الحقوني سفرتي قريبة و ماخلصت اجراءات ......

السلام عليكم جميعا
عندي كذا سؤال جدا مهمين ياليت اللي يعرف يجاوب
انا معيدة مبتعثه من قبل جامعتي و جبت قبول معهد للغة لي و لاخوي المرافق
الحين سمعت بشغلة المحكمة ان الوالد يوكل اخوي هل هذي ضرورية او انها للمبتعثات من برنامج الملك لان انا غير!
اخوي وقع عند الجامعة بانه محرم و مرافق لي طوال فترة الدراسة تكفي هذي او لازم وكالة من المحكمة!
مابغى مشاكل لوصلت لأمريكا
و فتح الملف انا مافتحت ملف و افكر افتح ملف مبتعث و اعبي اللي اقدر عليه و الباقي بعد ماوصل لواشنطن امر الملحقية عشان الورقة اللي اعبيها بالطيارة
و اكمل الباقي كذا صح علي ولا لا !
و اخوي المرافق افتح له ملف مبتعث ولا لا ! لانه مرافق و بيدرس على حسابة الخاص وجاب قبول معاي بنفس معهد الجامعة
و هل صدق وضع اخوي يختلف اقصد هو مرافق لمبتعثة و بيدرس على حسابة بينما انا على الجامعة
يقولون فيه اختلاف عند فتح الملف عن الدراسين على حسابهم الخاص لحالهم مو مرافقين مثل حالة اخوي
هل هذا صحيح او لا!

ماعندي علم بخصوص الوكالة .. وما أدري اذا يطلبوها منك الملحقية ام لا
اما بالنسبة لأمريكا لن تحتاجي للوكالة ابداً في حياتك هناك ..

فتح ملف مبتعث تقدرين تسويه اونلاين ومايحتاج تروحين للملحقية في واشنطن ابداً
الورقة اللي تعبيها في الطائرة خاصة بالجمارك الأمريكية والملحقية مالها شغل فيها ابداً
الا اذا كنتي تقصدين ورقة I-94 فهذي تم الغائها واصبحت الكترونية تقدرين تطبيعها من الأنترنت ومايحتاج تعبيها في الطائرة
لذلك ما انصحك تروحين الملحقية ابداً وراح تضيعين وقتك وجهدك ومالك بذهابك للملحقية ..

بخصوص اخوك بما انه مرافق تقدرين تضيفيه من البوابة الألكترونية اللي تفتحين فيها ملفك في البداية
واخوك ماراح يدرس على حسابة بما انك مبتعثة فـ الملحقية راح تدفع رسوم دراسته خلال وجودك في أمريكا

بالتوفيق

الحين فتحت لي ملف مبتعث بس فيه بيانات ناقصه
مثل العنوان في بلد الابتعاث و نموذج i-94 و تاريخ بداية البعثة و نهايتها
انا كيف اعرف تاريخ نهاية بعثتي؟ وغيره كثير
اما الباقي عبيته ممتاز
بس المشكلة سويت تسليم للطلب
الحين الطلب طار اتوقع بيدرسونه بس طلبي ناقص مثل ماقلت لكم في بعض البيانات
و عندي رقم الطلب حفظته احتياط
هل بتواجهني مشاكل ولا كيف الوضع احس فيه خطأ
انتم ياللي طلعتم قبلنا ياليت تفيدونا جزاكم الله خير
و ماقدرت اضيف مرافقي لان مايفتح الطلب حقي ولا جاني رقم طالب من الملحقية مدري الوزارة
وش الدبرة تراي ضايعه و محيوسه
سفرتي قريبه و مابي اتبهذل هناك خصوصا انه مافيه وقت كثير عن موعد الدراسه اساسا

و كيف الملحقية بتتكفل بدراسة اخوي؟
اللي اعرف انه لمبتعثين برنامج الملك
و انا مبتعثة من قبل الجامعة
ولا كله واحد؟؟؟؟

اقتباس:

---

المشاركة الأصلية كتبت بواسطة منولو

الحين فتحت لي ملف مبتعث بس فيه بيانات ناقصه
مثل العنوان في بلد الابتعاث و نموذج i-94 و تاريخ بداية البعثة و نهايتها
انا كيف اعرف تاريخ نهاية بعثتي؟ وغيره كثير
اما الباقي عبيته ممتاز
بس المشكلة سويت تسليم للطلب
الحين الطلب طار اتوقع بيدرسونه بس طلبي ناقص مثل ماقلت لكم في بعض البيانات
و عندي رقم الطلب حفظته احتياط
هل بتواجهني مشاكل ولا كيف الوضع احس فيه خطأ
انتم ياللي طلعتم قبلنا ياليت تفيدونا جزاكم الله خير
و ماقدرت اضيف مرافقي لان مايفتح الطلب حقي ولا جاني رقم طالب من الملحقية مدري الوزارة
وش الدبرة تراي ضايعه و محيوسه
سفرتي قريبه و مابي اتبهذل هناك خصوصا انه مافيه وقت كثير عن موعد الدراسه اساسا

و كيف الملحقية بتتكفل بدراسة اخوي؟
اللي اعرف انه لمبتعثين برنامج الملك
و انا مبتعثة من قبل الجامعة
ولا كله واحد؟؟؟؟

---

اولاً ماراح تواجهك اي مشاكل بأذن الله
اذا ماوافقوا على الطلب (وهذا الأحتمال ألأاكبر لنقص أوراق الدخول) عادي تقدرين تعيدي الطلب مرة ثانية
او يسوو للطلب أعادة وتضيفي البيانات والأوراق الناقصة ويتم فتح الملف
العادة تتم بـ ان الطالب او الطالبة يفتح الملف لما يوصل لبلد الأبتعاث لأنهم يطلبوا أختام الدخول
ولاتشيلين هم وتكبرين الأمور وتبهذلين نفسك ترى الأمور سهالات وراح تعرفي لما توصلي ان شاء الله
كل القلق هذا راح تضحكي لما تتذكريه
وبالنسبة لأخوك ترى نفس الشئ مع برنامج الملك الملحقية تتكفل بدراسته لأنها المسؤولة عن مبتعثين الجامعات والهيئة الملكية ايضاً
ارجع واقولك مافيه شئ يستاهل كل القلق هذا والحوسة ..