مشكلة مع els و عملية النقل بعد دخول امريكا مباشرة

السلام عليكم
عندي مشكلة و اريد لها حل
انا ادرس في معهد els و درست لمدة خمسة شهور و بعدها رجعت السعودية و الان دخلت امريكا ب i-20 الخاص ب els و عندي قبول من معهد ثاني اكاديمي و لما جيت بسوي ترانسفير المشرفة في els رفضت و قالت لازم ادرس شهر عندهم
الان انا ما ابغى ادرس عندهم الشهر الجاي و ابغى انقل كيف الحل يا جماعة ؟

و حتى لو درست عندهم الشهر الجاي بخسر المعهد الاكاديمي لان نظامه كوارتر يعني ما بلحق على الدراسة فيها الا بعد ثلاثة شهور يعني بخيس في els لمدة ثلاثة شهور

هل في حل بحيث ما ادرس في els و لا شهر و انقل للمعهد الاكاديمي؟

up
up
up
نفس الاستفسار

من حقك تنقل والنظام ما ينص على أنك إجباري تدرس شهر بس يبون يشفطون فلوس !

قولهم يسوون لك ترانزفير اذا رفضت قولها بكلم مشرفي في الملحقيه يتفاهم معكم أو بكلم المحامي حقي ! وبعدها راح تحولك غصب عنها !

els ما ينفع معهم الا العين الحمراء !

موفق

صحيح نفس ما قال اخوي اسلوب
رح وزبدلهم الدعوة مب على كيفهم

اقتباس:

---

المشاركة الأصلية كتبت بواسطة أسلوب

من حقك تنقل والنظام ما ينص على أنك إجباري تدرس شهر بس يبون يشفطون فلوس !

قولهم يسوون لك ترانزفير اذا رفضت قولها بكلم مشرفي في الملحقيه يتفاهم معكم أو بكلم المحامي حقي ! وبعدها راح تحولك غصب عنها !

els ما ينفع معهم الا العين الحمراء !

موفق

---

مافي شي غصب بارك الله فيك بالعقل والحكمة والكلمة الطيبة ممكن تنحل جميع أمورنا بالحياة

الإجراء السليم , الذهاب للمسؤولة وشرح لها الموضوع بأسلوب طيب وإذا رفضت ، يجب علئ الطالب شرح موضوعه لمشرفه في الملحقيه لمساعدته وتوجيهه!

أعيد وأكرر ما فيه شي يجئ بالغصب والله تقدر تلغي I-20 ولا ينفعك أحد!




سبحان الله وبحمده سبحان الله العظيم

اقتباس:

---

المشاركة الأصلية كتبت بواسطة Bandar_VIP

مافي شي غصب بارك الله فيك بالعقل والحكمة والكلمة الطيبة ممكن تنحل جميع أمورنا بالحياة

الإجراء السليم , الذهاب للمسؤولة وشرح لها الموضوع بأسلوب طيب وإذا رفضت ، يجب علئ الطالب شرح موضوعه لمشرفه في الملحقيه لمساعدته وتوجيهه!

أعيد وأكرر ما فيه شي يجئ بالغصب والله تقدر تلغي I-20 ولا ينفعك أحد!




سبحان الله وبحمده سبحان الله العظيم

---

الا فيه بالغصب مو بالطيب! الغلب بس يقولون له كلمه او يرفعون صوتهم عليه يخاف يقول بيطردوني من امريكا ويهرب ! كل شي هنا بنظام وعارفين أغلب الطلاب السعوديين مو فاهمين النظام !

أنا شخصيا أعرف شخص صارت معه مشكله مع المعهد وألغوا له الفيزه ركز الفيزه مو الاي توني والحق مع الرجال ! طبعا وكل محامي ورفع عليهم قضيه وكسبها ! تم ارجاع الفيزه حقته والمعهد عوضه بـ 3000 دولار مع تحويله لاي معهد يبغى !


أعرف النظام واذا كنت مو مخالف النظام تمشي أمورك ( بالغصب ) ..

شكرا على ردودكم و متابعتكم للموضوع

الحمد لله تم التوصل الى حل و نقلت

و مثل ما قالوا الشباب طلع صحيح مافي نظام يمنعني من النقل بس المعهد كان يبغى يجلسني وياهم ( و اكيد علشان الفلوس ) و مثل ما ذكر ( اسلوب ) اغلبنا ما يعرف النظام و يتم تخويفه بانظمة الايميجراشن و من هذا الكلام ف يسكت و يقفل الموضوع

و ايضا مثل ما قال ( اسلوب ) في ادارات في المعاهد ترفع صوتها على الطالب في مثل هالحالات مع تهديده بالانظمة ( لانها عارفه ان الطالب غير ملم بالانظمة ) و هو بالفعل الي صار معي رفعوا صوتهم و انت و انت و انت حسسوني اني مرتكب جريمة سطو مسلح و قتل و سالفة طويلة عريضة

طلعت من عندهم و تواصلت مع المشرف في المعهد الجديد و بينت له الموضوع و الحمد لله تم حله و رجعت الى ELS و وقعوا على النقل بهدوء تاااااااااااااااااااااام مع كم عبارة منهم لترقيع الموقف

و الحمد لله رب العالمين