أنا موظف ارامكو وعلى وشك اني أستقيل شاركني قراري بخبرتك
السلام عليكم ورحمة الله
طبعا ما اقدر ادخل بدون مقدمه لازم اعطيكم مقدمه سريعه ....
انا موظف ارامكوا الدرجه الثامنه وخريج جامعة الملك عبدالعزيز ادارة موارد بشرية طبعا انتساب كنت ادرس وانا على رأس العمل وبعد ما تخرجت جبت الوثيقه لارامكوا عشان يغيرون من وضعي الوضيفي لكن للاسف ما فيه تجاوب ويقولون الشباب زملائي افصل وحط سبب الفصل باك تو سكول ورح جب الماستر وارجع لهم يغيرون وضعك طبعا مافيه شي مضمون يمكن ويمكن...
على طول قدمت على الابتعاث المرحلة التاسعة وقبلوني مع العلم ان عمري على الحفه 26.9 الحين انا ودي استقيل واروح ادرس اسألتي كالتالي:
هل شهادة البكالوريوس بالانتساب تقبل في امريكا لتكميل الماستر...
بيروح معاي زوجتي وبنتيني وحده عمرها 5 والثانية 2.5 هل المكافئه تكفي السكن والمواصلات او ان صح التعبير وش الولاية الي تكفي فيها المكافئه؟
زوجتي متخرجه بكالوريوس كيمياء بتقدير مقبول وودها تدرس لغة وبعدين تدرس ماستر هل يقبلونها و تقديرها مقبول مع العلم ان معدلها من 5 وما حولناه من 4 واتوقع يرتفع شوي لكن خلونا نقول مقبول هل فيه جامعات تقبل مقبول؟
بشكل عام خبرتي في ارامكوا تقريبا 8 سنوات كاتب هل الخبرة +شهادة الماجستير تجيب لي وظيفة سريعا والا يبغى لي اقدم وانتظر وهل تنصحوني استقيل واروح اتعلم انا وزوجتي والا امسك وظيفتي افضل؟
اسف على الاطالة
وشكرا مسبقا
( تمت المشاركة باستخدام تطبيق مبتعث )
رد: أنا موظف ارامكو وعلى وشك اني أستقيل شاركني قراري بخبرتك
وعليكم السلام ورحمه الله وبركاته
حياك الله اخوي و ان شاء الله ربي يحفظ لك بناتك ،
والله شف انا بتكلم عن استقالتك و وضع وضيفتك مقارنه ب الابتعاث
مافي شي مضمون اخوي و اعرف ناس ارجعو من البعثه ب الماجستير ولا حصلو وظائف على طول و الي توظف بواسطه تخبر انت نظام الوظائف عندنا الواسطه فوق الكل الا ما رحم ربك وغير كذا الدراسه فيها نسبه فشل مثل مافيها نسبه نجاح فا انت احسبها من كل الجوانب .. وبرضو احسب في بالك كم راتبك الشهري و كيف مستوى معيشتك الحالي مقارنه يشهادتك هل تستحق او لا ، اقصد اذا راتبك فوق ١٠ الاف و مستقبلاً راح يتحسن و ضعك في السلم الوظيفي مثلاً دورات داخل السعودية او تكمل انتساب وانت على راس العمل ، عموما اخوي اذا تقدر تاخذ اجازه من دون راتب .. و تطلع ل بريطانيا الماستر عندهم تسعه شهور .. و ترجع لوظيفتك ، او تقدم على ابتعاث ارامكو ..
بالنسبه ل المكافئه صراحه حسب المدينه و الولايه
انا في تكساس مدينه فورت وورث تبعد عن دالاس ٣٠ ميل و الحمد لله مستاجر بسعر ٦٠٠ دولار شقه اضف عليها ١٥٠ فاتوره كهرباء و نت و مويه ، ١٥٠ مقاضي شهر للبيت من لحوم و غيرها
بنزين حسب سيارتك و مشاويرك بالنسبه لي يكفي ١٥٠ الى ٢٠٠ دولار بالشهر جوال ٧٠ ، تامين طبي مجانا و شامل لك ، هذا اذا انت عزوبي اما معك اهلك ما يكفيك راتبك لازم تضم الزوجه مرافق او على البعثه كا طالبه و يصرف لها مثل مكافاتك و الاغلب انه ومعك اطفال تحتاج حضانه لهم و هذا غاليه اتوقع على الطفل الواحد تبدا من ٥٠٠ دولار الى ٧٠٠ بعض الحضانات و غير مستلزماتهم الخاصه من حليب و اكل خاص لهم هذا له ميزانيه ،
عموما كثير هنا بعوائلهم و اطفالهم و ماشيه امورهم ،
اي سوال حاضر لك او اي خدمه تحت امرك
( تمت المشاركة باستخدام تطبيق مبتعث )
رد: أنا موظف ارامكو وعلى وشك اني أستقيل شاركني قراري بخبرتك
اقتباس:
المشاركة الأصلية كتبت بواسطة SSAAUUDDD
السلام عليكم ورحمة الله
طبعا ما اقدر ادخل بدون مقدمه لازم اعطيكم مقدمه سريعه ....
