مساعدة كيف اختم ظروف السجل الاكاديمي من الملحقيه؟

عليك السلام ورحمه الله
ممكن ترسلها لي وسأساعدك بهالشي بدون مقابل بحكم سكني القريب،
لكن قبل ليش تبي تختيم ؟
اذا عشان معادله فما راح يقبلونها خاصه اذا من شركه ويس لان حاولت من قبل فرفضوا بحجه انها غير أصلية لان يحتاجوا ظرف يكون باسم الجامعه،

لكن اذا تبين كتقديم للجامعات للبحث عن قبول وما عندك طبق الأصل فهالشي ينفع لك،

نعم الجامعه اللي تحتاج معادله تطلب المعادلة من الشركة وليست منك، فالسجلات ما يحتاجونها والأوراق يحتاجون صوره لآخر شهاده ما يحتاج الأصل، لان بعض شركات المعادلة عن طريق حسابك تقدر ترسل نسخه للجامعه عند طلبهم،

ان شاء الله أكون رديت علي استفسارك
بالتوفيق

اختي انا اول مره اسمع ان الملحقيه تختم أوراق .. تأكدي من هالشي قبل لا تسوينه عشان ما تضيع عليك نسخ اصليه انتي بحاجتها .. الي اعرفه ان الجامعه تسويها الي تخرجتي منها .. يعني كلمي احد من اهلك يروح يختم ظروف فاضيه من الجامعه وما يسكرها و يرسلها لك .. وانتي تحطين اوراقك فيها الرسميه و تسكرينها و بتكون مختومه .. و بكذا تنحل مشكلتك

عزيزي ، الملحقيه تختم لك اي شهاده حصلت عليها من السعوديه وتحتاج لها طبق الأصل بشرط الأصل يكون موجود للمطابقة،

عندي ظرف موجود عليه شعار الجامعه بس المشكله مافيه ختم وابيه لقبول الجامعه بإذن الله
الله يجزاك خير ما تقصر
طيب ارسل لك الاصل ولا نسخ طبق الاصل ؟

مايحتاج ختم للظرف. اهم شي يكون مغلق..

ردي باختصار:

1) كل جامعة لها طريقة معينة في طلباتها، فكل عضو راح يجاوبك بناء على تجربته. بحكم أني مقدم على عدة جامعات أيام الماجستير وأيام الدكتوراه، وقدمت لكثير من الأصدقاء والزملاء أقدر أقول لك: إنه لا يوجد طريقة ثابتة للجامعات، ولذلك الأولى أن تتواصلي مع كل جامعة تبين التقديم عليها أو تنظري في متطلبات السجل الأكاديمي. هناك جامعات لا تطلب منك أًصلا سجل أكاديمي إلا بعد القبول (مثال: تكساس وجامعة واشنطن سياتل)، هناك جامعات تطلب منك ظرف مختوم (مثال: جامعة ماريلاند)، هناك جامعات تطلب منك أصل السجل الأكاديمي (ماديسون) هناك جامعات تقبل النسخة المصدقة (مثال: أوريقون)، هناك جامعات تقبل الظرف المختوم الصادر من الجامعة حتى لو أرسله الطالب بنفسه من داخل أمريكا (مثال كنكورديا)، هناك جامعات لا تقبل إلا ظرف مختوم مرسل من السعودية، مثال: (جنوب كلفورنيا)...

2) شركة WES، الأغلب أنها لا تقبله إذا كان مرسل من داخل أمريكا، وهناك موظف أو اثنين إذا صادفت عندهم أوراقك، تمشي العملية. أنا سبق ورفضت الشركة أوراقي التي أرسلتها من أمريكا، وأوراق أحد أقاربي التي ختمت عليها الملحقية، ولكن شخص نعرفه أرسلها من داخل أمريكا ومشت الأمور وتمت المعادلة.

3) الملحقية تسوي لك أكثر من نسخة وضعها في ظرف وتختمها لك (تبقى صور وليست أصول لكن معظم الجامعات تقبلها)، ولكن بعض المشرفين يرفض أن يختم لك إلا شهادة الثانوية فقط، أما شهادة البكلوريوس يقول لك تتراسل مع جامعتك في السعودية. طريقة ختمها من الملحقية: أ) ترسل طلب استفسار من البوابة للمشرف هل يستطيع أن يسوي لك نسخ ويضعها في ظرف ويختمها، وتضع معها خطاب يوضح الطلب وعنوانك الذي ترسل عليها الأوراق بعد الختم ب) بعد موافقته، ترسل له الظرف بالبريد المسجل أو فيديكس (تضع عنوان الملحقية واسم المشرف)، ج) بعدما يختمها لك راح يرسلها لك مع النسخ بفيديكس لبريدك، د) ترسلها للجامعات والله يسهل.

الله يجزاك خير ما قصرت

السلام عليكم ورحمه. كلام كافي و وافي الله يجعله في ميزان حسناتك،

بخصوص رقم ٣ الملحقيه تختم لك اي شهادة بشرط وجود الأصل معاها، لكن زي ما تفضلت ويس مما تقبلها، حاولت كثير معاهم يرفضوا لكن اي ظرف قديم او جديد فيه اسم الجامعه تمشي ،

اهلين
اذا ظرف الجامعه مو مقفل ممكن احاول لك هنا يختمون عليه ونقفله

اذا بسويها لك لازم الأصل عشان هم يطابقوا قبل يختمون عليها،

اذا تبينها لويس ما راح يقبلونها لكن ممكن نحاول بظرف الجامعه

زي ما تفضل أخونا العزيز جربي من البوابة لو ما نفع معاك ارسلي لي خاص أرسلك العنوان،

بالتوفيق