جامعة university of portland

السلام عليكم ورحمة الله وبركاته...



اخواني واخواتي انا طالب ثالث ثانوي وبعد كم اسبوع بتخرج وناوي اكمل دراستي الجامعيه فالخارج واخترت امريكا ولاية اوريغون في مدينة بورتلاند واللي حمسني للدراسه فيها هو كلام الناس ومدحهم لها بشكل كبير جداً عالعموم انا ناوي على تخصص هندسه ميكانيكيه ودخلت على موقع الوزارة ما لقيت متاح هالتخصص الا في جامعة university of portland
وعندي بعض الأسئلة واتمنى منكم الاجابه عليها لو تكرمتو :


١/ كيف الجامعه بشكل عام من حيث السمعه وتوفر الخدمات والمرافق فيها ؟
٢/ مدى قوة الجامعه في التخصصات الهندسيه وخاصة الهندسه الميكانيكيه ؟
٣/ مدى تعاون المدرسين مع الطلبه ؟
٤/ مدى صعوبة الدراسه فالجامعه ؟
٥/ هل يوجد معهد تابع للجامعه؟ واذا كان فيه.. كيف سمعت المعهد والدراسه فيه؟ وكم مدة اللفل ؟
٦/ هل تقارن الجامعه بجامعة portland state university ؟
٧/ كيف المنطقه المحيطه بالجامعه هل تتوفر فيها جميع الخدمات مثل المطاعم والمواصلات والماركت والأماكن الترفيهيه وغيرها ؟



واعذروني على الإطاله والله يوفقكم جميعاً ...


( تمت المشاركة باستخدام تطبيق مبتعث )

مرحبا اخوي جامعة بورتلاند جامعة قوية جدا والدراسة فيها مش بالساهل والمعهد مررة شاد علي الطلاب ولماتخلص ليفل اربعة تدخل الجامعة اذا انت بكالوريس واللة يوفق الجميع

مدة الليفل شهرين والمدينة مرة حلوة وطبيعة وتحتار وين تروح بالويكند من كثر الاماكن الحلوة فيها بس فيها عيب مليااانة سعوديين كانك بالرياض

يا أخوان الرجال يسأل عن جامعة بورتلاند (University of Portland) مو ( Portland State University )



University of Portland في نورث بورتلاند لها سمعة قوية في اوريقن, قليل سعوديين فيها, الجامعة مو صعبة بس يبي لها شغل, ما فيه تابعها معهد, 6.5 ايلتس أو 71 توفل.

Portland State University في داون تاون بورتلاند, فيها سعوديين كثير, ما اعرف عن الجامعة بس أي جامعة في سعوديين كثير اعرف انها سهلة :p , تابعها معهد, بس طبعاً تحتاج شغل, 6 ايلتس, 71 توفل.

حسب تقييم Forbes, جامعة بورتلاند (University of Portland) أفضل بمراحل.

Forbes - University of Portland

Forbes - Portland State University

اخوي ممكن توضح هي كم تحتاج الجامعة في الايلتس 6 ولا 6.5

اقتباس:

---

المشاركة الأصلية كتبت بواسطة Daifallah_

اخوي ممكن توضح هي كم تحتاج الجامعة في الايلتس 6 ولا 6.5

---

جامعة بورتلاند تطلب 6.5 للبكالوريوس!
و 7 و ما فوق للدراسات العليا!! ضيف الله!!!


https://www.up.edu/iss/prospective-s...oficiency.html

---