ماهي الاجراءات المتطلب عملها عبر سفير
السلام عليكم,
أنا مبتعثة جديدة وان شاء الله ببدا الجامعة بعد اسبوع. انتهيت من فتح الملف والحين اقدر ادخل سفير. حاولت ادور موضوع يشرح ايش المتطلب من الطلاب تقديمه للوزاره عبر سفير لكن مالقيت..
يعني مثلا, هل مفروض اني اقدم لهم المواد الي سجلت لها كل اول ترم؟
هل مفروض اقدم درجاتي بعد كل ترم؟
هل مفروض اعلمهم كل ماسافرت؟
وبالنسبة للاشياء الثانية, احس كثير مب واضح.. يعني مثلا اول مافتحولي ملف ارسلولي مجموعة ضمانات مالية موجهة للجامعة, هل مفروض اني اروح للجامعة واقدم لهم هالاوراق او خلاص؟
والادفايسر ايش وضعها؟ حتى ايميلات ماترد؟ ايش مطلوب منها وايش مطلوب مني اقدملها؟
غير كذا الحين صارلي اسبوعين فاتحة ملفي ولا جاني اي شي بخصوص التأمين الصحي, مفروض انا اسالهم او انا اطلبه من نفسي؟؟
احس اني ضايعة باشياء كثير يعني مفروض يعطونا تشك لست بجميع الاشيا الي مفروض نسويها, مدري اذا موجود شي كذا وانا ماقدرت القاه؟؟
شكرا عالمساعدة مقدما..
بالتوفيق جميعا
رد: ماهي الاجراءات المتطلب عملها عبر سفير
تعبي نفسك شوي ولبحثي بالمنتدى
أكثر ماكثر الله خيارات البحث
رد: ماهي الاجراءات المتطلب عملها عبر سفير
اقتباس:
المشاركة الأصلية كتبت بواسطة Student111
حاولت ادور موضوع يشرح ايش المتطلب من الطلاب تقديمه للوزاره عبر سفير لكن مالقيت..
دورت ومالقيت,
عالعموم شكرا عالرد..
رد: ماهي الاجراءات المتطلب عملها عبر سفير
لو انك دورت بنفس القسم الي كتبت فيه موضوعك
كان لقيت موضوع مثبت وهو هذا
http://www.mbt3th.us/vb/forum8/thread385677.html
رد: ماهي الاجراءات المتطلب عملها عبر سفير
انت قريت اسألتي؟ انا انتهيت من فتح الملف وخلاص! هذا الموضوع يشرح الي قبل
ادور عن موضوع يشرح مابعد فتح الملف والاجراءات اثناء الدراسة..
رد: ماهي الاجراءات المتطلب عملها عبر سفير
ترفعين طلب تسجيل مواد فصليه بداية كل ترم وطلب تقرير دراسي نهاية كل ترم.. الضمان تعطينه الجامعه.. التامين المفروض يجيك ايميل من اتنا بانه تم اضافتك بالتامين .. دقي ع اتنا واسليهم عن تامينك...ك مبتعث جديد عندك طلب صرف فروقات اذا كنت تستحقها وتطلب تعويض فيزه وسيفس واضافة مرافق هذي تقريبا اهم الاشياء