انا موظف ارامكوا الدرجه الثامنه وخريج جامعة الملك عبدالعزيز ادارة موارد بشرية طبعا انتساب كنت ادرس وانا على رأس العمل وبعد ما تخرجت جبت الوثيقه لارامكوا عشان يغيرون من وضعي الوضيفي لكن للاسف ما فيه تجاوب ويقولون الشباب زملائي افصل وحط سبب الفصل باك تو سكول ورح جب الماستر وارجع لهم يغيرون وضعك طبعا مافيه شي مضمون يمكن ويمكن...
على طول قدمت على الابتعاث المرحلة التاسعة وقبلوني مع العلم ان عمري على الحفه 26.9 الحين انا ودي استقيل واروح ادرس اسألتي كالتالي:
هل شهادة البكالوريوس بالانتساب تقبل في امريكا لتكميل الماستر...
بيروح معاي زوجتي وبنتيني وحده عمرها 5 والثانية 2.5 هل المكافئه تكفي السكن والمواصلات او ان صح التعبير وش الولاية الي تكفي فيها المكافئه؟
زوجتي متخرجه بكالوريوس كيمياء بتقدير مقبول وودها تدرس لغة وبعدين تدرس ماستر هل يقبلونها و تقديرها مقبول مع العلم ان معدلها من 5 وما حولناه من 4 واتوقع يرتفع شوي لكن خلونا نقول مقبول هل فيه جامعات تقبل مقبول؟
بشكل عام خبرتي في ارامكوا تقريبا 8 سنوات كاتب هل الخبرة +شهادة الماجستير تجيب لي وظيفة سريعا والا يبغى لي اقدم وانتظر وهل تنصحوني استقيل واروح اتعلم انا وزوجتي والا امسك وظيفتي افضل؟
اسف على الاطالة
وشكرا مسبقا
( تمت المشاركة باستخدام تطبيق مبتعث )
الله يكون بعونك ويوفقك , قرار الابتعاث لحاله متعب , فمابالك بترك وظيفه والابتعاث
لكل رايه , شخصيا أرى التعليم استثمار بعيد المدى , ولكن أيضا يجب أن يكون الشخص واقعي في احتمالاته
اللي أعرف انه الششباب بشركات أرامكو , بعضهم يفصل ويدخل شركات ثانيه , ولكن الابتعاث فيه فلوس صح , ولكن مافيه خبره لوقعدت فيه كم سنه , ركز على هالنقطه
عموما , انت بالعشر واكثر من الاستخاره والدعاء , واجابه على بعض الأسئله مما أعرف والله أعلم
المكافئة للعائله أشوف انها طيبه خاصه بعد الزياده الاخيره , وقبل كل شئ الولايه وغلاها يلعب دور كبير
زوجتك تدرس لغه بالراحه باذن الله , والقبول الله أعلم
استخير اخي , موفق
رد: أنا موظف ارامكو وعلى وشك اني أستقيل شاركني قراري بخبرتك
شف لك مشاريع مربحه تنفعك بعد التاعد من عقار وغيرها
الابتعاث مو كل من رجع لقى وظيفه وخصوصا في رقبتك زوووجه وعيال
عليك بالاستخاره
Re: أنا موظف ارامكو وعلى وشك اني أستقيل شاركني قراري بخبرتك
نصيحتي اخي العزيز وظيفة ارامكو افضل لك من ان تكمل الماستر في تخصصك لانك لن تجد شركه تعطيك حقك مثل ارامكو للاسف والاغلب انك راح تتوهق بحكم خبرتي من سنين عمل قطاع خاص
نصيحتي لك هي ان تبدا الماستر بجامعه داخليه معترف بها وانت ع راس العمل لان الماستر لا يتطلب التفرغ والانتظام
مثل كلية الامير سلطان وجامعة الملك عبدالعزيز وغيرها فيها فرص ماستر قوي ومعترف فيه واشوف انك تركز ع المحافظه ع وظيفتك لانه قسما باللي خريجي ماستر يتمنو وظيفه براتب ثانويه عامه في ارامكو لانهم مايحصلوها
نجي بالاحتمال التاني لو انك مصر تبتعث و تغير جوك وحياتك وتشوف عالم جديد و رغبان في الشي دا اشوف انك تستخير و تتوكل و تنسى ارامكو من دماغك تماما وتجعله من الماضي وتبدا حياه جديده لانك راح تتوهق لو خطتك ترجعلهم و راح تنصدم بسوق العمل لو جلست تقارن بارامكو وتتامل العوده
( تمت المشاركة باستخدام تطبيق مبتعث )
رد: أنا موظف ارامكو وعلى وشك اني أستقيل شاركني قراري بخبرتك
اخي الرغبة هي التي تحدد مبتغاك. صحيح انك متخوف من المجازفة لكن لن تنجح الا اذا جازفت
راتبك في أرامكو في اعتقادي بالمرتبة الثامنه لن يتعداء 11 الف كونك متوظف بالثانوية. اما عن مكافأتك راح تكون 15 الف اذا كنت تعرف تديرها.
