تكفون مودي احد يتعرض نفس ماتعرضت لها

الحمدلله على سلامتك

الله يحفظنا بحفظه هذا وانت ولد كيف حالنا لو بنت يارب احفظنا .

لا تركب شي ماهو مصرح ومراقب حتى لو زيادة مال .







.

لاحول ولاقوة الا بالله

تقريبا" نفس الي سار لنا انا وزوجي

كنا ب المستشفى الطوارئ كنت تعبانه تعبانه افلونزا قويه يالله امشي ، وطلبنا تاكسي من شركة عشان لاتقولون واحد من الشارع

وجانا واحد معضل ضخم ضخم وعلى كتوفه وشم ورسومات من شفته قلبي انقبض وانا امشي احس كإن احد يوديني المشنقه

نزل فتح لنا السيارة ويرحب الاخ ومعه كاس ماكدونلدز فيه مشروب ابيض ويشرب فيه ويمشي

طبعا" عرف وجهتنا وين رايحين وجلس يمدح الفندق الي احنا فيه الزبدة يسولف يبغى يضيعنا

مادرينا الا ودانا خط كله مزارع والدنيا ظلمت وقت المغرب والله قلوبناااا طاحت وجلست استغفر واستغفرررر واستودع نفسي وزوجي

الرجال مو طبيعي يا ان الي معه خمر ياانه يستعمل بلاا ..
حتى وهو يسوق سواقتة تدوخ يسرع فجأه ويوقف فجأه وفجأه يمشي شوي شوي

قال له زوجي انت تعرف مكان الفندق ، قال إيه بس انا جاي هالطريق لانه مختصر

والله وهو كذاب طريق مقطوعه

وشوي يجيه إتصال قال بروح وول مارت <~ مدري فهمنا من الاخ انه يبغى يركب ناااس ومافيه مكان ب السيارة

نغزني قلبي الرجال مو طبيعي بس وصلنا جينا نفتح الباب نبغى ننزل مايفتح لازم هو يفتحة من برا

وزوجي جواله بيدة وحاط 911 بس يسوي اتصال ونتصل

واعتذرنا قلنا نبغى اغراض وبننزل وفتح الباب وجهه كله خبث مع ابتسامه وطلب مبلغ دبلين للمشوار

ونزلنا الوول مارت وجلسنا نص ساعه ندور من الخرعه

شريت غرض بسيط وتوكلنا ع الله ب ارجولنا نقطع الشوارع ونمشي ونستغفر ونسمي

الين وصلنا الفندق والحمدلله ماكان بعيد مسافة ربع ساعه مشي ..

الرجال ابيض وكبير ب السن يمكن خمسيني وضخخخخم ..

وربي حفظنا ب الاذكار يارب لك الحمد


( تمت المشاركة باستخدام تطبيق مبتعث )