الأعضاء الإشتراك و التسجيل

الملتقيات
ADs

تكفون ياشباب ردو علي بناء على نظرتكم للموضوع وتجربتكم كمتعثين

تكفون ياشباب ردو علي بناء على نظرتكم للموضوع وتجربتكم كمتعثين


NOTICE

تنبيه: هذا الموضوع قديم. تم طرحه قبل 1374 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية khtbh
    khtbh

    مبتعث جديد New Member

    khtbh السعودية

    khtbh , ذكر. مبتعث جديد New Member. من السعودية , مبتعث فى السعودية , تخصصى طالب , بجامعة ارامكو
    • ارامكو
    • طالب
    • ذكر
    • ينبع, ينبع
    • السعودية
    • Apr 2014
    المزيدl

    April 16th, 2014, 02:49 AM

    السلام عليكم ورحمة الله وبركاته
    كيفكم جميعا واسأل الله ان يوفقنا واياكم لما يحب ويرضا
    يا شباب ان في حيره من امري موضوعي حساسا جدا وارجوا من الله ثم منكم تنصحوني وتشورون علي
    اولا ان كنت موظف بأرامكو السعودية لا كثر من 10 سنوات بوظيفة فني وصار عندي مشكلة بشركة وقدمت استقالة والحين اكثر من سنة ابحث عن عمل وللأسف ما وجد عمل مع اني تقدمت في جميع الشركات سابك0 وصداره 0000الخ ولكن ماكتب الله سبحانه وخلال السنه هذي وانا ابحثي عن وظيفة لاحظة ان كل الشركات تطلب مهندسييييييييييين فقط يعني هي الوظيفة المطلوبة بشكل كبير جدا ففكرة اني اطلع ادرس في امريكا على حسابي وبعدها انظم للبعثة (طبعا انا مجمع قرشين جالس اتصارف منها الحين واخاف اضيع الفلوس وانا ما استفدت شي فقلت اطلع بعثه بباقي المبلغ الين احصل على الانضمام اذا الله اراد) واجيب شهادة وتكون امان لمستقبلي بعد رب العالمين سبحانه بس عندي كم شغله:
    اولا العمر انا عمري 30 سنه وداخل على 31 مع نهاية هذي السنه وثانيا متزوج وعندي طفلين وخايف اني اغامر وتكون العواقب وخيمه
    فأرجوكم بخبرتكم ايش تنصحوني فيه بكل امانه وصدق وبحسب خبرتكم
    ولكم مني جزيل الشكر
  2. اخوي نصيحتي لك اذا تبي تدرس . . اطلع ولكن لا تأخذ عيالك معك . . بعد الانضمام جبهم معك
    طبعا الانضمام في العاده يأخذ له من 4-6 شهور في حال كانت اوراقك كامله

    بالنسبه للتكاليف لمدة ست شهور احسب من 55-80 الف ريال كمتوسط
    و انت ادرى بظروفك وباللي يناسبك ويناسب عايلتك
    7 "
  3. اخي العزيز انصحك بالقدوم و التوكل على الله
    لكن الخيار الجيد لك الهند بلاد العجائب بلد رخيص و تبتعث اذا اكملت 30 ساعة او ممكن اقل
    طبعا جامعات الهند تدخل بدون توفل او ايلتس ادفع و ابدأ
    اذا شفت الهند مناسبة اكمل بها او تستطيع التحويل الى امريكا
    7 "
  4. المشاركة الأصلية كتبت بواسطة BE OPTIMISTIC
    اخوي نصيحتي لك اذا تبي تدرس . . اطلع ولكن لا تأخذ عيالك معك . . بعد الانضمام جبهم معك
    طبعا الانضمام في العاده يأخذ له من 4-6 شهور في حال كانت اوراقك كامله

    بالنسبه للتكاليف لمدة ست شهور احسب من 55-80 الف ريال كمتوسط
    و انت ادرى بظروفك وباللي يناسبك ويناسب عايلتك
    الكلام هذا سليم الافضل انك ما تاخذ عيالك معاك الا بعد الانضمام
    لان انت تقدر تسكن في اي مكان ومع عزاب بسعر معقول
    بينما لو كان عندك عايله لازم تستاجر شقه واثاث وتدفع في كثير من المجمعات السكنيه الديبوزت
    ان في وجهة نظري وبحكم خبرتي ودايم اشوف اعلانات عندنا في المسجد عن غرف للاجار ان السكن تقريبا راح يكلفك شهريا ٤٠٠ دولار شهريا ١٥٠٠ ريال اضربها في ٤ شهور ٦٠٠٠ريال هذا فقط السكن
    عندك حساب المعهد ٧٥٠ دولار كل شهر اضربها في ٤ شهور ٣٠٠٠ دولار بما يعادل ١١٢٥٠ريال
    لازم تجيب قبول جامعة مشروط وهذا اهم شي وشرط ريئسي عند الملحقيه للانظمام
    معيشه لك شهريا تقريبا ٣٠٠ دولار كل شهر ٤٥٠٠ ريال معيشه لمدة ٤ شهور مع الاقتصاد والاكل في البيت
    مواصلات ٤٠٠ دولار في ٤ شهور مع مراعاة ان هذه مواصلات عامه باصات ومترو ١٥٠٠ريال
    فاتورة جوال ٢٠٠ دولار في ٤ شهور ٧٥٠ ريال
    غسيل ملابس ١٠٠ دولار في ٤ شهور ٣٧٥ ريال
    خلي عندك مصاريف نثريه كل شهر حقت ستار بكس او طلعه تمشيه وتاكل برا البيت مثلا حط تقريبا في الشهر ٢٠٠ دولار في ٤ شهور ٣٠٠٠ ريال
    عندك قيمية تاشيرة امريكا وتذاكر السفر ما عندي فكره عنها هذه اشياء تدفعها في السعوديه
    هذه المصاريف ٢٧٣٧٥ الف ريال لمدة ٤ شهور وهذه المصاريف تقريبا قد تزيد نوع ما ولكن ما تنقص
    بالتوفيق ان شاء الله
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.