استفسار بخصوص تخصص جراحة القلب

سؤال اخير وماودي اكثر عليكم بلأسئلة

بس لو لا قدر الله ولا لقيت قبول في جامعة من الجامعات الي فيها التخصص هذا وجبت قبول من جامعة ثانيه على تخصص ثاني لمدة ترم واحد وبغيت اغير الجامعة والتخصص .. السؤال هنا تغيير التخصص والجامعة في اشكالية مع الوزارة او لا وهل التغيير من جامعة لجامعة امر سهل اًو لا

وبس شكرًا مره اخر


( تمت المشاركة باستخدام تطبيق مبتعث )

وعليكم السلام
عندي احساس انك فاهم جراحة القلب خطأ
واذا كنت مخطأ صحح لي كلامي

اللي فهمته انك متخرج ثانوي او تبي تتخرج ثانوي وتبي تصير جراح قلب
-لازم اول شي تدرس طب بشري
خلال السنه الاخيره وهي سنة التطبيق ويسمونها بالسعوديه امتياز راح تشوف جميع الاقسام وتدور عليها حسب الاشياء المتوفره بالمستشفى الجامعي او التطبيقي "جراحه عامه ، قلب ، باطنية ، اقدام ، تجميل او طب عام"
بعدها تختار المجال اللي ارتحت له
بعد كذا اذا بغيت تصير جراح قلب تبحث عن مستشفى جامعي تدرس فيه الزماله وهي تختلف من برنامج لبرنامج بعضها يمتد لخمس سنوات وفوق
وهي مثل ماتقول شهادة ماجستير او دكتوراه
واختلافها يكون باختلاف المجال اللي تبي تتخصص فيه بالقلب "صممات او اورده او عضلات"
اذا تبي تكون جراح قلب عام بالعاده ياخذ وقت اقل لانك ماراح تكون خبير في مجال معين في القلب
ممكن تبدا تسوي جراحة صمام قلب معين لكن اذا فيه طبيب تخصصه صممات القلب يكون هو احق بهذي العمليه

يعطيك العافية على الرد وانا خوك ..

والله شكلي فاهمها غلط عموماً مافيه اختلاف كبير بين كلامك وكلامي ومعلوماتي ماكانت صح وصححتها لي الله يجزاك خير

بس الي فهمتة من كلامك ان ٧ سنين دراسة طب بشري مع الامتياز بعدها ٥ سنوات زمالة او الي هو البورد الامريكي اتوقع وطبعًا هذي بتكون بمسمى طبيب وليس طالب وبعد ٥ سنوات اكون جراح قلب ..

وصلنا خير والحمدلله

ويعطيك الله العافية على التوضيح








( تمت المشاركة باستخدام تطبيق مبتعث )

ياهلا بك وربي يعافيك
زين انك ماشاء الله فهمت بسرعه لاني قعدت وقت طويل احاول افهم الموضوع وهو حوسه شوي اذا كنت مابعد بديت دراستك في الطب البشري
بعد ماتخلص من الطب البشري وسنة الامتياز
غالباً راح تبدا زمالة جراحه عامه او جراحة عامه ومناظير وبعدها تبدا في جراحة القلب المتخصصه
انا سمعت من بعض الطلاب وهذا كلام مو اكيد انه فيه مجال انك تبدا الزماله بجراحة القلب بعد ماتخلص سنة الامتياز
اذا كان هذا صحيح فهو شي كويس ومش كويس
اذا بديت على طول بجراحة القلب راح يختصر لك حدود سنتين من الدراسه بالزماله
لكن المشكله اذا تخرجت ومالقيت مستشفى يوظفك لانك مادرست جراحة عامه
البورد الامريكي الصراحه ماعندي معلومات واضحه عنه لكن اللي اعرفه انه اختبار تاخذه اذا كنت متخرج من تخصص صحي ويكون لك مثل الشهاده

وش رايك فيني لي امل في الجراحة ان شاء الله واول راتب لك هههههههه

بيض الله وجهك والله يكثر من امثالك

واعذرني على كثرة الاسئله وانا خوك

الوزارة تبتعث على التخصص هذا او لا لاني مثل ماذكرت قبل مافيه شي في موقعهم

وشكراً مره اخرى




( تمت المشاركة باستخدام تطبيق مبتعث )

ههههههههههههه
ان شاء الله تكون من اكبر جراحين العالم
خذ راحتك بالسؤال بكرا ان شاء الله انت بتجاوب على اسئلة العالم

اذا استوفيت شروط الابتعاث راح يبتعثونك طب بشري لمدة سبع سنوات
راح يفتحون التقديم في رمضان ان شاء الله
وبعد ماتخلص الطب وتم تمديد برنامج الملك عبدالله تقدر تقدم على الزماله
واذا ماتمدد البرنامج راح تبتعث زماله عن طريق المستشفى اللي بتتوظف فيه ان شاء الله علشان الجراحه وبعدها جراحة القلب
او عن طريق وزارة الصحه