امريكا والقبولات الجامعية

السلام عليكم مساكم / صبحكم الله بكل خير

حاولت اجيب قبول مشروط من جامعتين في امريكا وعن طريق شخصين يدرسون هناك
وللحين لي حوالي ثلاث شهور ولا وصلني شي

الجامعة الاولى ضل خويي شهر كل مرة يراسلهم ويتصل عليهم ويقولون له بنرد عليك ويسفطونه
ليمن طفشت انا منهم وتركتهم ومع كذا للحين ولا حت اتصلو علينا او ارسلو اي شي ( يعني فك عن وجيهنا محنابفاضين لكم)

والثانية قدمت اون لاين وارسلت لهم كل طلباتهم وفوقها زيادة بالفيدكس حسب رغبتهم لانهم يبون اوراق اصلية او مصدقة ومع كذا لهم شهر ولا صار شي
كل مرة اتصل عليهم اسألهم يقولون باقي لنا يومين عمل واليومين صار لها اكثر من عشر ايام ولازالت تو ديز ورك !!


الظاهر بالنسبة لامريكا مافي فكة من التعامل مع مكاتب القبولات والصبر على غثاهم ونصبهم ومشاكلهم والمشي مكرها على اختياراتهم لك
لان اذا بتتواصل مع الجامعات في امريكا الله العالم ماوراها الاالتعب وضياع الوقت بلافايدة
او ان شغل بو شهر بياخذ له شهور

توقعت ان الاهمال وتضييع وقت الناس امور منتشرة عندنا وفي البلدان العربية عموما وباقي الدول المتخلفة
وان امريكا وماشبه من دول متقدمة انهم بعيدين كل البعد عن مثل هذي االصفات
لكن اتضح ان امريكا عندهم خييير في هذي السوالف


المشكلة ان التعطيل ماله علاقة بأمور اكادمية مثل المعدل الدراسي او طلبات اخرى لها علاقة بالدراسة نفسها
للاسف كلها شغلة اهمال وتكاسل وسفط للناس
بصراحة شي ماكان متوقع بتاتا ان في امريكا يحصل امور مثل كذا

المشكلة ان ياليت بس الوزارة لو تفكنا من قصة توفير قبول جامعي حتى تتم الموافقة على طلب الدراسة على الحاسب الخاص

لان ولله مافي احسن لك من انك تجيب القبول بنفسك ونت في امريكا ،، لان مهما كان ماحد يخدمك مثل نفسك
عدا عن انك بتصير هناك وتشوف الاشياء كلها على الطبيعه بنفسك وكذا تقرر قرارات تكون افضل لك بدل ما أن تخلي غيرك يختار لك في امور مهمة مثل كذا قد تكون غير مناسبة لك وتتبهدل اذا رحت
او حتى قد تفشل دراستك وتخسرك مبالغ كبيرة وترجع بلدك محبط

كم معدلك ؟ وماهو تخصصك ؟

اقتباس:

---

المشاركة الأصلية كتبت بواسطة ارمان

كم معدلك ؟ وماهو تخصصك ؟

---

ثانوي علمي ٩١ ٪ وعلامات المواد العلمية عاليه
طبعا القصد زوجتي لان هي اللي بتدرس

ماحد منهم جاب طاري لاي شي له علاقة بمعدل او دراسه او تمويل الدراسة او فيزا او ماشابه
كلها بنشوف اوراقكم ،انشالله بنرسل لكم ايميل ، بنتصل ... الخ والوقت يمر ولايصير شي

ايش التخصص اللي تبحث زوجتك عنه ؟

اقتباس:

---

المشاركة الأصلية كتبت بواسطة ارمان

ايش التخصص اللي تبحث زوجتك عنه ؟

---

حنا حاليا نبحث عن اسهل واسرع تخصص في القبول واسهل جامعة واسرع جامعه انشالله في الاسكا
وذلك حتى نخلص به طلبات الوزارة الغريبة لاأكثر ،، لكن اثناء فترة داسة اللغة بتغير للتخصص المطلوب

لأن لو تبي تبحث عن تخصصك المرغوب والولاية الي ترغبها كذا يبي لك وقت طويل وحوسه ( سنة بالراحة )
لكن اذا صرت هناك في فترة دراستك للغة بيكون عندك مجال وطرق افضل للتواصل مع الجامعات غير انك بتكون شايف كلشي بعينك

ودي اعرف بس شنهي الافضليه في القبول اذا كنت حاصل عليه ونت داخل المملكة عن اذا حصلت عليه
ونت في الخارج !!! هذا اقوى او اكثر موثوقيه من هذا