الي في معهد ممتاز و مدينه ممتازه و ما فيها سعوديين كثير يدخل (:

نعم وهذا الواضح من ردودك كبير من يووومك

استمر والله يوفقك

أبد الناس ما نعاملها إلا بقدرها، وردي عليك هو قدرك أنت، فلا تتوقع رد محترم لما يكون واقعك ليس كذلك.

ااووكي يا كبير انت

يالي تعرف قدر فلان وعلان مين قدك يا سيدي




وترا انا لا اجادلك ولا شى بالعكس كل احترامي لك ترا عادي واحترم عقليتك وكل شى

تعرف ليش لاني احترم كل عقليه بمستواها اللذي يليق بهاا

انت قلت انت كبير وخلاص انا احترمتك بأنك كبير وكفايه


والله يحفضك يا عمي الكبير انت من كل شر ويهديني وياك لكل خير

ما فيه أحد كبير بذاته لكن لما يوجد الصغراء حوله يصح وصفه أنه كبير.

نعم ولم اعني غير ذالك

نحن الصغراء وانت الكبير بيننا

هذا الي قصدته انا

وقلت لك لا اجادلك بشى ابدا وكل احترامي لك


تسمحلي ابين لك اغلاطك الي بنضري اشوفها انا لك هنا

1- كتابه اول رد لك كان خارج الموضوع الي كتابه صاحب الموضوع
2- ذكرت كلام وادعيت انه ذكره صاحب الموضوع ولم يذكره بتاتا مطلقا
3- عندما رد عليك بانه لم يذكر ذالك ابدا وكان صادقا لم تعتذر له بل اصريت على انه كلامك هو الصح
4- خروجك بالرد عن اطار الموضوع المطرح
5- تم اخبارك من كذا عضو بانك الغلطان ولم تهتم ومازلت تصر انك الصح وانك الكبير
6- ردك الي حذفته انت كان لا يليق بمشرف سابق وعضو شرف مثلك

كلنا نغلط بحق اناس ولا نعلم ف ي الحقيقه بعض الاحيان من الصح ومن الغلطان لاكن المبارده بالاعتذار تكون رده فعل جميله من بدأ بها لو كان الي على حق


انا هنا اخ لك ولست عدووووك اللدود وعندما ارا خطأ بأخي ابين له الغلاط اللتي وقع فيها لكي لا يفعلها مججدا

عندما يخبرك احد انك علطان وبين لك ذالك بصوره جميله لم يقصدك اي شى بها تجاهك سوا انك تكون بصوره افضل

لا ترد عليه برد قد تعقتد انه بخيالك انك غلبته بالرد وانك الصح

بل اسمع منه وابدأ بتوضيح كلامك اللذي تقول انك لم يفهمه


ومازلت اقووول لك كل احتراميي وتقديري لك ولست الوحيد اللذي تغلط في الكوون انا مرتين اخذت مخاالفه بسبب تعدي على المشرفين وكنت ارى نفسي الصح وهم الغلطانين
وعنما تم النقاش بيني وبينهم توضحت الصوره كلها وقمت بالاعتذار وقام المشرف بالاعتذار

وما اجمل الحياة بهذي الصوره وليس بالصوره انا الصح وهم الغلطانين كل شى بالاخذ والعطاء يصبح جميلا

أنا دائماً بعدما أكتب ردي أعيد قراءته، إذا شعرت أني غلطان أحذفه وهذا دليل أني أحاسب نفسي بنفسي.
افترض أنه فعلا كان ردي ما له مسوغ، رده علي بكلمة "كذب" هي الكلمة التي لم تترك أي مجال للاعتذار لو وجدت نفسي فعلاً مخطئاً، فما بالك إذا كنت ما زلت مقتنع أني ما أخطأت.

هناك مقوله تقول البادئ اضلم

وانت بديت بها اولا عندما قلت له بردك ما نبي سعودين وهو قال بموضوعه سعودين محدودين بطريقه جميله

الرجل لم يذكر ابدا كلمه ما نبي سعودين

هل مازلت ترا نفسك لست مخطئأ ..؟؟

اذا كان كذالك فأسال الله لي ولك الهدايه اخوي

مريت انا بنفس الشى اللذي ترا نفسك فيه الان ومع الوقت بتدرك باذن الله وش الصح والغلط عندما تهدأ نفسك قليلا

 المشاركة الأصلية كتبت بواسطة الأوركيد

عفواً اخوي عندي استفسار
هل ممكن الطالب اللي يبي يحضر للماجستير يلتحق بهالمعهد كدراسة لغة ؟
وكم رسومه ؟
وكم مدة كل ليفل ؟

وكيف عن المدينة نفسها ؟ سياتل
هل تنفع للمعيشة و هل هي غاليه او لا
علماً اني راح اطلع على حسابي الخاص ان ربي يسر

وهل المواصلات فيها سهلة ؟

وشكراً
الله يوفقنا واياك

* عذراً لصاحب الموضوع ..

