خريجة لغات وترجمة جديدة على الابتعاث
السلام عليكم
انا خريجة ترم اول تخصص لغات وترجمة انجليزي والحمدلله معدلي 4.31
حصلت بالايلتس على 7 من اصل 9 والتوفل على 100 من اصل 120
حابة اكمل ماستر بامريكا وحاولت اقرأ المواضيع الموجودة بالمنتدى بس للأسف جاني صداع من كثر الاجراءات :(
طبعا أنا ودي اكمل بتخصص مثل الـTOSEL لكن سمعت كثير يقولون انه هالتخصص مو مطلوب بالسعودية قد الـapplied linguistics?
انا الحمدلله لغتي الإنجليزية ممتازة ولكني لا أهوى الlinguistics اطلاااقا لهذا شلته من بالي
وزي ما قريت من مواضيع كثيرة انو لازم اختار قسم التسويق ومن هناك اغير التخصص
طيب يعني لازم ادور جامعتين وحدة تقبلني تسويق(التخصص الاولي) وجامعة ثانية تقبلني TOSEL (ألتخصص اللي حابة احول له) عشان لما اروح هناك احول عليها؟
وبالنسبة للتوصيات انا سمعت كلام كثير انو يفضل اخذها من الحين بس كمان قريت ان كل جامعة ولها ستايل خاص فإيش رايكم؟ انتظر لما اختار الجامعة المناسبة والا اخذ التوصيات قبل؟
امريكا بلد كبير متعدد الولايات صراحة انا مو عارفه كيف احدد الولاية/المدينة/الجامعة اللي رح ادرس فيها؟؟؟
انا اتمنى ادرس بالولايات الشرقية زي ماساتشوستس وبينسيلفينيا.
ياليت لو احد عنده خبرة يساعدني بكيفية اختيار الجامعة المناسبة :(
اعتذر عالاطالة.
رد: خريجة لغات وترجمة جديدة على الابتعاث
ما شاء الله تبارك الله على درجاتك
اتوقع ان القبول ما راح يكون عائق امامك في اغلب الجامعات في جميع الولايات دون استثناء
لكن انت من يحدد الولايه بحيث تكون مناسبه لك
فيه ولايات غاليه ومتوسطه ورخيصه طبعا ينعكس ذلك على مستوى الولايه من ناحيه الترفيه والجو والخدمات
ذكرت ولاية بنسلفانيا انها من ضمن اختياراتك
راح اتكلم عن نفسي وطريقة اختياري للولاية والمدينة طبعا انا مقدم على القبول والى الان لم يصلني اي رد
انا اخترت ولاية بنسلفانيا مدينة فلادلفيا للاسباب التاليه
تعتبر رخيصه من ناحيه السكن مقارنه بنيوورك وواشنطن دي سي وفرجينيا وماسوشوسيت وكاليفورنيا
فلوريدا ارخص بس استبعدتها لاسباب اذكرها لاحقا
بنسلفانيا وتحديدا فلادلفيا قريبه جدا من نيوورك والعاصمه واشنطن
فلادلفيا ثاني اكبر مدينه في الشرق الامريكي
الوصول لفلادلفيا سهل نوعا ما عند سفرك من السعودية عندك خيارين رحلات مباشره من جدة الى نيورك او واشنطن ومنها تطلع طيران داخلي او باص او تستاجر سيارة او تاخذ تاكسي
لاسمح الله لاي ظرف طاري حبيت تسافر للسعودية بيكون اسهل من لوكنت في كالفورنيا
فلوريدا جميله ورخيصه بس بعيده عن نيورك وواشنطن
يعني باختصار فلادلفيا اسعارها معقوله طبيعه خلابه وقريبه من مدن حلوه
مع تمنياتي لك بالتوفيق
تمت المشاركة من تطبيق مبتعث
2 مرفق
رد: خريجة لغات وترجمة جديدة على الابتعاث
بالنسبه للتوصيات من الان خذي اكثر من نسخه وحطي نسخ في ضرف من الكليه ضرف رسمي ويتم اغلاق الضرف والختم عليه بختم القسم من الاربع جهات في الضرف لان بعض الجامعات تشترط ان التوصيات تكون مرسله من الكليه مباشره
وكذلك السجل الاكاديمي خذي اكثر من نسخه وحطي نسخه منه مصدقه مع صورة من وثيقة التخرج في ظرف رسمي من خدمات الطلاب بعمادة القبول مع صورة من الجواز ويقفل الضرف ويختم احتياطا جهزي هاذي الاوراق من بدري
انا قدمت على جامعه saint joseph's في فلادلفيا وطلبوا ني ذي الطلبات طبعا الجامعه في فلادلفيا ومعتمده من التعليم العالي
دعواتكم باني انقبلملف مرفق 32416ملف مرفق 32417
تمت المشاركة من تطبيق مبتعث