محتاج مساعدة في ماجستير تمريض الله يجزاكم الجنه

السلام عليكم ورحمة الله وبركاته
ياخوان انا جاني قبول من جامعتين وحده في استراليا والثانية في بريطانيا علشان اكمل الماجستير في التمريض واستخرت ربي ولازلت في حيره من امري وحبيت احد منكم ينصحني تكفون

اول قبول في استراليا من جامعة موناش Monash University واسم الكورس master of nursing

والقبول الثاني من بريطانيا من جامعة سالفورد University of Salford واسم الكورس Course Name: Leadership and Management for Healthcare Practice

انا تعبت ادور مسمى leadership and management of nursing
لقيت تخصص عام في موناش وتخصص سالفورد هيلث كير براكتس بس عاد وش اسوي لازم اختار بينها .. مع اني لازلت احاول اجيب قبول من امريكا لاني درست فيها ثاني ثانوي انتظام في مدرسة امريكية عامة يعني اذكرها رخيصه مو مثل بريطانيا واستراليا المكتب قال بقدر اجيب لك قبول من امريكا مشروط بس لازم تختبر gre والاختبار خايف منه انا اخاف اروح لها واختبر كذا مره واتمرمط وانا ماصدقت الاقي بعثه
مع ان المستشفى الي انا اشتغل فيه كل الي جابو ماستر من استراليا واخوي يدرس فيها الحين بكالورويوس
حبيت اكون مميز لاني انسان طموح واجيب الشهادة من امريكا ولاكن الاختبار هذا مجنني وخايف ارجع بخفي حنين فابي نصيحة من احد جاب ماستر من برا الله يجزاكم خير
انا متزوج وعندي طفل ومثل ماقالي اخوي استراليا غاليه معيشتها وبريطانيا نار وهذا الي مخليني متمسك في امريكا
بس بريطانيا واستراليا ماطلبو مني اي اختبار

الله يجزاكم خير متحير وابي النصيحة