افكر بالابتعاث بس عندي مشكلة واتمنى تعطوني رايكم
اخواني انا خريجة محاسبة بمعدل ٤ من ٥ وافكر بالابتعاث وكان هالشي حلمي ،
بس انا متزوجة وعندي طفل وزوجي موظف بشركة براتب كويس وبدلات والحمدلله ، وهو تخصصه بالبكالوريوس ادب الانجليزي ، وهو موافق اني ابتعث مع ابوي او اخوي بس هو يقول صعب اترك دوامي والمبتعثين يجون مايلقون زي وظيفتي ، لان مثل ماتعرفون القطاع الخاص مايعطون تفرغ ، فصل على طول ، انا احس صعبة اروح وزوجي هنا ، يكفي تحمل معاي مرحلة البكالوريوس ، واحاول اقنعه انه اذا رجع ومعه ماستر وعلى الخبرة اللي معاه بيحصل وظيفة افضل من اللي هو فيها الان ، طبعا هو راح يكون مرافقي لان عمره مايسمح بالابتعاث ، ابي شوركم هل اترك فكرة الابتعاث واحاول اكمل هنا ، او اروح مع ابوي او اخوي واترك زوجي ؟ ابي تجاربكم ومن اللي رجعوا هل فعلا ماحصلوا وظايف وان الوظيفة الكويسة افضل من الابتعاث ؟ ارجوكم رايكم يهمني وخصوصا اللي تخرجوا ، وجزيتم خير
( تمت المشاركة باستخدام تطبيق مبتعث )
رد: افكر بالابتعاث بس عندي مشكلة واتمنى تعطوني رايكم
اول شيء الله يكتب الي فيه الخير يارب لنا ولكي ثاني شيء استخيري كثيررر لين تشوفين وش اكثر ارتحتي له .. انا برأيي يترك وظيفته ويكمل معك واول مايرجع بالماستر يرجع يقدم على شغله اذا هم قبلوه بالبكلريوس اكيد بيقبلونه بالماستر والوظايف كثيرة حتا احتمال يتوظف محاضر او قطاع حكومي الرزق على وبنا بس انا انصحه يبتعث معك العمر مره والتجارب حلوه ومتاكده بتنبسطون هناك والله يكتبلنا واياكم الخير يارب
( تمت المشاركة باستخدام تطبيق مبتعث )
رد: افكر بالابتعاث بس عندي مشكلة واتمنى تعطوني رايكم
اقتباس:
المشاركة الأصلية كتبت بواسطة Le traducteur
اول شيء الله يكتب الي فيه الخير يارب لنا ولكي ثاني شيء استخيري كثيررر لين تشوفين وش اكثر ارتحتي له .. انا برأيي يترك وظيفته ويكمل معك واول مايرجع بالماستر يرجع يقدم على شغله اذا هم قبلوه بالبكلريوس اكيد بيقبلونه بالماستر والوظايف كثيرة حتا احتمال يتوظف محاضر او قطاع حكومي الرزق على وبنا بس انا انصحه يبتعث معك العمر مره والتجارب حلوه ومتاكده بتنبسطون هناك والله يكتبلنا واياكم الخير يارب
( تمت المشاركة باستخدام تطبيق مبتعث )
الله يجزاك خير يارب بحاول اقنعه بإذن الله وبستخير اكثر من مرة ان شاء الله ، فعلا العمر مرة وحلوة التجارب :)
( تمت المشاركة باستخدام تطبيق مبتعث )
رد: افكر بالابتعاث بس عندي مشكلة واتمنى تعطوني رايكم
اقتباس:
المشاركة الأصلية كتبت بواسطة wasyef
اخواني انا خريجة محاسبة بمعدل ٤ من ٥ وافكر بالابتعاث وكان هالشي حلمي ،
بس انا متزوجة وعندي طفل وزوجي موظف بشركة براتب كويس وبدلات والحمدلله ، وهو تخصصه بالبكالوريوس ادب الانجليزي ، وهو موافق اني ابتعث مع ابوي او اخوي بس هو يقول صعب اترك دوامي والمبتعثين يجون مايلقون زي وظيفتي ، لان مثل ماتعرفون القطاع الخاص مايعطون تفرغ ، فصل على طول ، انا احس صعبة اروح وزوجي هنا ، يكفي تحمل معاي مرحلة البكالوريوس ، واحاول اقنعه انه اذا رجع ومعه ماستر وعلى الخبرة اللي معاه بيحصل وظيفة افضل من اللي هو فيها الان ، طبعا هو راح يكون مرافقي لان عمره مايسمح بالابتعاث ، ابي شوركم هل اترك فكرة الابتعاث واحاول اكمل هنا ، او اروح مع ابوي او اخوي واترك زوجي ؟ ابي تجاربكم ومن اللي رجعوا هل فعلا ماحصلوا وظايف وان الوظيفة الكويسة افضل من الابتعاث ؟ ارجوكم رايكم يهمني وخصوصا اللي تخرجوا ، وجزيتم خير
( تمت المشاركة باستخدام تطبيق مبتعث )
هلا أختي
أنا عزابي , ولكن أقولك انتبهي تروحين وتخلين زوجك , عادة العكس وتكون صعبه على المراه فكيف الرجال , انتبهي من هاذه النقطه وماودي أفصل زياده أتمنى وصلت الفكره
