مساعدة استفسار عن السكن وفاتورة الماء والغاز

اخوي اذا بغيت تطلع جرب كلم الاوفس وفهمهم وضعك يمكن يتساعدو معاك او اعرض شقتك في كريج لست
واسال واحد من جيرانك كم تجيه الفاتوره شهريا وشوف وضعك عادي ولا
اما سالفة انك تشرد ما انصح بس خلها اخر خيار عندك
بالتوفييييق

وعليكم السلام ورحمة الله وبركاته ,

انا ماعرف هل المبالغ اللي ذكرتها شاملة للـ ( الماء + الغاز + الكهرب + التراش ) ؟
اذا نعم .. فالتفاصيل في هذه الامور مهمه ..


فاتورة الماء غالباً ماتتعدى الـ 40$ كحد اقصى لو كنت لحالك !
واما الغاز والكهرب فغالباً هي اللي تصرف حتى لو ماستخدمتها .. راح تكون فاتورتها مالايقل عن 40$ (هذا لو ماستخدمتها بالمره) ..
ومع الاستخدام يزيد !

الفواتير الاخرى مثل التراش والمجاري .. فهذي رسوم ثابته على ما اعرف ..
سواء استخدمتها ام لم تستخدمها .. لها رسم ثابت تدفعه شهرياً ..

طبعاً المبالغ التقريبية اللي اعطيتك .. هذي بدون ضرائب .. يعني لو تضيف عليها الضرائب راح تزيد اكثر !

الشهر الاول غالباً يكون اقل تكلفة من بقية الاشهر والسبب ان فيه بعض الخدمات ماتجيك فاتورتها لحتى تكمل شهر كامل !
لذلك تشوف ان من الشهر الثاني صارت الفاتورة مرتفعة ..

وعلى حسب المعطيات اللي في موضوعك فانا اشوف المبلغ معقول خصوصاً لما قلت انهم شيكوا وكل شي سليم ..
فالمسألة اما ان تكون على استخدامك .. واما ان تكون كلها رسوم ثابته لتوفيرها في شقتك والمبلغ الاضافي هو مبلغ الاستخدام (يعني ممكن الـ 100 هذي هي قيمة الخدمة .. ومازاد عنها فهو استخدامك + الضرائب ) ..


لذلك انا انصحك تراجع فواتيرك وتشوف المبالغ المطلوبه منك كل مبلغ لايش .. حتى تعرف كل مبلغ وين رايح !؟

الشغله الاخرى .. شركات الكهرباء والغاز .. يوفرون خدمة الـ Bill Leveling .. فايدة هالخدمة انهم يعملون لك خطة سنوية تثبت الرسوم الشهرية لك .. بحيث تدفع لهم كل شهر رسوم ثابته !
فحاول انك تبحث عليها في الشركات اللي تقدم لك الغاز والكهرباء .. هذي الخدمة تفيدك جداً !

راجع امورك ولا تفكر بكسر العقد ولا تطلع .. المسألة فقط تحتاج الى تدقيق بالفواتير .. واي شي تشوفه غريب بالفواتير اسألهم وبيفيدونك ..
حقك ماراح يضيع باذن الله .. ولاراح تدفع شي مو لك !