متزوج وعندي 3 اطفال ... افكر في دراسة الماستر ومحتاج مساعدتكم

السلام عليكم ورحمة الله وبركاته ...

الحمدلله ان في ملتقى اسمه مبتعث يساعد كل من لديه استفسار عن البعثات والدراسة بالخارج .... تحية لكم مني ^_^

انا خريج بكالوريس من خمس سنوات (عمري 30 سنة) بمعدل 2.1 من 4 ... متزوج وعندي 3 أطفال ولله الحمد ...

افكر اكمل ماستر في امريكا أو كندا وعندي بعض الاستفسارات اللي ابحث لها عن اجابة تساعدني في اتخاذ القرار ... خصوصا مثل هذا القرار في حالتي يعتبر مصيري

استفاري عن:
- طريقة الالتحاق بالبعثة ومدتها ...
- وشروط الالحتاق بالبعثة .. هل لازم اجهز قبول بالجامعة وانا بالسعودية؟ او يكفي ان اسجل بمعهد لغة ؟؟
- افضل الولايات من حيث: الدراسة، تكاليف المعيشة (سكن واكل ومواصلات، وحاضنات)
- المكافأة ؟ كم راح راح تكون وهل يشترط وجود العائلة معي قبل الالتحاق؟ او ممكن بعد الالتحاق اجيبهم وتحسب لهم المكافأة بعد؟
- الحاضانة ودراسة الاطفال ؟؟ روضة ومدرسة .. هل تتكفل فيها البعثة؟ واذا لا كم راح تكلف
- التذكار والتأمين كيف نظامها؟
- بعد الالتحاق: اذا ارادت زوجتي الانضمام للبعثة (لغة او ماستر) وش الشروط؟

هذه الاسئلة اللي بالي حالياً ... ساعدوني الله يبارك في اوقاتكم

بالنسبة لطريقة الإلتحاق في البعثة ,
فعندك طريقتين .. إما عن طريق المراحل (برنامج خادم الحرمين الشريفين للإبتعاث) او عن طريق الدراسة على حسابك الخاص ثم الالتحاق ..
المراحل : لها طريقتين .. اما تقدم عليها .. او تحاول تبتعث عن طريق جهة العمل اللي انت تشتغل فيها ..

اما الدراسة على حسابك الخاص .. فتجي في امريكا تدرس معهد لغة مدة اربع شهور بعدها تقدم على الإبتعاث ويتم إلحاقك بالبعثة بإذن الله ..(هذا مختصرها) ..

الاجراءات بالطريقتين تختلف .. ويحتاج لها شرح مطول .. وفيه مواضيع كثيره شرحتها ..
لكن باعطيك رؤوس اقلام تبين لك زبدة الموضوع في الإلتحاق بالبعثه عن طريق الدراسه على حسابك الخاص (لأنها الأسهل والاسرع):
- اول شي تجيب قبول معهد لغة + قبول جامعي (أو قبول مشروط) .
- بعدها تطلع الفيزا
- بعدها تاخذ الموافقة على الدراسة على حسابك الخاص
- بعدها تروح لامريكا وتدرس اربع شهور
- بعدها تقدم على البعثه من امريكا على الملحقية .. ومتى ماخلصت الاجراءات الحقوك على البعثه !


بالنسبه لافضل الولايات .. فالولايات كثيره .. ولاراح تقدر تحدد ولايه معينه لانك بتكمل دراسات عليا .. وبالتالي الجامعات اللي راح تقبلك هي الشي اللي راح يحدد لك الولايه !
لان الموضوع يعتمد على الجامعه اللي راح تقبلك .. ممكن تقدم على عشر جامعات ولا تقبلك الا جامعه وحده ؟! وغير هذا لاتنسى ان كل جامعه لها متطلباتها في القبول مثل درجة الايلتس والجيمات والجري وغيرها !
فهذي الامور كلها هي اللي راح تحدد لك اختيار الولايه لان مو كل جامعه بنفس المتطلبات .. فيه جامعات تطلب مثلا الجيمات وبعضها ماتطلبها .. وجامعات تطلب 4.5 في الايلتس وجامعات ثانيه تطلب اكثر من ذلك !
فماراح تقدر تحدد الولايه الا اذا كانت درجاتك في الايلتس والاختبارات الثانيه عاليه .. وقتها بيكون عندك فرص كثيره لاختيار الجامعه في الولايه اللي تناسبك !

لان الناس تجي من اولها تختار ولايه مثلاُ قول فلوريدا ويقعدون يقرون عنها ويشوفون ويحفظون حتى شوارعها والاماكن الترفيهيه وكل التفاصيل المهمه .. وفي النهايه تلاقيهم يدرسون مثلا في اوهايو !
ليش ؟ السبب انهم مالقوا جامعه تقبلهم بحسب درجاتهم والخبرات اللي معهم الا في اوهايو ..
هذي هي الفكرة كلها ..