8 سنوات خبره + شهادة ماجستير = مدير ; )
رد: أنا موظف ارامكو وعلى وشك اني أستقيل شاركني قراري بخبرتك
الله يسعدكم كما اسعدتموني بردودكم القيمه شكرا لكم من اعماق قلبي ولا زلت أطمع في المزيد من الردود
( تمت المشاركة باستخدام تطبيق مبتعث )
رد: أنا موظف ارامكو وعلى وشك اني أستقيل شاركني قراري بخبرتك
بالنسبه للشباب الي يقولون أدرس الماجستير داخل السعودية وانا على رأس العمل
كانت هذه هي خطتي رقم 1 مع مافيها من أنانية لشريكة حياتي والتي لم تجد أي قبول في الجامعات السعودية مع ذلك قدمت على جامعة الملك فيصل واستبعدوني بحجة شهادة البكالوريوس انتساب وكذلك جامعة الامير محمد بن فهد بنفس السبب أما جامعات جده والرياض فهم يطلبون الدوام ثلاث ايام في الاسبوع وبحكم عملي في الظهران لا استطيع الذهاب للرياض ثلالث ايام في الاسبوع....
الابتعاث قرار فيه من ال risk الشي الكثير لكن عزائي في خبرتي ككاتب قد تشفع لي بوظيفه جيده حين العوده إن شاء الله إن لم تكن لي فلتكن لزوجتي فنحن نلعب على فرصتين الأول في التوظيف يتحمل المسؤلية لحين توفرها للثاني...
وش رايكم في تخصص زوجتي كيمياء من كلية التربية ما أفضل تخصص في الماجستير مطلوب في سوق العمل لتدرس فيه...
( تمت المشاركة باستخدام تطبيق مبتعث )
رد: أنا موظف ارامكو وعلى وشك اني أستقيل شاركني قراري بخبرتك
ويسعدك اخوي .. واشوف معزم على الدراسه ما شاء الله .. اجل توكل على الله و رتب امورك وليتني اقدر افيدك بخصوص تخصص الكيمياء و امتداده لسوق العمل ..
اي خدمه من تكساس و تحديدا دالاس او فورت وورث ، تحت امرك و امر الجميع
( تمت المشاركة باستخدام تطبيق مبتعث )
رد: أنا موظف ارامكو وعلى وشك اني أستقيل شاركني قراري بخبرتك
اطلع وكمل دراستك وفالك كل خير باذن الله
استقلت قبلك ورتبت اموري ويالله لك الحمد مرتاح نفسيا ومفتك من قروشة ارامكو والتفرقه اللي حاصلها فيها بين 3-10 و 11+ يحسسونك انك فقيرر
انا اتخاذ هالقرار كان اسهل بالنسبه لي لأني عازب
انت استخر وطقطقها في راسك والله يكتب اللي فيه الخير
الشغله فيها مخاطره لاكن اذا افلحت صدقني بتعيش عيشه محترمه
خبره 8 سنوات اداري وبكالوريوس موارد و MBA ولحقها بكم دوره وانت في امريكا وخذ لك فتره Internship ويا سلام سلم
المكافآت هناك باذن الله تكفي اذا اخترت الولايه والمعهد المناسبين
موفق يالزميل