استفسار عن أفضل ولاية ومدينة لدراسة اللغة

ما فيه شيء اسمه افضل معهد او مدينه لن هذا كله يعتمد عليك انت مثلا انت تحب الضجيج والروحات والجيات فكليفورنيا هو المعنية اما اذا تبي هدوء وراحه وخضار عندك اوريقن (لاكن مغلقه للغه الحين) طبعا على سبيل المثال اما اذا جيت للمعهد التجاري لا تقربه ابدا بس يبرون الفلوس فنصيحتي لك اعرف وش مزاجك تحب البرد او الحر او تبي مطر اغلب الايام ولا تبي مدينه دراسيه يعني تبي تسير دافور فكل هذا يعتمد عليك انت فمن الصعب تصنيف المدن وهذا الي عندي...

انا مثل وضعك ونصحني بعض الزملاء والاقارب المبتعثين /
اني ابعد عن لوس انجلوس لان المدينه زحمه جدا ونسبه التلوث فيها عاليه جدا
قالوا لي اذا تبي جو بارد ومدن حلوه عندك كاليفورنيا مدينه سان فرانسيسكو ومدينه سانتا باربرا
اما اذا الجو الحار عادي عندك وتبي مدينه حلوه روح سان ديقو
اذا تبي مدينه بارده ومتطوره وامطار على طوول روح سياتل هذا بالنسبه للغرب الامريكي
ونصحوني بكلورادو رخيصه نوعا ما بس بارده مثل دنفر
نصحوني ابعد عن ميتشقن بسبب البرد
وابعد عن نيوورك وواشنطن زحمة وغاليه

بما انك تبي تروح للسياحه مع القليل من التعلم وتبغا تجي وتروح وتفلها والجو يكون حلو انا ارشحلك سياتل جوها حلو لاكن ممطر كثيرا ومزعج بعض الشيء والتنقل الباصات كثر شعر الراس يعني ما راح تتعب من ناحيه المواصلات التعليم جيد في سياتل وطبعا سعرها متوسط يعني نص غاليه وعندك اشياء كثيره جدا امريكا قاره كامله تدقر تروح للي تبي بس كليفورنيا جدا بطله بالسياحه ولا تنسى فلوريدا وعندك رأس الأقتصاد نيويورك لاكن انا ما ابي اقولك رح للمكان الفلاني علشان ما تعجبك بعدين او الخ فادخل على ويكيبيديا واكتب اسم المدينه واقرا عنها واذا اعجيتك دور على المعاهد الجيده وقدم عليهم لان بالاخير انت الي تبي تروح انت الي تبي تدرس وانت الي تبي تفلها وانت ادرى بنفسك عن خيرك لان اعرف ناس رايحين لمدن ريفيه يبون الهدوء وفيه ناس ساكنه في شارع كله ازعاج فهذا يعتمد عليك بالاخير وبما انك تبي تروح لثلاث اشهر ابذل جهدك علشان تستفيد من الثلاث الاشهر وهذا الي عندي وترا ممكن كلامي يكون خطأ ويمكن ما يعجب لاكن هذا وجهة نظر فأتمنى لك التوفيق في كل مكان

انصحك في اوريغن دامك على حسابك
مدينة يوجين معهد LCC قوي جدا وشديد ويخليك ممتاز في اللغة حتى لو ٣ اشهر

اوريغن عموما ولاية ممتازة جداً
السياحة في يوجين معدومة لان مدينة سكنية
عندك اقرب شي بورتلاند ساعتين بالسيارة مدينة حلوه
عندك سياتل ساعتين بالطيارة ومدينة حلوه
سان فرانسسكو ٧ ساعات بالسيارة ومدينة جمييييلة جدا

سياتل حلوه ولوس انجلوس كذلك.. طبعا سياتل صغيره مقارنه بلوس انجلوس... لوس انجلوس مناطقها واجد .. انت تبي تدرس بي منطقه فيها؟؟ بشكل عام عيب لوس انجلوس الايجار وكذلك الزحمه المروريه بس مدينه سياحيه .. عندك ولاية كلورادو تو افتحوها ولايه حلوه ورخيصه وكذلك ولاية فلوريدا... اوريغون حاليا مقفله من الملحقيه... سياتل عن لوس انجلوس يمكن ساعتين ونصف بالطياره.. عندك سان ديغو حلوه بعد.. وعندك سانتا باربرا جدا جميله...