الأعضاء الإشتراك و التسجيل

الملتقيات
ADs

مساعدة احتاج لخبرة المبتعثين لدارسة اللغة .. عندي قلق مو طبيعي

مساعدة احتاج لخبرة المبتعثين لدارسة اللغة .. عندي قلق مو طبيعي


NOTICE

تنبيه: هذا الموضوع قديم. تم طرحه قبل 1340 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية دحيم بن عبيد
    دحيم بن عبيد

    مبتعث جديد New Member

    دحيم بن عبيد السعودية

    دحيم بن عبيد , ذكر. مبتعث جديد New Member. من السعودية , مبتعث فى السعودية , تخصصى علاقات عامة , بجامعة جامعة الملك سعود
    • جامعة الملك سعود
    • علاقات عامة
    • ذكر
    • الرياض, الرياض
    • السعودية
    • Nov 2013
    المزيدl

    April 12th, 2014, 11:56 PM

    السلام عليكم ورحمة الله وبركاته ..

    أخباركم ؟؟

    أنا طالب مبتعث لدراسة اللغة والماستر بإذن الله ..
    أنا حاليا" بمعهد into التابع لجامعة اوريجون ستيت ,, طبعا" المعهد فيه 6 مستويات + مستوى ((تأهيلي)) تحت المستوى الأول
    أنا لغتي قبل ما اجي كانت ضعيفة جدا" ,, لما جيت وسووا لي اختبار تحديد مستوى .. وضعوني في المستوى الأول

    بديت الدراسة أول 3 ايام ماني عارف وش يتكلم عنه المدرس ,, لكن بعد كذا بديت افهم حبه حبه
    الآن أنا خلصت الاسبوع الثاني من الدارسة ,, وأببدا الاسبوع الثالث بإذن الله

    مشكلتي اللي مقلقتني كثيييير ,, وأحيانا" أندم اني جيت لأمريكا !!! مع اني ودي اكمل دراستي واخذ اللغة وارفع راسك اهلي
    لكن المشكلة هي : لما تعطيني اختبار على ورق ابدع درجاتي كانت اغلبها كويسسسه
    لكن لما تسألني شفهيا" عن اي سؤال كان سهل او صعب , مقدر أرد !!! واصير في موقف محرج جدا" أمام الطلبه والمدرس !!


    أبغى أطور لغتي خصوصا" في التحدث : عندي مشكلة كبيره في عدم القدرة على الرد
    وعدم القدرة على تكوين الجمله وترتيبها !!



    تكفوووووووون الحل
    والله اني في هواجيس وتفكير ما يعلم فيها الا الله
  2. هلا وغلا أخوي


    الوضع اللي انت فيه طبيعي جداً واغلب المبتعثين مرو بالمرحلة هذي
    انت توك ماكملت 3 اسابيع في امريكا .. والواضح انك انساني اجتماعي في السعودية
    الاشخاص الاجتماعيين واللي متعودين على الكلام في السعودي يتضايقون لما يجون امريكا في البداية
    لان وده يشارك ويتداخل ويتبادل الحديث مع الناس بحكم طبيعيتة الأجتماعية ولكن حاجز اللغة يضعه تحت تأثير نفسي

    نصائحي هي كالتالي ..

    امريكا فيها اكثر من 90 الف طالب وطالبة سعوديين واغلبهم تعدو مرحلة اللغه ودخلوا الجامعة (اذا المسألة ليس مستحيلة)
    اللغة يبيلها صبر في البداية وراح تتعلم حبه حبه ويتطور مستواك مع الأيام .. وستصبح المراحل الاولى أجمل ذكريات لك في امريكا
    حط في بالك ان المعهد مايعطيك اكثر من 30٪ من اللغة كحد أقصى .. الباقي يعتمد عليك وعلى تطوير نفسك لغوياً ..
    عليك بالقراءة كثيراً وتعلم مفردات كل يوم خلال اول شهرين عشان يكون عندك محصول لغوي وسيتطور ترتيب الجمل بالقراءة ..
    الشعب الأمريكي ميزتهم انهم فرندلي لذلك سهل الحديث معهم .. حاول تتكلم في اي مكان وتوصل فكرتك ومع الأيام بتستفيد من كلامهم معك
    في الأجازات والوقت الفاضي اطلع للاسواق وادخل المحلات واسأل عن اي شئ وهم بيشرحون لك وفي الحاله هذي تطور الاستماع واكتساب جمل جديده
    أهم شئ لايدخلك اليأس في أنك ماراح تتعلم اللغة لأن في الحاله هذي انت بتصير تحت تأثير عقلك الباطني وماراح تستجيب لأي شئ حتى لو درست سنوات عدة

    تمنياتي لك ولكل الطلبه بالتوفيق
    7 "
  3. وعليكم السلام ورحمة الله وبركاته

    أعتقد اللي تمر فيه طبيعي ويمر فيه اي طالبه وطالبه يتعلمون لغه جديده
    بالبداية يحسون بخوف وقلق ومايتكلمون كثير لكن مع الوقت والممارسة
    يبدأون بالكلام والتحاور

    انت حتى الان ماكملت شهر ، اعتقد محتاج وقت وبعدها تتعود على الوضع وتتطور لغتك ان شاء الله

    الله يوفقنا واياك
    7 "
  4. المشاركة الأصلية كتبت بواسطة كنت أحبك
    هلا وغلا أخوي


    الوضع اللي انت فيه طبيعي جداً واغلب المبتعثين مرو بالمرحلة هذي
    انت توك ماكملت 3 اسابيع في امريكا .. والواضح انك انساني اجتماعي في السعودية
    الاشخاص الاجتماعيين واللي متعودين على الكلام في السعودي يتضايقون لما يجون امريكا في البداية
    لان وده يشارك ويتداخل ويتبادل الحديث مع الناس بحكم طبيعيتة الأجتماعية ولكن حاجز اللغة يضعه تحت تأثير نفسي

    نصائحي هي كالتالي ..

