الأعضاء الإشتراك و التسجيل

الملتقيات
ADs

ضايق صدري وكاره الغربة والابتعاث

ضايق صدري وكاره الغربة والابتعاث


NOTICE

تنبيه: هذا الموضوع قديم. تم طرحه قبل 3510 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية مبتعث خليجي
    مبتعث خليجي

    مبتعث مستجد Freshman Member

    مبتعث خليجي الولايات المتحدة الأمريكية

    مبتعث خليجي , ذكر. مبتعث مستجد Freshman Member. من الولايات المتحدة الأمريكية , مبتعث فى الولايات المتحدة الأمريكية , تخصصى ... , بجامعة ...
    • ...
    • ...
    • ذكر
    • Los Angeles, California
    • الولايات المتحدة الأمريكية
    • Mar 2013
    المزيدl

    August 18th, 2014, 05:44 PM

    السلام عليكم
    عمري ١٨ تقريبا ١٩
    كملت سنة لغة وجبت قبول بكالريوس
    خلال هالسنة رجعت في الكرسمس شهر ورجعت بالصيف شهرين ونص
    والحين انا في امريكا بعد اسبوع أبدا دراسة
    الشاهد اني متضايق وضايق صدري وكاره ام الابتعاث
    ودي اقعد بين اهلي و عايلتي و قرايبي وربعي
    ماعندي مشكلة ادرس في جامعة سيئة ولا اتغرب و كل ما اجي اسافر امريكا يضيق صدري واكتم دموعي قبل السفر بيوم
    انا عندي استعداد مالي اني ارجع في كل اجازة مدتها اكثر من ٣ أسابيع
    وأشوف اهلي وارجع مره ثانية لكن مدري احس ان مو كافي.
    احس ان أسوأ قرار اتخذته في حياتي اهو الابتعاث
    دايم يجيني شعور انا ليش ابتعثت؟ علما باني منت ماخذ الابتعاث قبل لا اجي سياحة اكثر من شهادة. كنت احسب الامور كلها سهله ومافي هوم سك و شوق للأهل وكلها ٥ سنين وارجع

    لكن تغير كل شي

    قبل سنة يوم كنت توني جاي امريكا اول اسبوعين ماغير صياح و ضيقة صدر لدرجة اني شلت عفشي ورحت المطار على اساس بسافر ومالقيت تذاكر و رجعت ورحت اليوم الي بعده بس الشباب رجعوني

    انا الحين لو برجع راح يجيني كلام من اهلي ليش وليش وبيرفضون رجوعي
    علما باني ما كلمتهم بان فيني ضيقة صدر ولا شي
    السنة الي فاتت الي درستها رجعت مرتين مره الكرسمس ومره الصيف
    الكرسمس يوم جيت اسافر امريكا قبل الرحلة بيوم جتني ضيقة وهم و دموع بس تحملت
    والحين يوم جيت امريكا بعد اجازة الصيف نفس الحالة
    السمسترين الي فاتو بس اول كم يوم ضيقة وبعدين الموضوع عادي في غربة واشتياق بس عادي يعني مشيت


    موقفي صعب شسوي
    صعب اني ارجع لان اهلي بيرفضون والناس بيقولون هذا ما يتحمل وبيرجع ومدري شنو
    وصعب اكمل لان احس اني مو طايق الابتعاث لدرجة افكر ان ودي اقعد في امريكا لين الصيف عشان ما ارجع في الكرسمس ويوم اجي اسافر امريكا مره ثانية ادمع و أتذكر الغربة والفراق

  2. لا تتراجع نهائياً أرجوك , الفرصة الي أنت فيها لا تتكرر .. أصبر وأصبر وأصبر
    وحاول تتعرف عن ناس كويسبن صحبة صالحة وادرس ورح سو رياضة واستمتع بوقتك واجتهد بالدراسة وتعرف على ثقافات ومارس هوايتك ...
    شوية الا وأنت متأقلم مع الوضع ونصيحة حاول تقلل رجعاتك عند أهلك لانها ترجعك لنقطة الصفر ..

    سو الي قلت لك عليه وراح تنبسط وتمر الأيام بلمح البصر وتجيب الشهادة وترفع راسك أهلك وأحبابك
    وحتقول يا ليتها ترجع أيام الابتعاث ...

    أخوك عايش نفس الوضع بس بأختلاف الظروف

    روح الله يوفقك
    7 "
  3. وعليكم السلام ورحمة الله وبركاتة

    مساك الله بالخير اخوي الغالي

    اول شئ تعوذ من إبليس ،، اخوي شيل الافكار هذي من راسك بتاتا انت الحين في نعمة ما تحس فيها بس غيرك يدورها وموب لاقيها ..
    لو تحسبها كلها كم سنة وانت راح تكون بأذن الله بين اهلك واخوانك بشهادة ترفع راسك وراسهم .
    عندي واحد من خوياي راجع لة كم يوم مبتعث من قابلتة بالمطار قالي ودي ادوير الحين والاجازتة كلها اسبوع يقول من يوم دخلت مطارنا وانا اقول وش رجعني
    ههههههههه .. يقول بعد سلمت ع الاهل خلاص ما ودي اقعد يوم .. ماخذ الدعوه دراسة ودفرة وتغير جو ومثل ما قالك فوق اخوي ضابطكيشن
    يمكن اكبر غلط سويتة انك رجعت قبل لا تخلص اللغة .. وترا كثير كانو مثلك بس اخرتها تعودوا وبالعكس خلاص ما ودهم يرجعون هههههه الله يصلحهم

    حاول ترتيب يومك من بعد الجامعة حاول تشترك في نادي شف الرفقة الطيبة يعني ناس ما يحسسونك بالغربة وحاول تستفيد منها وترجع بثقافة عالية
    وانا شايف مدينة لويس انجلوس يعني مشاء الله عز الطلب ..

