إستئجار غرفة من المستأجر وليس المالك الحقيقي

وعليكم السلام
الناس اللي يأجرون شققهم او غرفهم مختلفين
بعضهم يأجرها لك بس فترة الصيف علشان يوفر فلوس
وبعضهم صايره له مشاكل مع المالك او الروميت ويبغا يفتك من الشقه
وبعضهم بينقلون لكن متورطين بالعقد

فانت مااتعرف اي الاشخاص بتستأجر منه

غير كذا لا تفكر انك تحول فلوس له علشان مايسحب عليك مثل مايحصل بالعاده

اذا ماسجلت اسمك بعقد بإمكانه اخراجك اي وقت او يورطك بأي مشكله

هو راح يسافر الى ولاية ثانيةة.. عشان كذا يبغا يطلعع .

أكيد أنا ماراح آخذ الغرفه الا بعقد بس الكلام لو سويت عقد بيني وبينه بدون ما تدري إدارة السكن .. هل ذا يعتبر عقد باطـل *_*
وبالنسبة للتحويل انا أشوف انه كويسس لأني لو أعطيته كاش ماراح يكون هناك شي يثبت إني دفعت له دفعه أولى بس لو حولت على حسابه هنا بيكون عندي سند تحويل يثبت بالدفعه اللي دفعتها له

وأشكركــ كــل الشكرر على جوابكـ لسؤالـي ..

الله ييسر أموركــ ^^

نعم مخاطرة , انسى موضوع الغرفة لانه في الاغلب نصب . دائما النصاب يتحجج انه خارج المنطقة او بيسافر وغير ذلك من الاساليب . اذا كان صادق كان طلب منك ان تقابله وتشوف الغرف شخصيا .

هل ممكن تضع الرابط؟

والله اذا حولت له او اعطيته كاش ماتقدر ترجع فلوسك
اذا كان بيعطيك سند قبض بهذي الحاله اقول عادي

وبعدين كيف طريقة العقد بينك وبينه؟ مافيه شي رسمي ماراح تاخذ حقك

نعم هــو طلب مني أن اقابله واشوف الغرفة بس قلت له اني باقي بالسعودية فقال قابلني على برنامج سكايبي وخلاني اشوف الغرفه والسكن كله ــ برضو هو يبغاني اجلس الين نهاية شهر 8 لان عقده ينتهي بنهاية شهر 8 ميلادي , انا حاولت اسوي عقد مع ادارة السكن بس قالت ان كل العقود حاليا تنتهي في نهاية شهر 8 ميلادي بعدها تعال خذ غرفه . ذا يدل ان كلامه صح ..

شوف بصراحة أنا صعب أحكم أقول نصاب او مو نصـاب لاني شفت ناس كثييرين مثله مسوين نفس الطريقه يعرضون غرفهم او شققهم لناس تكمل العقد بدالهم وايضا قد شفت سعوديين يسوو ذي الطريقة بسس الكلامــ هل طريقة أستئجاري للغرفة نظامية او غير نظامية .

هذا رابط المجمع
http://seattle.craigslist.org/see/roo/4451590028.html

شكراًوما قصرت على هالمشاركةة الجميلةةة

ي طول العمرر طريقة العقد غير واضحة بالضبط بسس محتواها تقريبا بيكون كذا ( ان فلان بن فلان اللي هو المستأجر الآن يتنازل عن العقد او يفوض السكن ل فلان اللي هو أنا بنفس سعر العقد الأساسي ويوقع المستاجر الأول والمستاجر الثاني ).
>_< وش رأيكـ

والله شف العقود الرسميه بعض المرات ينلعب علينا فيها
فكيف اذا كان العقد على ورق بس
واذا حولت له الفلوس غالباً انه بيلعب عليك واذا رحت تطالب مافيه اي دليل على ان المبلغ هذا لعقد الشقه