وبالنسبه للطفل الله يخليه لك , يااااكثر العوايل ماشاء الله هنا , وأمورهم طيبه لاتشيلين هم الناحيه هذه الأمور سهاله, بالعكس الابتعاث للمتزوجين استقرار وراتب لابأس فيه :)
بالنسبة للابتعاث لاشك انه فرصة , أكثري من الاستخاره والدعاء اخر الليل,,,
أنت اشتغلي على قبول مشروط براحتك عشان لورحتوا تكونون على بينه , هذا كبدايه وانتظري برنامج الابتعاث برمضان , والمنتدى مفيد تلقين فيه كل شئ من البحث عن قبول الى العيش في أمريكا , وان أشكل شئ أسألي حياك
الله يكتبلكم اللي فيه الخير ويبارك فيكم
رد: افكر بالابتعاث بس عندي مشكلة واتمنى تعطوني رايكم
اقتباس:
المشاركة الأصلية كتبت بواسطة أبوزينب
هلا أختي
أنا عزابي , ولكن أقولك انتبهي تروحين وتخلين زوجك , عادة العكس وتكون صعبه على المراه فكيف الرجال , انتبهي من هاذه النقطه وماودي أفصل زياده أتمنى وصلت الفكره
وبالنسبه للطفل الله يخليه لك , يااااكثر العوايل ماشاء الله هنا , وأمورهم طيبه لاتشيلين هم الناحيه هذه الأمور سهاله, بالعكس الابتعاث للمتزوجين استقرار وراتب لابأس فيه :)
بالنسبة للابتعاث لاشك انه فرصة , أكثري من الاستخاره والدعاء اخر الليل,,,
أنت اشتغلي على قبول مشروط براحتك عشان لورحتوا تكونون على بينه , هذا كبدايه وانتظري برنامج الابتعاث برمضان , والمنتدى مفيد تلقين فيه كل شئ من البحث عن قبول الى العيش في أمريكا , وان أشكل شئ أسألي حياك
الله يكتبلكم اللي فيه الخير ويبارك فيكم
ماقصرت كفيت ووفيت ، كلامكم حمسني اكثر لإقناع زوجي خصوصا انه بقطاع خاص مو حكومي عشان يتحسر عليها ، جزاك الله خير
( تمت المشاركة باستخدام تطبيق مبتعث )
رد: افكر بالابتعاث بس عندي مشكلة واتمنى تعطوني رايكم
الله يسهل امرك اختي
وحدة من صديقاتي جات مع اخوها وولدها وزوجها في السعوديه طبعا عن رضاه
تقول جدا الموضوع كان صعب ماصدقت خلصت الماجستير... تقول شلت هم نفسي وهم ولدي وهم اخوي كمان لانه كان في مرحلة البكالريوس
تقول الان لما رجعنا احس في حاجز بين ولدي وبين ابوه ... اتوقع انها مرحله وتعدي ان شاء الله
طبعا قصتها لاتطبق على الكل ... واستخيري الله قبل كل شي
بس حبيت اقولك تجربتها
بالتوفيق
رد: افكر بالابتعاث بس عندي مشكلة واتمنى تعطوني رايكم
اقتباس:
، او اروح مع ابوي او اخوي واترك زوجي ؟
اكبر مشكله انك تتركين زوجك عشان حاجة مو ضرورية
انتي معك شهادة ومكتفيه وزوجك ماشاءالله موظف بمكان زين ,,, وانتي تقدرين تتوظفين بالبكالوريوس ,, يعني البعثه مجرد رغبه
والرغبه هذي ممكن تضر زوجك
اذا بتعبين زوجك ’’’ سافري واتركيه
او اقنعيه يجي معك مرافق ويسمحون له يدرس خصوصا انه معه لغه
والوظائف ما تدرون وش مكتوب لكم بالمستقبل ،، اذا توكلتوا على الله ,, ربي ما ينسى عبده من الرزق
رد: افكر بالابتعاث بس عندي مشكلة واتمنى تعطوني رايكم
ادرسي الموضوع زين، وإياك وفكرة دراستك في أمريكا وزوجك في السعودية، أخاف تحصلي على شهادة ثانية ويحصل هو على زوجة ثانية ;)
رد: افكر بالابتعاث بس عندي مشكلة واتمنى تعطوني رايكم
اقتباس:
المشاركة الأصلية كتبت بواسطة Linguistics Consultant
ادرسي الموضوع زين، وإياك وفكرة دراستك في أمريكا وزوجك في السعودية، أخاف تحصلي على شهادة ثانية ويحصل هو على زوجة ثانية ;)
ههههههههههههه والله كل شي جايز 😂 المشكلة زوجي يقول مستعد اوقع لك تعهد اني مااتزوج ، الله يستر 😢 بس ان شاء الله احاول اقنعه يروح معي 😁
( تمت المشاركة باستخدام تطبيق مبتعث )
رد: افكر بالابتعاث بس عندي مشكلة واتمنى تعطوني رايكم
انا عندي مشكله قريبه من مشكلتك الي هي اني كنت مبتعث طلعت ع حسابي ويوم انظميت جاني وظيفه( وش هالحظ وانا سنتين عاطل ) المهم اني تركت الوظيفه وبأرجع أكمل دراستي ....... الخلاصه ان الابتعـاث فرصه هذا رأيي بس انتي وضعك يختلف ونصيحه لاتتركي زوجك وكذلك الاستخارة أولا .. بالتوفيق