    الله يوفقك وييسر امرك يا رب
    7 "
  4. صدقني انها فرصة العمر ونعمة كبيررررة من الله لا تضيعها واشكر الله واحمده عليها واستمر في الابتعاث و خلك اجتماعي سوي لك قروبات مع الشباب وركز ع دراستك عشان تجيب علامات حلوة وفي الاجازات اطلع مع الشباب فلوريدا وكالفورنيا وشوف ارض الله الواسعه ترا الله يحبنا ويبغى لينا السعادة والوناسة بس احنا الله يهدينا..... نصيحتي لا تفرط في امريكا حبيبة قلوب الملاييييين ههه
    7 "
  5. صحيح الغربه تاثر في حياتنا انا درس في اي احد جامعات في السعوديه مده اربع ايام اسافر مع والدي الحزن يسكن قلبي اني بعيده عن اهلي لكن اتمنى تضع في بالك مثل ما انا افعل ان لابد ان انجح واكون مجتهد علشان ارفع راس اهلي ويفتخرون فيني كل شيء في حياه نعمه لو ضاق صدرك شوف السماء والاماكن وطبيعه وقرا القران وعادي تواصل مع اهلك لان يخافون عليك لو تاخرت في الاتصال قلب الوالدين ينشغل بالهم عليك احاول تمارس الرياضيه وهوايتك واسمع الى اناشيد تعطيك الحماس والنجاح فكر في مستقبلك لا تضيع نفسك يا اخوي وتندم لو فكرت ترجع فعلا كلام الناس ماراح يرحم فكر في اهلك يا اخوي ارجوك لاتضيع نفسك قول ارجع لهم وانا ناجح يفتخرون فيني ربي يوفقك ويسر امرك
    7 "
  6. عليك بكثرة الاستغفار وقراءة القرآن و المحافظة على الصلوات الخمس جماعة و الدعاء و قيام الليل و اذكار الصباح والمساء فانها تخفف من روعك قليلا و تثبتك , ايضا حاول تكون على تواصل مع الاهل عبر الهاتف او السكاي بي و الواتس اب الان كل الناس تعرف له (شباب و شياب) سوي قروب لأهلك أو ربعك كلهم و خليك متواصل معاهم و اذا جات الاجازة انزل لهم وش المشكلة محد بيجبرك ان تدرس السنين كلها ولا تشوفهم .

    نقطة اخيرة _ بعد ما تبدأ الدراسة الجامعية راح تتأقلم مع الوضع والحياة الجامعية ممتعة حاول تندمج مع الشعب بعقل طبعا ولا تنسى الهدف اللي جاي من اجله !!


    و سلامتك ,,
    7 "
  7. ^^^

    دامك مشيت حالك سنة اللغة بزينها وشينها!
    أصبر ومش حالك سنة البكالوريوس الأولى وعقبها قرر الإستمرار من عدمه!!
    أعتقد إنه بعد السنة الأكاديمية الأولى ستمشي معك الأمور بسلاسة لا تتوقعها!!!
    وفي حالة لا سمح الله أستمرت معك الحالة المذكورة فهناك حلول بوقتها مثل تغيير بلد الإبتعاث وغيرها كثير!!!!

    وفقك الله الى ما فيه الخير لمستقبلك العلمي والعملي ،، تحياتي وأفضل تمنياتي.
    7 "
  8. الله يوفقك بس اسمعني زين
    دائمآ الأنساان تمر عليه افكار لايمكن ان يراقبها فتتسلل وتصنع حزن وخوف داخلي غير واضح للشخص نفسه, الحالة اللي انت تمر فيها, كل شخص مر فيها او راح يمر فيها سواء كان مغترب او داخل ديرته. الأفكار هذي هي من يصنعك ويصنع مستقبلك ( انصحك تستمع لشريط * الأفكار الأوتوماتيكية* عبدالله الملحم) اغلب الأفكار هذي من الشيطان فهو يحاول ان يدمرك ويفقدك ثقتك بنفسك لاكن لاتتركها تسيطر عليك. ثانيآ: انت في نعمة الكل يحسدك عليها ويتمنا ان يكون مكانك فهي مثل ماقالو الأخوان فرصة لن تتكرر مدى عمرك,
    الحل
    1- ابتعد عن الفراغ بقدر المستطاع ولاتخلي عندك وقت فراغ نهائيآ
    2- مارس الرياضه فهي مهمه لصحتك والعقل السليم في الجسم السليم
    3- ابتعد عن المعاصي واصدقاء السوء فهم السبب في الكئابة وغضب الله.
    4- كل يوم يبداء احمد ربك فيه وخليك متفائل ولاتنسى اذكار الصباح والمساء فهي الدرع الحامي اللذي يحميك بعد الله.
    نصيحة
    ابتعد عن التفكير بالغربه بعقلنا بمجرد ان نشرع بالتفكير لأي شي يدعمه( اي انك تفكر بأي شي راح يدعمه عقلك) يعني مثلا تفكر بالحزن حيكون تركيزك كله على الحزن ولن ترى جمال الحياة
    استغل الوضع اللي انت فيه أ- سياحة ب- دراسة ج- استجمام
    لاتفكر بالحزن, وتوكل على الله فمن توكل على الله فهو حسبة وصدقني ربي راح يساعدك ويعينك دامك متوكل عليه
    انصحك بالصلاة والدعاء


    عسى الله يوفقك
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.