سؤالي تقليدي ولاكن ابغى الجواب الشافي وفقكم الله

السلام عليكم ورحمة الله وبركاتة


من الاخر ياشباب الله لايهينكم

سؤالي مثل ماذكرت تقليدي ولاكن بالنسبة لي ماقدرت احصل المدينة اللي ابغاها من خلال مواضيع الاخوان
لذلك انا راح اطرح لكم اللي اتمنى يكون موجود فالمدينة اللي بدرس فيها وانتم بخبرتكم تحددون لي المدينة

اولا انا رايح ادرس على حسابي الخاص لمدة 4-6 شهور اتعلم لغة فقط واديور للرياض ماودي بالجامعة
لذلك ياجماعة الربع اللي افضله مدينة تكون :

اولا :
1-فيها مطاعم وبقالات عربية
2-نسبة السعوديين قليلة ولا اقول ماظني والله !! بلقاهم تحت الحصى لذلك المهم
3-الطقس الاجواء ماتفرق لاكن المهم انها تفتح النفس وبما ذلك الطبيعة لان تخبرون جاي من الرياض
4-فيها اماكن تسلية وترفيه وطلعات وتمشيات
5- الشعب يكون ودود موب نفسيات ومعدل السود والهوملس والجرائم يكون قليل
6- يكون فيها معهد اضمن انه يكون ممتاز من ناحية المدرسين والاهتمام بالطالب لين يفهم

وبس < وش بقى

واشكركم جميعا والله يوفقنا وياكم
تحياتي ..

متشقن اكثررر ولايه بتناسبك على حسب كلامك واعتقااادي .
فيهاا مطاعم عربيه واماكن تتفسح وطلعات وونسه وكذاا .
بالنسبه للسود ماتخلى ولايه منهم بلادهم اصلا .
وبالنسبه للعرب بصوره عامه هذه الولايه فيهاا كثيرر.
وحلووو ﻱيكون فيه ناس من بني جنسك لجل تحس مذاق للحيااه ،،فبدونهم تكون الحياه بلا طعم >من جد والله.
بس ﺫذاا هو اخي .
بالنسبه للغه اذا اجتهدت بتتعلمها وين ماكنت .

اتفق فيما ذكرته الأخت أعلاه وأضيف عليها الولايات الشمالية ممتازة جداً ولكن عيبها البرد!

سبحان الله وبحمده سبحان الله العظيم

اشكركم جزيل الشكر على الردود

ولاكن ياليت تحددون لي افضل مدينة في الولاية اللي ذكرتوها لي

ومضة :
القصد من رغبتي في قله السعوديين
لسبب اني ابغى اتعلم فقط ولا اذا لقيت الشباب هناك بدج !!

تحياتي

اول شئ السعوديين في كل مكان ماشاء الله
ما اعتقد تلقى معهد الا وفيه نسبة كبيرة من السعوديين

شئ آخر بالنسبة لمواصفات المدينة
امريكا فيها مدن كثيرة ممتاز للعيشة
اللي انصحك فيه اول شئ تشوف تخصصك وين مفتوح
شوف موقع الوزارة والجامعات المعترف فيها في تخصصك
وبعدها شوف المدن اللي تتناسب مع المواصفات اللي تبيها
واحصرها بين ٣ الى ٤ وبعدين اسأل هنا عن السلبيات والأيجابيات
وقتها راح تلقى اجابات دقيقة لأسئلتك عن المدن ان شاء الله

اما حالياً انت تسأل اسئلة عامة وكل واحد بيشوف انها تتناسب مع مدينته
وفي الأخير راح تضيع وماتلقى اجابة شافيه .. او ممكن تتخذ قرار بناء على رأي فردي
وفي الأخير بعد ماتوصل هنا تنصدم باشياء ماكنت متوقعها ..

