واصل أمريكا بعد بكره وعندي سؤالين .. الفزعه يا أهل بلدي
السلام عليكم .....
بدون مقدمات، أنا واصل سان دييغو بعد يومين.
السؤال الاول /
وأبي أعرف أفضل شركه جوال أنا ما أكلم كثير واذا بكلم أهلي بالسعوديه كلمتهم سكايب .. بس ممكن استخدم يوتيوب كثير واتصفح. ؟ ووش عروضهم لأني ناوي على ايفون 5S من أمريكا؟
السؤال الثاني /
أنا للحين ما سويت تأمين صحي ، وش تأمين كويس ورخيص ؟ .. ولله الحمد ما اعاني من اي مرض يعني ما بزور المستشفى كثير بأذن الله والله يشفي مرضى المسلمين
ومشكورين مقدماً.
رد: واصل أمريكا بعد بكره وعندي سؤالين .. الفزعه يا أهل بلدي
تي موبيل اشوفها مناسبه جداً وشبكتها ماتقطع والنت فيها ممتاز جداً ( انا معي خط مفتوح ونت مفتوح ب 70$ فالشهر )
التأمين اذا انت جاي على معهد تراه اجباري يأمن لك فتأكد من المعهد حقك
بالتوفيق ياغالي
رد: واصل أمريكا بعد بكره وعندي سؤالين .. الفزعه يا أهل بلدي
يعني المعهد هو بيأمن لي ؟؟؟ .. طيب كم تتوقع السعر شهرياً تقريبي؟؟
رد: واصل أمريكا بعد بكره وعندي سؤالين .. الفزعه يا أهل بلدي
اقتباس:
المشاركة الأصلية كتبت بواسطة BzzGzz
يعني المعهد هو بيأمن لي ؟؟؟ .. طيب كم تتوقع السعر شهرياً تقريبي؟؟
المعهد راح يرشدك على شركة تتعامل معها ومعترف بها في المعهد وأنت اللي تدفع في نفس المعهد .... السعر خذه من موقع المعهد أكيد موجود ...أو تواصل مع المعهد إذا كان مالقيت شيء حول التأمين ..أو أكتب اسم المعهد عشان يقدر حد يساعدك
نسيت أقول إذا أنت مبتعث الضمان الصحي حق الملحقية كافي وإذا على حسابك الله يعينك ...
رد: واصل أمريكا بعد بكره وعندي سؤالين .. الفزعه يا أهل بلدي
شوري عليك خذ تي موبيل شحن ابو عشرة دولار اسمها pay as u go
ونت ركب في بيت عن طزيق شركة اسمها سنشري century. سعرهم ٣٩ بالشهر سريع وكويس وكدا توفر موفق
🇺🇸🇬🇧🇺🇸الهاشمية ليمتد ليمتد 🇺🇸🇬🇧🇺🇸
رد: واصل أمريكا بعد بكره وعندي سؤالين .. الفزعه يا أهل بلدي
اخوي بالنسبه للشريحه كنصيحه . . اعرف التغطيه أولا في منطقتك و بناء على التغطيه الممتازه اخذ شريحنك . . و تراهم فالغالب نفس الأسعار او فرق بسيط . . انا جربت الشركتين تي موبيل و الاي تي اند تي . . و كان سبب التغيير هو الفرق في التغطيه
طبعا الي انا مشترك فيها الحين هي التي موبيل بخمسين دولار دقايق مفتوحه و رسايل مجانيه و نت ون قيقا . . بالاضافه الى ذلك تقدر تشترك شهريا بعشره دولار في المفتاح الدولي و تكلم السعوديه الدقيقه ب 20 سنت . . اشوفها ممتازه للي يبي يكلم اهله وما عندهم سكايب مثلا
رد: واصل أمريكا بعد بكره وعندي سؤالين .. الفزعه يا أهل بلدي
بالاضافه لذلك فيه كروت شحن تشتريها من النت . . مثل كروت شحن سمارت فون كارد . . خمسه دولار يعطيك تقريبا 60 دقيقه تكلم فيها السعوديه . . هذي كلها خيارات متاحه لك للتواصل مع اهلك . . و الله يوفقك
رد: واصل أمريكا بعد بكره وعندي سؤالين .. الفزعه يا أهل بلدي
بالنسبة لنقطة رسائل مفتوحه ًمكالمات مفتوحة انا جربتها مين يعني حيدق ويتصل علي بأمريكا شخص اثنين ثلاثة عشرة بالمثير فالمعنى انها هدر ولن تستفيد منها فلهذا حولت شخن أوفر وأرخص وعلي قذ استخدامي ونصيحة جربها وخمسين دولار يعني ميتين ريال شهريا مبلغ مو بسيط انت أولى فيه
🇺🇸🇬🇧🇺🇸الهاشمية ليمتد ليمتد 🇺🇸🇬🇧🇺🇸
رد: واصل أمريكا بعد بكره وعندي سؤالين .. الفزعه يا أهل بلدي
جربتها اختي . . في الاي تي اند تي . . جربت ثلاث باقات . . الأولى قو فون الظاهر اسمها كذا . . و كانت بخمسين دولار و ما فيها نت عالسمارت فون ( هالكلام هذا قبل سنتين تقريبا) اول ما وصلت أمريكا . . بعدين حولت على باقة ألشحن . . و استفدت منها عدة شهور لكن زادت مكالماتي فما حسيت اني استفيد منها . . خصوصا ان لما احد يدق عليك او يرسل لك رساله . . يخصمون من رصييدي . . فيجلس الواحد على اعصابه :) . . فحسيت انها ما ناسبتني و رجعت على باقتي السابقه . . بعدها بفتره حولت لباقة 65 دولار مكالمات مجانيه مع رسايل مجانيه و نت واحد قيقا . . بعد فتره نقلت لتي موبايل بسبب التغطيه
رد: واصل أمريكا بعد بكره وعندي سؤالين .. الفزعه يا أهل بلدي
مشكووووووووووووووورين الف الف شكر ... يا اخوان فيه كمان سؤآل اسف تعبتكم ... انا طلبت فيزا مسبقه الدفع من البنك الاهلي وللحين ما وصلت ورحلتي بكره !!!! ف ما أدري وش الحل ؟؟ أفتح حساب هناك ؟؟ ولا شلون