عدة استفسارات.....

بعد التحية....
انا خريج بكالوريوس اقتصاد ( نقود ومؤسسات مالية) معدل 3.14
من جامعة الملك عبدالعزيز في جدة
عملت في احد البنوك لمدة سنة
ارغب في إكمال دراسة الماجستير في أمريكا
على حسابي الخاص ثم الانضمام
تخصص تجارة الكترونية

كم يلزمني من مصروف سنة شامل كل شي
هل بالإمكان الحصول على قبول معهد وأخذ موافقة دراسة عالحساب الخاص ولا لإرم جامعة؟
يعني اذا رحت هناك احصل على قبول جامعي

عندي شهادة خبرة وتوصيتين هل تكفي؟

كم يوم وتخلص إجراءات الفيزا
الشهادة البنكية كم الحد الأدنى؟
هل تكفي شهادة بكنية واحدة للمعهد والجامعة ؟
وشكرا.....

بروح سياتل
،،،،،،،،،،

الله يسعد صباحك .. حجاوبك فالي اعرفه كـ مساعده لك .. وجواب تعتمد عليه ان شاء الله
من ناحية موافقة الوزارة لازم قبول معهد وجامعه .. ( وانصحك لاتروح هناك الا معاك قبول جامعه )
لان فتح التحاق فالبعثه مايقبل الا فقبول جامعه وتنتظر بعدها من ثلاث شهور الى سته شهور .. وفكذا حيكون تكلفه عليك لان قبلها جالس فأمريكا تدور قبول
اما المعهد بسيط امره

بالنسبه للشهاده البنكيه .. اغلب الجامعات تطلب 43 الف دولار للبكالوريوس و46 الف للماستر .. انت حط ف اعتبارك 200 الف .. وعاد هذي لعبتك :D ( خذ قد ماتقدر من درج الصرافين وسويلها ايداع واطبع الشهاده وارجع اسحبها )

بالنسبه لتكلفة المعهد الي حدرس فيه ان شاء الله ف سبتمبر 2014 .. هوا موجود قريب من سياتل فمنطقه اسمها Bellevue
2788 للكوارتر + 120 للباص + 77 للكمبيوتر + 250 للتأمين الصحي + 344 للكتب ومستلزمات الدراسه .. وضيف مبلغ من 250 الى 350 يدورو لك عائلة تسكن معاهم والعائله سعرها فالشهر من 625 الى 800 على حسب طلباتك .. الاسعار فالدولار ولمدة ثلاث شهور بالنسبه للمعهد ..

وان شاء الله يكون كلامي مفيد ولو فشي بسيط
واي استفسار عن المعهد ويكون جوابه عندي ابشر