الا الرد الموجود بالموضوع كرروه لنا في اكثر من رد
    ولا نهلم ماهو الحل الدراسه باقي لها شهر
    اذا فيه احد بامريكا ويقدر يساعدنا من الملحقيه نرجو التواصل معنا وهذا هو الرقم عبر الواتس اب
    0551110198
    لا ياختي مايحتاج فيزا جديده ولا شي ثاني

    فيه فروع للـ ELS بالسعوديه روحوا لاحد هذي الفروع واطلبوا تحويل لمعهد ثاني ويعطونكم اي توني جديد بنفس رقم السيفس القديم خلال كم يوم وخلاص
    تسافرون بنفس الفيز وبنفس كل شي بس تطلعون قرار الابتعاث مايحتاج تغيرون اي شي من الاجراءات غير الاي توني تطلبون تحويل وقبل لا تحولون لمدينة ثانيه تأكدوا ان المعهد مو متكدس او مغلق عن طريق الملحقيه

    المعهد قريت عنه كثير طلاب يقولون انه فاشل وغير كذا باقي فيه طالبين ويتقفل يعني احتمال كبير يتقفل قبل لا تبدون اجراءات
    7 "
  7. هلا اخوي
    هم بلغوني بهالشي الوزاره يقولون المعهد مذكور بالفيزه والمدينه بورتلاند كلهم بالفيزه
    يعني تحتاج تغيرين االفيزه بكبرها لما تجيبين قبول من معهد ثاني
    والمشكله ان كل معاهد els مثل ماتفضلت المتاحه كلها بولايات غاليه مثل كالفونيا وونيويورك وواشنطن
    يعني مافيه متاحه الا بالولايات الغاليه
    مادري اذا عندك خلفيه انه اذا المدينه مذكوره بالفيزا والمعهد مايتغيرون او تقدر نطلع لي معهد مو متكدس بولايه معقوله متوسطه على الاقل مو غاليه
    7 "
  8. المشاركة الأصلية كتبت بواسطة shammy
    هلا اخوي
    هم بلغوني بهالشي الوزاره يقولون المعهد مذكور بالفيزه والمدينه بورتلاند كلهم بالفيزه
    يعني تحتاج تغيرين االفيزه بكبرها لما تجيبين قبول من معهد ثاني
    والمشكله ان كل معاهد els مثل ماتفضلت المتاحه كلها بولايات غاليه مثل كالفونيا وونيويورك وواشنطن
    يعني مافيه متاحه الا بالولايات الغاليه
    مادري اذا عندك خلفيه انه اذا المدينه مذكوره بالفيزا والمعهد مايتغيرون او تقدر نطلع لي معهد مو متكدس بولايه معقوله متوسطه على الاقل مو غاليه
    الوزاره دايم نسمع منهم معلومات غلط

    انا قلت لك عن معاهد الELS لانه اسرع اجراء
    بالنسبه للفيزا مايحتاجون تطلعون فيزا جديده قد نزلت موضوع اول ماكنت ابسافر لامريكا احسب اني لازم اغير الفيزا وسألت كثير

    طلعت بمعلومه مهمه الفيزا والسفاره ماقربتها اساساً

    اذا قدمتوا لمعهد جديد تقولون لهم ان معاكم فيزا وانكم بتحولون رقم السيفس على الاي توني اللي هم بيصدرونه لكم الجديد وخلصنا
    مايحتاج اي شي ثاني

    وعلشان ترتاحين اكثر اذا خلصتي من المعهد راح تدخلين الجامعه واسم الجامعه بيكون مختلف عن اسم المعهد لكن ماتغيرين الفيزا
    وكل مره تدخلين امريكا الفيزا بيكون فيها اسم المعهد لكن انتي بجامعه ثانيه

    يعني مافيه خوف اذا حولتي الاي توني على المعهد الجديد اهم شي رقم السيفس يكون نفس الشي
    7 "
  9. كلامك جدأ منطقي لكن الوزاره ناس ماتفهم
    يقولون لو اسم المعهد على الفيزا تغيرين الفيزا
    اما ان كان رقم السيفس على الفيزا مايحتاج تغيرون الفيزا هذا كلام موظفين بالوزاره اثنين نفس الكلام
    يعني اخاف اسوي قبولات واخسر مره ثانيه واخرتها يطلعون لنا بسالفه جديده
    مع العلم انهم احيثانا يكتبون تم رفض اصدار قرار الابتعاث بسبب تكدس المعهد والمره الثانيه كتبو بسبب عدم وضع
    افادة حضور الملتقى مع انها لايوجد لها خانه مع رفع المعامله لهم بالبوابه الاكترونيه يعني شي غريب
    7 "
  10. تقبلي منهم اي شي والوزاره معروف عنهم الاغلاط
    مافيه اي احد منهم يقدر يكتب الافاده اللي قالها لكم على ورقه ويوقع عليها لانهم مايعرفون اذا الكلام صحيح او لا
    حتى اذا وعدوكم باي شي وعودهم بالغالب فقط كلام علشان يمشون العالم اللي عندهم

    طلباتكم راح تنرفض كثير وبعضها من دون اسباب يعني طولي بالك اهم شي اوراقك كامله اذا ناقص شي ترفعونه على طول
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.