    امريكا فيها اكثر من 90 الف طالب وطالبة سعوديين واغلبهم تعدو مرحلة اللغه ودخلوا الجامعة (اذا المسألة ليس مستحيلة)
    اللغة يبيلها صبر في البداية وراح تتعلم حبه حبه ويتطور مستواك مع الأيام .. وستصبح المراحل الاولى أجمل ذكريات لك في امريكا
    حط في بالك ان المعهد مايعطيك اكثر من 30٪ من اللغة كحد أقصى .. الباقي يعتمد عليك وعلى تطوير نفسك لغوياً ..
    عليك بالقراءة كثيراً وتعلم مفردات كل يوم خلال اول شهرين عشان يكون عندك محصول لغوي وسيتطور ترتيب الجمل بالقراءة ..
    الشعب الأمريكي ميزتهم انهم فرندلي لذلك سهل الحديث معهم .. حاول تتكلم في اي مكان وتوصل فكرتك ومع الأيام بتستفيد من كلامهم معك
    في الأجازات والوقت الفاضي اطلع للاسواق وادخل المحلات واسأل عن اي شئ وهم بيشرحون لك وفي الحاله هذي تطور الاستماع واكتساب جمل جديده
    أهم شئ لايدخلك اليأس في أنك ماراح تتعلم اللغة لأن في الحاله هذي انت بتصير تحت تأثير عقلك الباطني وماراح تستجيب لأي شئ حتى لو درست سنوات عدة

    تمنياتي لك ولكل الطلبه بالتوفيق
    جزاك الله خير , كلام ايجابي ومحفز , اسمحلي اقتبست كلامك في ملف مع مقالات تحفيزيه أخرى لحروف متناثرة الله يذكره بالخير وأخي محمد بن فهد ولايهونوا البقيه , نحتاج جرعات تحفيزيه من أمثالك بارك الله فيك أخي الحبيب,,
    7 "
  5. حبيبي تراك في ثالث أسبوع، الله يرحم والديك لا تحسب اللغة عصير السبانخ تشربه وتطير مثل بباي هههه
    اللغة يبي لها صبر ووقت، صبر ووقت، صبر ووقت... لا تقول لغتي ما تتطور، لا تقول صار وقت طويل.

    أنا أحيي فيك إحساسك بالمسؤولية، واهتمامك اللي يفتقده كثير من الطلاب الكسالى المسوفين اللي واللي
    دامك شاد حيلك فبإذن الله ما يخيب مسعاك، واللي يجتهد يصل بجهده وقبل جهده فالله معاه

    بعض المعاهد عندهم مستوى أول يعتبر عالي بالنسبة لوضعنا اللي نجي عليه من السعودية
    كثير من الشباب يجي ما يفك الحروف ولا يعرف كيف يكتب حتى اسم المدينة اللي هو فيها
    هذولا يبي لهم مستوى تمهيدي قبل المستوى الأول

    أذكر أحد الشباب زمان جاء مانشستر بريطانيا وحطون في مستوى 1، وتعقد الرجال وصا رما يحضر
    بعدين راح معهد ثاني عندهم مستوى تمهيدي اللي هو قبل المستوى الأول وتعلم الحروف وبدأ بالأساسيات
    ولما انتقل لمستوى 1 مشى وضعه وما شاء الله عليه خلص اللغة في وقت قياسي وجاب الدرجة ودخل ماجستير ودكتوراه.

    خلك على نفس الوتيرة من الاهتمام لكن لا تخليها تصل لمرحلة القلق،،،

    بالتوفيق،،،
    7 "
  6. المشاركة الأصلية كتبت بواسطة أبوزينب
    جزاك الله خير , كلام ايجابي ومحفز , اسمحلي اقتبست كلامك في ملف مع مقالات تحفيزيه أخرى لحروف متناثرة الله يذكره بالخير وأخي محمد بن فهد ولايهونوا البقيه , نحتاج جرعات تحفيزيه من أمثالك بارك الله فيك أخي الحبيب,,

    وياك يارب ..
    ويشرفني اقتباسك لكلماتي .. وكلنا هنا لنشر الفائدة والاستفاده في نفس الوقت
    والاسماء اللي ذكرتها من أروع الاعضاء اللي شفتهم .. لكن للاسف لي فترة ماشفت لهم ردود او مواضيع
    بالتوفيق للجميع يارب..
    7 "
  7. الله يعطيكم ألف عافيه جميعا" وماقصرتوا

    كلامكم جدا" رائع ومحفز واخص بالذكر اخوي (كنت احبك) ولا قصور بالباقين



    المشاركة الأصلية كتبت بواسطة Linguistics Consultant
    حبيبي تراك في ثالث أسبوع، الله يرحم والديك لا تحسب اللغة عصير السبانخ تشربه وتطير مثل بباي هههه
    اللغة يبي لها صبر ووقت، صبر ووقت، صبر ووقت... لا تقول لغتي ما تتطور، لا تقول صار وقت طويل.
    بالتوفيق،،،
    اخوي Linguistics Consultant
    يعطيك ألف عافيه حبيب قلبي وماقصرت ,, لكن أنا ما قلت ابغى اتكلم انجليزي في الاماكن العامه أو ادخل في مناقشات باللغة الانجليزية
    اللي متضايق منه هو ان الاستاذ لم يسألني سؤال عام داخل القاعة ما اعرف اجاوب !! لكن اذا سألني سؤال تبع المنهج , أو عطاني اختبار أحل كويس وأجاوب بشكل ممتاز


    ألف شكر لك يالغالي
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.