بأمانه اختي ما انصح فيه للمبتعث على حسابه الخاص . . لأن تكاليفه عاليه جداً . . يعني قبل سنه تقريبا . . كان الكوارتر الواحد وليس السمستر يكلف تقريبا 15 ألف ريال . . يعني كل شهرين ونصف تقريبا تدفعين هذا المبلغ . . بالاضافه الى أن المدينه فيها غلاء نسبي من حيث السكن او من حيث الضريبه والتي تساوي 9% . . أما اذا كنتي مقتدره مالياً فأنصحك به و بشده . . كمبتعث من قبل برنماج الملك عبدالله فالمكافأه تكفي و تزيد ولله الحمد اذا وفقتي في اختيار سكن مناسب

بالنسبة لأسئلتك . . فقد تواصلت معهم مسبقاً بخصوص شهادة المعهد و تبين لي أنهم يعفون الطالب المتخرج من معهدهم شرط اختبار التوفل أو الآيلتس . . لكن تأكدي من توفر تخصصك أولاً لديهم . . وللعلم الجامعه لديها فرعين في ولاية واشنطن . . فقد تجدين تخصصك في أحدهما

المدينه بشكل عام جميله جداً ومن أجمل المدن التي درست بها الى الآن في أمريكا . . و نسبة الأمريكان الأفارقه منخفضه جداً 3% تقريبا . . وبالنسبه للمواصلات فلن تحتاجين الى سياره لأن المدينه مغطاه بشبكه من الباصات والتي تخدم جميع المناطق الحيويه والمهمه في المدينه . . أحب أشدد على نقطه متعلقه بالغلاء . . في حال توفقتي في سكن مناسب و سعره متوسط . . فلن تشعري بالغلاء في المدينه . . لأنه لا يوجد ضريبه على الغذاء . . انما على الاجهزه الالكترونيه و خلافها . . فالطالب المبتعث بشكل عام . . يكون أهم التكاليف التي سوف يقوم بدفعها هي السكن و الغذاء . . ومثل ما قلت السكن هو القشه التي تقصم ظهر المبتعثين عموماً . . وبالتوفيق ان شاء الله

لا والله ما أشوف نفسي أخطأت عليه بالمرة.

أصلا لو قال أبي معهد ما فيه سعوديين راح يكون هذا نوع من الجنون والتناقض؛ لأنه لا يمكن أن يسأل عن معهد لا يوجد فيه سعوديين، وهو يسأل ويخاطب السعوديين، ولذلك من الطبيعي جداً أن تأتي عبارته بصيغة "سعوديين محدودين" لكن هذا بالضبط يعني أنه ما يبي سعوديين.
فهو يبحث عن أقل عدد متواجد منهم في المعهد. ولا أرى أن هناك مشكلة أن يبحث عن معهد لا يوجد فيه عربي حتى، لكن إذا كنت تبي تسأل عن معهد لا يوجد فيه سعوديين فالمفترض الواحد يستحي شوي أنه يسأل السعوديين عن معهد لا يوجدون فيه إلا بقلة.

افرض أني دخلت منتدى طلاب كويتيين أقول: أنا أبي معهد ما يكون فيه عدد كبير من الكويتيين، أول رد يفترض يوجه لي هو: وليش جاي تسأل في منتدانا إذا ما تبينا؟
أنا هنا أطبق نفس المبدأ بالضبط، ولذلك ما أشوف فيه غلط بالمرة.

بالإضافة إلى أن هذه النوعية من الأعضاء الذين وجودهم في المنتدى لأجل إفادة أنفسهم فقط لا أرى داعي للحفاظ عليهم لأن المنتدى ما راح يستفيد منهم بالأخذ والعطاء.

أما مقولة البادئ أظلم فهي مقولة جاهلية استبدلها الإسلام بالسن بالسن والعين بالعين إلخ
لأن الابتداء بالخطأ لا يبرر الرد إلا بالمثل فقط وليس الرد بالأسوأ.

اوكي هذي وجهه نضرك وانا احترمها انه ما يصير الواحد يسال ابناء جنسه اذا كان لا يريدهم ان يكونو معه بدراسه اللغه بالمعهد

انا اخالفك فيها مطلقااا لانه هذي مصلحه دراسيه ولا توجد فيها مجامله واحترم وجهه نضرك فيهاا

ولمن تقول هذي النوعيه تجي عشان تفيد نفسها وانه لايجب الاحتفاظ بهم ؟؟؟ لماذا تراها انت انت بهذا المنضور لا اعلم ؟؟؟ لماذا لا تراها بمنضور انهم هذولا هم بطرح مواضيعهم واسألتهم يفيدو المنتدى لمن يجون اشخاص ثانين يقرون الموضوع ويقرون ردود الاعضاء المشاركين بالمساعده ؟؟؟؟

نعم مقوله البادئ اضلم صحيحه مثل ما ذكرتها

وبزممنا هذا تعامل بشكل غير

مثل الفتاوي كل زمن ومكان له فتوى

وصارت البادئ اضلم بزمننا بشكل عام انه من بدأ باي شى هو السبب


وبصراحه ردك غريب جدا حق النوعيه هذي من الاعضاء وكانك انت تملك المنتدى بيدك وانت من يقرر من يجب الحفاظ عليه ومن لا

هذا المنتدى فتح للكل اي من كان من اراد مساعده فقط او من اراد ان يواصل حتى المشرفين لا يجرون على قول جملتك هذي النوعيه .................

الله يهدييك بس