كابوس كل مبتعثة

السلام عليكم ..
باختصار الموضوع باين من عنوانة واكيد في زيي عشرات من المبتعثات يعانون كل يوم ويتنازلون عن ابسط شي من حقوقهم الي هو حرية الاختيار ..
مشكلتي الله يسلمكم انا طالبة مبتعثة بدرجة ماجستير تسويق طبعا هذا التخصص ممكن يتغير حسب الخيارات الموجودة ..
الحمدلله حصلت على درجة مقبولة في الايلتس 6.5 ومعدلي حليو فوق 3.5\4 حبتين
طبعا انكبت في الجيمات وجبت درجة اقل من 300 لانو ماكان عندي وقت كافي اني ادرسة لعدم توفر مراكز تدريب في كندا
للاسف انا قررت انقل من كندا بسبب قساوة الطقس والتحويل لامريكا باذن الله ولكن..
اختي ايضا مبتعثة لدرجة البكالوريس وهذا يضيق الخيارات لدي بحكم اننا تشارك في نفس المحرم وهو الوالد حفظة الله..
انا قلت اكيد في عشرات زيي مبتعثين او مبتعثات مرتبطين بمحرم او مرافق يحد من كمية الفرص المتوفرة قدامهم واكيد جالسين يقرو موضوعي وعارفين التوتر والضغط الي احنا عايشينة الان ..
اختي الحمدلله حصلت على 5 في الايلتس ولكن للاسف هذي الدرجة ماطلعت كافية وصرنا في دوامة اذا لقيت جامعة مناسبة لي تكون طلباتها ماتنطبق على اختي والعكس صحيح ..وبرضو تخوفنا من النقل الي منطقة مانعرفها او مانعرف احد فيها حصر منطقة البحث على ولاية كاليفورنيا بحكم زيارتنا لها ووجود بعض الاقارب فيها..
معليش اذا طولت الموضوع حبتين بس حبيت اشرح وضعي باختصار قبل لا اطرح سوالي :)
سؤالي باختصار اي احد مر بمرحلتي ينصحني اش عمل واش ممكن يكون الحل..اي جامعة تناسب لنا وماتطلب جيمات انصحننا بيها ولا تبخل.. علما انو اختي درست 7 شهور فقط من اللغة وقدمت تاجيل بحكم انتهاء فترة ابتعاثي وقرار النقل..
شكرا لكم ودعوة بظهر الغيب لكل من رد على الموضوع, والله يوفق الجميع...

لاحول والاقوة الله الا بالله
الله يسخرلكم عباده أختي
الله يوفقكم

وعليكم السلام
الله يعينكم ان شاء الله

امريكا فيها جامعات كثيره وان شاء الله تلاقون الجامعه اللي تنطبق عليكم الاثنين

قبول الماجستير وتخصصاته معروفه اصعب من البكالوريوس بكثير
انصحك تبحثين عن جامعه كبيره بحيث يكون فيها اغلب تخصصات البكالوريوس وبنفس الوقت يكون فيها التخصص اللي بتقدمين عليه
حتى لو انه ماراح يقبولن اختك علشان درجة الايلتس فتدرس اختك في معهد الجامعه للفتره المتبقيه لها علشان تجيب الدرجه المطلوبه
اذا هي جابت 5 خلال سبع اشهر فان شاء الله انها بتتطور كثير خلال خمس او ست اشهر قدام خصوصاً ان باقي لها 11 شهر من اللغه يعني مابعد كملت نص الفتره

اختي\اخي (هاي واي ) هذي الخطة ان شالله انا اجيب قبول نهائي وهيا مشروط بس زي ماسبق وذكرت الجيمات معطلنا ومخلينا في مفاوضات وانا طرحت الموضوع عشان استفيد منكم وتفيدوني بخبرتكم بجامعات ماتتشرط في الجيمات او تغض النظر عن الجيمات لاصحاب المعدلات العالية وهذا شي مايكون دايم صريح في مواقع الجامعات الا بعد الاتصال بلقسم الخاص بالدراسات العلية والتفاوض معاهم..
شكرا اخواني على الرد والله يوفقنا واياكم..:o

وعليكم السلام ورحمة الله وبركاته

مثل ما تفضل الاخ هاي واي الجامعات الكبيرةهي خيارك الافضل. انا جدا انصحك بجامعة Arizona State University حقيقة ما في تخصص الا وموجود فيها. الجامعة جدا كبيرة ودراستها جدا رائعة. Arizona State University | A top ranked research university | ASU

بالتوفيق أخني

شكرا اخوي | اختي ان شالله بحطها بعين الاعتبار ضمن خياراتي