بالنسبه للمكافات .. فراح تكفيك ان شاء الله اذا كنت في ولايه متوسطة المعيشه لكن احسب حسابك اذا كان فيها حضانات ماراح تكفيك نهائيا ً ! لان الحضانات ياخذون مابين 400 الى 700 دولار على الطفل الواحد شهرياً وهذي ماتغطيها الملحقية!
ولا يشترط ان اهلك يكونون معك وقت الالحاق ... عادي تقدر تروح لحالك واذا الحقوك تجيب اهلك بعدين وتضيفهم مرافقين عندك .. وهذي الطريقه اللي الاغلبيه يسويها !

ومدارس الاطفال فيه مدارس تتكفل فيها الملحقية .. وفيه مدارس حكوميه مجانيه تقدر تدخل اطفالك فيها ..

اما عن التذاكر والتأمين ..
فقبل الإلحاق كل شي بيكون من كيسك ! فالتأمين تاخذ اي تامين رخيص تعبر حالك فيه لحتى تلتحق وبعدها تكنسله لان بعد الالحاق راح يجيك تأمين من الملحقية ..
والتذاكر كذلك نفس الشي .. بعد الالحاق الملحقية راح تعطيك تذكره سنوية على حسابهم .. روحه وجيه !


انصحك بقراءة مواضيع قسسم الدارسين على حسابهم الخاص لما فيه من معلومات تهمك ..

يعطيك العافية اخ محمد ...

ممكن تفيدني وش الولايات المتوسطة او منخفضة المعيشة؟؟

اقتباس:

---

المشاركة الأصلية كتبت بواسطة ابوعبدالرحمن14

يعطيك العافية اخ محمد ...

ممكن تفيدني وش الولايات المتوسطة او منخفضة المعيشة؟؟

---

بجاوب عن اخوي محمد

الولايات الوسطى بشكل عام ارخص من الشرقة والغربية

موفق يارب .

ابو عبدالرحمن الولايت في امريكا مساحاتها كبيره جداااا فيها اماكن رخيصه وفيها اماكن غاليه والاختيار لك ,,,,,,,,,,,, بالنسبه لافضل طريقه لك للابتعاث مالك الا طريقه وحده فقط ,,,, لان عمرك 30 سنه لن يتم قبولك للبرنامج ( مالك الا تطلع تدرس ع حسابك 4 اشهر ثم يتم التحاقك بناء ع درجاتك في المعهد وانتظامك في الدوام ) ,,, انا مريت في نفس اللي انت فيه الان

بالنسبه للتكاليف اذا ماتقدر عليها بعر شهر من دراستك رجع اهلك السعوديه وارجع كمل ال 4 اشهر واذا تم الحاقك ان شاء الله جيبهم مره اخرئ

بالتوفيق

شكرا اختي على الرد

- - - مشاركة محدثة - - -

اقتباس:

---

المشاركة الأصلية كتبت بواسطة أفنونة

بجاوب عن اخوي محمد

الولايات الوسطى بشكل عام ارخص من الشرقة والغربية

موفق يارب .

---

شكرا اختي على الرد

اقتباس:

---

المشاركة الأصلية كتبت بواسطة امنيتي البعثه

ابو عبدالرحمن الولايت في امريكا مساحاتها كبيره جداااا فيها اماكن رخيصه وفيها اماكن غاليه والاختيار لك ,,,,,,,,,,,, بالنسبه لافضل طريقه لك للابتعاث مالك الا طريقه وحده فقط ,,,, لان عمرك 30 سنه لن يتم قبولك للبرنامج ( مالك الا تطلع تدرس ع حسابك 4 اشهر ثم يتم التحاقك بناء ع درجاتك في المعهد وانتظامك في الدوام ) ,,, انا مريت في نفس اللي انت فيه الان

بالنسبه للتكاليف اذا ماتقدر عليها بعر شهر من دراستك رجع اهلك السعوديه وارجع كمل ال 4 اشهر واذا تم الحاقك ان شاء الله جيبهم مره اخرئ

بالتوفيق

---

اخوي بما انك مريت في هالمرحلة ... هل لازم اجيب قبول ماستر قبل اروح بعد؟؟ خصوصا اني مااختبرت جيمات للحين ...

بالنسبة لكلامك اني ارجع اهلي بعد شهر ، تقصد اني لازم اجيبهم معي وقت المعهد قبل الالتحاق؟؟ اللي خبروني فيه شباب انه عادي اروح لحالي وبعد الالتحاق اجيب زوجتي وعيالي وارفقهم معي