ترقية البعثة اثناء مرحلة اللغة والاجازة الصيفية؟؟؟؟؟؟؟؟

السلام عليكم

يا اخوني موضوعي باختصار هو اني معيدة والحمدالله جبت قبول جامعي وجبت درجة كويسة باللغة
وبعثة اللغة حقتي راح تخلص في نهاية جون
ومعهدي دراسته حقت الفال سمستر راح تخلص بعد اسبوع وبعد باسبوعين راح يبدا السمر سمستر
وانا بما اني جبت درجة كويسه وجبت قبول وطلبت ترقية بعثة، ودي ارجع السعودية عند اهلي بالصيف يعني ماودي ادرس خاصة ان دراسة الجامعة راح تبدا باول اوقست ابي اخذ نفس شوي قبل الدراسة القوية
يعني راح اقضي تقريا شهرين عند اهلي

هل راح يترتب على رجعتي اي مشكلة تاثر على بعثتي؟؟؟؟؟ واذا تمت ترقية البعثة هل يتم ايقاف الصرف علي؟؟؟؟
لاني بصراحة انا عايمة مدري وش اسوي مشرفتي ماعندها ماعند جدتي اقولها تيس تقول احلبوه
اقول لها موضوعي تقول اطلبي تذكره ان وافقوا يعني عادي ترجعين طلبت تذكره قالوا مانقدر نعطيك تذكره الا لما يكمل سنة على طلبك الاول لاني كنت راجعة الكرسميس للسعودية ومايحق لي اطلب الا تذكرة واحده بالسنة ما رفضوا لاني مايصلح انزل اجازه
والمشكلة ان مشرفتي ماترد على تلفيونها لو ان فيني الموت
وبرضوا حاولت اتصل بالملحقية كذا مره ولا حياة لمنت تنادي
فارجوكم الي عنده معلومة تفيدني يرد علي الله لا يهينكم

وجزاكم الله عني الف خير

وعليكم السلام
ما اعرف الصراحه نظام الرواتب للمعيدين خلال فترة التأجيل هل يتم الصرف او لا
لكن اللي تسوينه الآن طلب تأجيل بعثه لبداية دراستك وترفعين لهم قبول الجامعه ودرجتك واشياء ثانيه راح يطلبونها بياخذ منك اسبوعين بالغالب
لانك جبتي الدرجه تراسلين الجامعه وتعطينهم الدرجه علشان يعطونك القبول ويحولون الاي توني حقك عليهم وتسوين طلب تأجيل بعثه والملحقيه بيعطونك تذكرة عوده للسعوديه
واذا رجعتي للسعوديه تطلبين تذكرة ذهاب لمقر الدراسه من التعليم العالي بحي الغدير
اتوقع بالنسبه للمكافأه راح توقف لكن بينزل لك راتبك اللي هو نصف او ربع الراتب الاساسي والله اعلم

اختي انا مريت بنفس تجربتك لكن مختلفه شوي
اول شي نظاما لا تستحقين تذكره من الملحقيه كون انك تو ماخذه في الكرسمس

انتي الحين سوي طلب ترقيه للبعثه . . طلبت الترقيه بيمر الملحقيه بعدين الملحقيه بتوجهه للجامعه . . العمليه هذي تأخذ وقت طويل نسبيا . . و يعتمد على جامعتك و على متابعتك معهم (لازم تتابعين معهم عشان ما تتأخر أمورك)
بالنسبه للراتب . . فوقتها السنه الي راحت كانت بعثتي تخلص في شهر سته انجليزي . . و دراستي الأكاديمي تبدا في شهر ثمانيه . . فكلمت المشرفه وقالت ان جايهم تعميم من العيسى بان اذا انتهت بعثة الطالب للغه , و كان عنده قبول اكاديمي . . و كانت الفتره بين انتهاء اللغه و بداية الدراسه الأكاديميه أقل من ست شهور فان الصرف لا ينقطع عن المبتعث (هذا كلامهم نصاً) لكن انا من زود حرصي رحت مددت اللغه ست شهور مع اني ما احتاجها و لا درستها أصلا كوني في السعوديه . . لكن مددتها عشان اضمن ان الراتب ما ينقطع لا اكثر ولا اقل . . و الحمدالله مددوها و اموري مشت في السليم

أتمنى اني افدتك بردي هذا , و بالتوفيق ان شاء الله