عرض للطباعة
السلام عليكم
انا حابه اخذ كورس لغة في اجازة الصيف مدة شهرين او ثلاثه
حبيت استفسر مجموعة استفسارات:
١/ كم ممكن يكلف المعهد لهذي المدة؟
٢/ افضل الولايات وتكون رخيصة؟
٣/ كم تكلفة السكن والمعيشة مع العلم انه بيكون معي زوجي؟
بغيت اعرف التكلفة الكلية ممكن كم تكون؟؟؟
( تمت المشاركة باستخدام تطبيق مبتعث )
اخت هيفاء
هذي اسأله عامة وصعب الأجابة عنها
التكلفة تعتمد على رسوم المعهد واسعار المدينة
وهذي تختلف من مكان لمكان
اكيد صعب الاجابه بس فيه ناس درست مدة شهرين او ٣ اشهر فابغى اطلع على تجربتهم
يعني مثلا ٤٠ او ٣٠ الف هل تكفي؟؟
( تمت المشاركة باستخدام تطبيق مبتعث )
بعض المدن تكفي وبعضها ماتكفي
انتي حددي المدينة وان شاء الله راح نعطيك رقم تقريبي
لأن اسعار المعاهد تختلف من مدينة لأخرى ,,
بعض المعاهد الشهرين بـ ٢٩٠٠ دولار وبعضها الشهر بـ ٥٠٠
والأيجارات تختلف من مكان لمكان ..
نصيحة لوجه الله
ادرسي بالسعوديه بمعهد ممتاز وشدي حيلك
الا لوكانت الدوره لغرض معين ولي انجليزيه عامه
اتفق مع أخوي ابو زينب
شهرين او ٣ شهور ماراح تفيدك كثير ابداً
فيه طلاب هنا لهم سنه ونص ماقدروا يجيبوا ٥ في الايلتس
٣ شهور قليلة جداً وراح تكون مكلفة كثيراً مقارنة بالمدة
لو تسجلين في معهد في السعودية لمده سنه راح يطلع عليك أقل من ربع المبلغ اللي بتخسريه هنا
و عليكم السلام ورحمة الله وبركاته
اختي ال 40 الف ريال تكفيكم في حاله وحده . . انكم تختارون معهد رخيص + تتوفقون في اختيار سكن مناسب + أسلوب صرف ذكي . . لان السكن هنا بشكل عام صعب تلقين شهري . . و لازم تدفعون عليه تأمين . . غير كذا هذا 15 الف ريال بتروح بالراحه في إجراءات الفيزا و تذاكر الطيران لشخصين
وجهة نظري اقل من 8 شهور لاتجون
بسبب انا لي الحين شهرين ونص وللحين مااستفدت شي يذكر
فيه معاهد تبع السفاره الكنديه بالسعوديه يمدحونها
الصرف على حسب المعهد فيه زي معهد els متوفر بولايات كثير بامريكا الشهر 1800 للشخص
اما في معاهد تبع جامعات السمستر بعضها شهرين وبعضها 4 شهور
اذا مره بتجون els خيار انسب لكم لانه متوفر باماكن كثير مع اني ماتوقع بتحصلون فايده تستاهل الخساير لاقصر المده
افاااا احبطتوني :( انا لغتي الحمدلله يعني اقدر اتواصل مع اشخاص يتكلمون انجليزي صح مو بطلاقه بس اقدر اتواصل معاهم يعني لغتي تمشي الحال وافهم المحادثات وحتى الكلام اذا مكتوب بالانجليزي افهمه واترجمه صح يكون مكسر بس افهم
يعني حتى لو كانت لغتي كذا ما استفيد في شهرين؟؟
( تمت المشاركة باستخدام تطبيق مبتعث )
محد يقدر يحكم
بس انا اقدر اتواصل وافهم واشوف افلام بدون ترجمه بس اللغه مو بس كلام نركبه فيه قواعد واشوف شهرين مامنها فايده الا اذا الخطه سياحه ونتعلم (شوي)