هذي اول مره لك في امريكا
صحيح دايم نسمع ان امريكا تاخذ حقك فيها
لكن اللي اشوفه عندهم مثل اللي عندنا بالسعوديه
لو حولت له الفلوس وسحب عليك لو تسوي اللي تسوي ماراح يرجع لك حقك

حط نفسك بمكان هالامريكي
لو هو كان بيجي للسعوديه وانت نزلت اعلان
وقلت له ابرسل لك ورقه مكتوب فيها اسمي وكل شي وان الورقه هذي مثل العقد وموقع عليها
وانت كتبت الورقه بس حطيت توقيع غير توقيعك والرجال حولك الفلوس وجاء للسعوديه ولا انت ساحب عليه
راح اشتكاك عند الشرطه والمحكمه وبكل مكان
بعد الملاحق بتروح للمحكمه وبتقول لهم ان الفلوس هذي لواحد من ربعي مبتعث ماعنده حساب سعودي ويبي يحول الفلوس لاهله ا
و حسابه السعودي موقف وتجيب لك اي واحد تعرفه من اللي بامريكا مقفل حساب من حساباته وتتفق انت وياه
الامريكي بيطلع الورقه اللي فيها عقد اللي انت كتبته واعتراضك بيكون ان التوقيع مو توقيعك
يعني الفلوس راحت لجيبك والامريكي اللي جاي ولا يدري وش الطبخه اكلها

كلامك في السليــمم ونا متفق معك بكـل شي .. بس ترا في احتمال ثاني انه ما يكون نـصاب وعلى فكرة مبدئيا اتفقت معه اني ادفع حق نص شهر يعني م يقارب 425 دولار .. وبعد انتهااء نصف الشهر اشوف الوضع عجبني او لا إذا السكن ناسبني ذيك الساعه اعطيه المتبقي .. يعني لو حاول يضحك علي وخمني واخذ الفلوس اوكيه عادي المبلغ اللي دفعته مو ذاك المبلغ الكبيرر بسس بنفسس الوقت احتمال الوضع يضبط واسكن في السكن بذا المبلغ يعني الشغلةة ي تصيب وأستفيد أو تخيب وما أستفيد

ترا لو يضبط السكن راح أدفع 2,125$ ( لفترة شهرين ونص ) أما لو أني اروح مبدئيا ب فندق واجلس ب فندق لمدة أسبوعين الى بداية الشهر الجديد راح يكلفني م يقارب 1,710$ ( لفترة أسبوعين ).. يعني الشغلة يبغالها مجازفة بسيطةة ..

بالنسبة لسالفة يمكن يكون نصاب ويضحك علـي أو يمكن يكون صادق وما يضحك علـي ذي صعبه أحددها لأني ششفت أكثر من إعلان بنفس المجمع من أشخاص ثانين ف صعبه أحدد الشي اللي بيصير
بس الكلامم مو هنــا
الكلامم لو سكنت بغرفته و وهو سوا لي تفويضض و إدارة السكن عرفت بالموضوع هـل أنا راح أحاسب قانونياً ويحسب علي غرامةة ماليــة أو ورقة التفويض بيكون لها دور في السالفة ...
وفوق ذا كلـه أحتمال اخلص ششهرين ونص ومحد درا عنـي ^^ .( اللي يحـسب حسابه المحاسبة القانونيـة )

أشكرــك أخوي على مشاركتك لموضوعــي والله يكتـب لي ولكم التوفيق ^^

الله يكتب للجميع التوفيق
الله يستر عليك ان شاء الله ويحفظك من النصابين
صحيح ممكن مايكون نصاب وفيه ناس تسوي مثل هذا الشيء

بالنسبه للإداره ماراح يقولون لك شي ان شاء الله
وبعض الادارات ممكن تضيفك معه بالعقد لكن لانها فترة صيف بس ما اتوقع
اذا تقدر تخليه يدخلك معه بالعقد او تكتب عقد عند مكتب اذا وصلت لامريكا يكون احسن
لان اذا حصلت اي قضيه مثل لا سمح الله سرقه ماتتورط