مساعدة افضل المدن او الولايات الي عموما تنفع للمعيشة من ناحية الامان واماكن الترفيه والطقس؟

وعليكم السلام

ابرد عليك بشكل نقاط باللي اقدر عليه ان شاء الله

-من ناحية افضل المدن فهذي مافي احد يقدر يجاوب عليك بشكل كامل ادخل على اقسام ملتقى امريكا بتشوف مواضيع مثبته عن جميع الولايات
ابحث عن اللي يناسبك منها سواء الجو او المعيشه بشكل عام
بعض المدن ممكن اقول لك غاليه لكن طالب ثاني ممكن يقول لك رخيصه
لكن بحكم ان معها طفل رضيع انصحكم تبتعدون الشمال بشكل عام (الشمال ، الشمال الشرقي ، او الشمال الجنوبي) لان الجو يكون بارد جداً في الشتاء وراح يتعب الطفل بسرعه

-يفيدونك ان شاء الله طلاب الدراسات العليا

-بعد تحديد الولايه والمدينه والجامعه يكون فيه رابط بالجامعه او المعهد تعب فيه بياناتك وبعدها بيراسلونك بالايميل ويطلبون منك الضمان المالي وصور الجوازات ويمكن الشهادات وبعدها ان شاء الله بيرسلون لك الاي توني عن طريق البريد

-اللي اذكره ان التعليم العالي يوفرون ضمان مالي للمرافق اذا كان بيدرس

-اذا كانوا بيدرسون يطلعون فيزا F-1 والطفل ماعندي معلومه اكيده

نصيحتي:
ادخل موقع التعليم العالي للجامعات الموثوقه وابحث عن الجامعات اللي توفر التخصصات جميعها وتكون في مدينه وحده
كذا راح يكون عدد المدن والولايات تقلص بشكل كبير
وبعدها تبحث عن الجامعات اللي توفر الاشياء اللي انتم تحتاجونها مثلاً الخطه الدراسيه او درجة معينه بالجيمات او الجي ار اي
اذا تقلص عدد الجامعات ، ابحث عن الجامعه اللي مدينتها مناسبه لكم وقدم على معهدها

-معلومه التعليم العالي راح يطلب فقط قبول المعهد واذا سافرت تبدا مرحلة البحث عن الجامعه اذا كنت مبتعث عن طريق البرنامج وليس مضموم للبعثه