كنت احبك : اشكرك عالمرور

ولاكن انا ماراح ادرس جامعة ولا ابغى تخصص
الغرض من ماذكرت هو تعلم اللغة فقط لمدة 6 اشهر على حسابي الخاص
لذلك اعتقد كل المدن للغة بالنسبة لي تفي بالغرض

لذلك ابغى ولاية ومدينة بعينها حسب خبرتكم
الشي الثاني عقب الحوسة طلعت بمدينتين اوهايو ( كولمبوس ) او اوريقون ( بورتلاند )

وش الراي

اخوي بما انك تركيزك على اللغة فقط
انا انصحك تروح مدينة كبيرة ومعهد تجاري لأنه رخيص وبتلقى فيه جنسيات مختلفة
المدن الكبيرة فيها ناس كثير واماكن كثير تروح لها عشان تمارس اللغة فيها
٦ شهور تعتبر مدة قصيرة لتعلم اللغة .. لذلك لازم تمارس اللغة بأكبر قدر ممكن
وهالشئ ماراح تلقاه الا بالاحتكاك مع الناس والأجانب في المعهد اللي بتلقاهم في المعاهد التجارية اكثر
اغلب الطلاب السعوديين اللي هنا يبغون لغة وجامعة وتلقاهم في معاهدا لجامعات اكثر شئ لأن اغلب المعاهد التجارية غير معتمدة


اوريغون حلوة بس مو كبيرة لكن تفي بالغرض
وانا انصحك بغرب امريكا بشكل عام
سان دييغو بعد حلوة وفيها اماكن كثير تقدر تزورها وتمارس اللغة فيها
ابحث عنها واقراء يمكن تناسبك ..

^

معلومة قيمة بالنسبة للمدن الكبيرة اشكرك عليها

اما بالنسبة لسان دييغو يقال المكسيكيين فيها واجد وكذلك اللغة الاسبانية مالها داعي ارجع بطلاسم

عموما بيني وبينك لو بقعد افاضل بين المدن ماخلصت
لذلك شكلي بستخير واوجه لاي مدينة والله ييسرها

مرة اخرى لاهنت على المرور والافادة

بما انك جاي فترة مؤقتة انصحك تروح للمدن الكبيرة عشان تعيش التجربة

نيويورك

بوسطن

شيكاغو

سياتل

ميامي

سان دييغو

سان فرانسسكو

لوس انجلس

بورتلاند

وسلامتك

مساء الخير اخوي ابو عبدالله انا لقيت واحد كاتب بالمنتدى انك جبت له قبول مشروط من جامعة شرق كنتاكي
انا معاي بكالريوس هندسة برمجيات ومعدلي 2.45 من 4 وابي اكمل دراستي على حسابي الخاص وانت تعرف ان النظام الحديث للوزاره ماراح تلحقك الا لما تجيب قبول مشروط من الجامعه وانا ابيك تجيب لي قبول ماجستير علوم حاسب وانا اكووون شاكرر لك والله انه لي 4 شهور وانا ابحث ولا حصلت وشكراا لك

اقتباس:

---

المشاركة الأصلية كتبت بواسطة كنت أحبك

اخوي بما انك تركيزك على اللغة فقط
انا انصحك تروح مدينة كبيرة ومعهد تجاري لأنه رخيص وبتلقى فيه جنسيات مختلفة
المدن الكبيرة فيها ناس كثير واماكن كثير تروح لها عشان تمارس اللغة فيها
٦ شهور تعتبر مدة قصيرة لتعلم اللغة .. لذلك لازم تمارس اللغة بأكبر قدر ممكن
وهالشئ ماراح تلقاه الا بالاحتكاك مع الناس والأجانب في المعهد اللي بتلقاهم في المعاهد التجارية اكثر
اغلب الطلاب السعوديين اللي هنا يبغون لغة وجامعة وتلقاهم في معاهدا لجامعات اكثر شئ لأن اغلب المعاهد التجارية غير معتمدة


اوريغون حلوة بس مو كبيرة لكن تفي بالغرض
وانا انصحك بغرب امريكا بشكل عام
سان دييغو بعد حلوة وفيها اماكن كثير تقدر تزورها وتمارس اللغة فيها
ابحث عنها واقراء يمكن تناسبك ..

---