استفسار مهم لاهنتم جاوبو علي
سلام عليكم
كيفكم ؟ ان شاء االله تمام يا اخواني انا ان شاء الله بروح لأمريكا ادرس عند اخي على حسابي
المهم انا عندي كمبيوتر مكتبي مكلفني تقريبا 10 الاف ريال ,,
وابي اخذة معي لأمريكا وش الطريقة الممتازة اللي اقدر اخذه فيها ؟
انا سمعت لو مثلآ سافرت ب الطيارة وجبت معي شناط زيادة يقولون عفش زائد ياخذون رسوم زيادة صح ولا يرجعون العفش ؟
مثلآ لو باخذ الكمبيوتر والشاشة معي اقدر ؟
رد: استفسار مهم لاهنتم جاوبو علي
حسب علمي من تجارب صارت مع غيري انه تقدر بس امكن يطلبون منك انك تشغل الكمبيوتر
ويفتشون فيه واذا فيه برامج مو اصليه ماراح تقدر تدخل فيه امم ترجع للسعوديه او تتلفه واوقات مايفتشو ولا يدرون عنك طبعا كلامي عن الابتوب ماعرفش عن المكتبي كيف الوضع
ان شاء الله يجي احد يفيدك اكتر مني
رد: استفسار مهم لاهنتم جاوبو علي
اقتراحي لك كالتالي
بما ان الكمبيوتر غالي فمشكلة الشحن عويصة شوي اخاف ذا الهمج الي هنا يرمونة رمي ثما يخرب عليك
انا اتكلم عن الكيس فقط
شاشة واكسسوارات حلها هنا بالسعودية واذا وصلت امريكا اشتر جديد وبتحصل شي رخيص (لان ماتسوى عليك شيل الشاشة والاكسسوارات الثانية)
فاعندك اختيارين
الاول تاخذه معاك وتتوكل على الله وان شالله مايجية شي اثناء الشحن بالطيارة
الخيار الثاني انك تشحنة عن طريق البريد الممتاز او فيديكس او اي شركة تختارها وتحط تأمين (طبعا لو لا قدر الله صار شي بيعوضونك في امريكا وزي الحلاوة, بس اعطهم قيمة الجهاز الصحيحة بدون اكسسواراته الخارجية عشان لو صار شي بيعطونك نفس المبلغ, طبعا بتزيد عليك قيمة الـتأمين)
بالنسبة للتفتيش لو افترضنا انك بتجسنة مع شناطك فاتوقع راح يسالونك وشو ذا وليش جايبة ومن هالاسئلة واحتمال يفكونة او يشغلونة فالبرامج احرص انها تكون اصلية عشان ماتتوهق. طبعا انا اقول احتمال يفكونة او يشغلونة واحتمال لا بالعربي هي مزاجية موظف الجمارك
انا بمطار نيويورك ماقالي شي وفي مطار واشنطن فكيت شنطة وخليته يتفرج وقفلتها
بس ان شالله تتسهل