طلعت من شقتي و طلبوا مني مبلغ غير الديبوزت العالي..
السلام عليكم
أنا شخص وقعت على عقدت و دفعت الديبوزت خلصت فترة العقد و طلعت من الشقة
اتفاجأ إن السكن طالبين مني مبلغ أكثر من ألف دولار ثانيه غير الديبزوت 900 دولار راح علي
المبلغ عالي جدا ما أعرف ايش اسوي مستحيل ادفع لهم هذا المبلغ.. يا ليت تفيدونا بحلول او تجاربكم
قرأت لكن ما لقيت موضوع مشابه و الله إني في هم
رد: طلعت من شقتي و طلبوا مني مبلغ غير الديبوزت العالي..
انا اول ماجيت سكنت وصار لي نفس الشي وسحبت عليهم وسكنت بسكن يبعد عنهم ٤٠٠ متر ولا احد له شي عندي
قلت لهم الديبوزت حلال عليكم وش تبون بعد.. اهم شي ماعندك سوشل سيكيورتي
توكل على الله
رد: طلعت من شقتي و طلبوا مني مبلغ غير الديبوزت العالي..
نصيحتي لك تسلمهم الشقة نظامياً
طبعاً اللي فهمته من كلامك ان عقدك انتهى وسلمتهم المفاتيح وطالبوك بمبلغ زيادة
في الحالة هذي شئ راجع لك تدفع لهم او لا ..
اذا مادفعت بيحولونها للكولكشن وبيغثونك اتصالات عشان تسدد فقط
رد: طلعت من شقتي و طلبوا مني مبلغ غير الديبوزت العالي..
السلام عليكم
اخوي مو منطقي يطلبون منك مبلغ اضافي الا اذا انت مسوي شي بالشقة
يعني خربت الفرش مثلا
او دريشة مكسورة يعني من هالامور
اما انهم يطلبون فوق الديبوزيت هذا شي غير منطقي يعني اذا الشقة تسلمها لهم زي ما استلمتها تاخذ الديبوزيت حقك كامل
فانت علمنا وش مسوي بالشقة ولا العقد تبع الشقة يمكن انت زايد بالمدة او شي
لان سالفتك ناقصة
ياليت تفاصيل
رد: طلعت من شقتي و طلبوا مني مبلغ غير الديبوزت العالي..
السالفة ماهي راكبة اخوي .. كيف انت ساكن وعطيتهم ديبوزت وسلمت لهم الشقة ويطالبونك بفلوس ؟ المفروض الديبوزت يرجع لك الا اذا انك كاسر العقد او شلحت الشقة .. لان لو مسوي شي بالشقة يصلحونها بالديبوزت حقك
بس اذا العقد خلص في وقته وطالبوك بفلوس يمكن يكونون زي السكن اللي انا فيه وهو انك لازم تبلغهم قبل نهاية عقدك بشهرين انك طالع ولا يغرمونك
رد: طلعت من شقتي و طلبوا مني مبلغ غير الديبوزت العالي..
اقتباس:
المشاركة الأصلية كتبت بواسطة R20
السالفة ماهي راكبة اخوي .. كيف انت ساكن وعطيتهم ديبوزت وسلمت لهم الشقة ويطالبونك بفلوس ؟ المفروض الديبوزت يرجع لك الا اذا انك كاسر العقد او شلحت الشقة .. لان لو مسوي شي بالشقة يصلحونها بالديبوزت حقك
بس اذا العقد خلص في وقته وطالبوك بفلوس يمكن يكونون زي السكن اللي انا فيه وهو انك لازم تبلغهم قبل نهاية عقدك بشهرين انك طالع ولا يغرمونك
بالضبط
اذا كنت مسوي اضرار بالشقه فلازم تدفع قيمت الضرر الي انت تسببت فيه لسببان
اولاً : حرام "اذا انت مخرب شي لازم تدفع قيمته"
ثانياً : لازم تترك بيئه صحيه سليمه للي يجون بعدك للسكن بحيث ما احد يرفع عليهم الدبوزت.
رد: طلعت من شقتي و طلبوا مني مبلغ غير الديبوزت العالي..
ممكن أعرف إيش المبلغ اللي طالبينه زيادة ؟ يعني ماقالوا لك حق إيش؟ لأن شيء مايدخل العقل بصراحه.
إذا أخذوا الديبوزت وعطيتهم المفتاح .. ماأظن إنهم يقدرون يطالبونك بأي مبالغ ثانيه.