مساعدة أرجو أن اجد منكم المساعدة والاجابات الكافية عن تساؤولات اختكم الخريجة حديثاً

معقول ولا حتى رد واحد يجبر الخاطر ؟؟؟؟؟؟؟؟؟؟

وينكم ما احد جاوبني للان ؟؟؟؟؟

لاحول ولا قوة الا بالله ...

السلام عليكم ورحمة الله وبركاته
اول شيء روحي لموقع وزارة التعليم العالي وشوفي الجامعات الموصى بها تقدري تختاري الولاية اللي حابه تدرسي فيها وتحطي تخصصك وتشوفي الجامعات اللي تعطي ماجستير فيه
وكمان تقدمي على برنامج خادم الحرمين للإبتعاث حد علمي التقديم سوف يبدا في 2/ رمضان/ 1435
اما الإجراءات تواصلي مع مكاتب مسؤلة عن القبول ومن رأي المتواضع تطلعي تدرسي لغه اول بعدين على حسب نتيجتك تشوفي لك قبول في أي جامعه لدراسة الماجستير
اجرأت الحصول على فيزا بعد ماتجيبي قرار الابتعاث تدخلي موقع السفارة الامريكية وتعبي الابلكيشن الخاصه بفيزا الدراسة وتدفعي الرسوم وتحجزي موعد وكمان فيزا للمرافق بحسب هوبيدرس معاك والالا هذا الرد باختصار وفي المنتدى راح تلاقي اجابات بشرح مفصل

مشكور أخوي حلمي اكون مبتعث وانا عندي نفس حلمك بس اخوي بصراحه ماني عارفه وش التخصصات اللي امتداد لتخصصي عشان على اساسها ابحث عن الجامعات ابي اعرف اقواها مستقبل وشو وعلى أساساها راح اختار الجامعات القويه اللي تم ذكرها في التصنيف الاكاديمي العالمي لأني ما ابي أي جامعه والسلام ولا ابي صعبه مره بس ابيها معروفه كسمعه واسم بعد ياليت لو تقدر تساعني بهالشي ما تقصر معي لأني بجد محتاجه فزعتكم

وعليكم السلام ورحمة الله وبركاته
1- التخصصات لازم تكون امتداد للبكالوريوس حقك , وهذا انت أدرى فيه من الواد اللي درستيها أو دكاترتك بالجامعه ارجعيلهم
2- اجراءات الابتعاث موجودة بالمنتدى ماله داعي الاعاده , اطلعي على قسم مراحل الابتعاث أختي.
3- اختيار الجامعه يعتمد على عوامل كثيره لاتستبقي أحداثها , وان كنت أفضل أن تختاري قدر الامكان المكان اللي تتمنين الدراسه فيها مستقبلا , لأن أمريكا قاره وماتحتين التنقل من ولاية لأخرى , ولكن القبول هو اللي يوجه الطلاب بعد اللغه , (كلام لاحقه عليه لاتشغلين بالك , الأمور خطوة خطوة)
4- اللغه يعطونك سنة الى سنة وست شهور , والماستر عادة سنتين بأمريكا ,
القبول المشروط والغير المشروط اكتبيه بمحرك البحث وتجدين معناه , أبي أعلمك استخدام محرك البحث , لفائدتك والله
توكلي على الله , وأكثري الاستخاره وطوري لغتك من الان قدر الامكان , ولاتقلقي زيادة عن اللزوم , الأمور لاتأخذ دفعة واحده , الابتعاث يفتح في رمضان ثم بعد ذلاك الترشيح الخ... , فعندك وقت كافي لقراء المواضيع المفيدة بالمنتدى واختيار الولايه والمعهد الخ..
وعلى فكرة كطالبة ماستر مطالبه بقبول لغه فقط لجل تبدأي اللغه وتبدأي بالتحضير للتوفل أو الايلتس أثناء اللغه لأنها شرط أساسي لكل الجامعات
الله يوفقك ويسهل أمرك

- اول شي خطوه جيده وكويس انك فكرتي فيها فتوكلي على الله ولا توقفي الا والشهاده معاكي.

- تاني شي تخصص الموارد البشريه قفلوه يعني ما تقدري تكملي نفس التخصص وهذا شي كويس مو سيء لانو تقدري تدرسي اي تخصص تبغيه حتى ان كان علمي المهم تجيبي قبول فيه. طبعا

- ماستر سنتين واللغه نظامي سنه وممكن تتمدد مرتين تزوي سته شهور وان احتجتي تمديد تاني ممكن تزويدها من شهرين لثالثه على حسب المعهد الى انتي فيه. طبعا في ناس من ست شهور تحيب اللغه وتجيب قبول الجامعه يعني على حسب اجتهادك . طبعا تقدري تخلي الماستر سنه ونص على حسب عدد الساعات الى بتنزليها.

- اهم خطوه هي اختيار المعهد والمدينه هذا مووضع تاني نشرحلك هو بعدين

- طبعا في مواقع ان كتبتي في قوقل جتطلعك ترتيب الجامعات مو صعبه بس السؤال هل ختقدري تجيبي متطلباتها. في ناس تقدر وفي ناس لا الفكره في الاخير بعض النظر ما ترجعي الا ومعاكي ماجستير. حطي هذا في بالك.

- السؤال متى ناويه تجي ؟