مساعدة تمديد الجواز السعودي في امريكا (كثير مواضيع بدون فائدة)

كيف اسوي الموني أوردر ايش اكتب فيه بالضبط ؟ وكيف ادفع حق ارسالية الجواز بعدين لي اللي يتكلمون عنها ؟

فيه ناس تقول تقدر تجدد وناس تقول ماتقدر الا بس تمديد ..
واللي انا شفته من موقع القنصلية السعودية وموقع وزارة الخارجية يقول العكس !

التمديد اسرع ويعطونك تمديد 6 شهور .. ولكن حسب اللي شفت انه فيه برضوه خيار تجديد الجواز !

النظام الجديد الالكتروني لوزارة الخارجية هو النظام اللي راح تستخدمه في مسألة التجديد على حد علمي .. وكل شي اون لاين !

هذي صفحة التقديم على تجديد الجواز من وزارة الخارجية :
http://www.mofa.gov.sa/EServ/SaudiNa...x?ServiceId=17

ادخل واقرا شروطهم .. وبتعرف انه تقدر تجدد الجواز وانت بامريكا .. لكن طلباتهم طويله يارجل !

انا قبل يومين مسوي طلب جواز بدل فاقد لواحد من الشباب .. عن طريق موقع وزارة الخارجية ..
وعلى كلامه قالي ان جوازه بيجي بعد شهرين .. يعني تجديد الجواز برضوه بياخذ شهرين على مايجي الجواز الجديد ..
وكل الوثائق اللي شفتها معه اخذناها وسوينا سكان لها وارفقناها بالطلب .. وعقبها ارسلنا نفس الوثائق للقنصلية عبر البريد ..
يعني تجديد الجواز راح يكون نفس الروتين .. ترفق صور الكترونية بالطلب وبعدها ترسل الأوراق نفسها للقنصلية ..

لكن , التمديد ماياخذ اكثر من اسبوعين ويوصلك التمديد .. لان الجواز يبقى معك ولا يحتاج اصدار جواز جديد ..
فبالتالي يكون اسرع لك لو كنت تبي تسافر للسعودية ..

هذي متطلبات التمديد : http://www.saudiembassy.net/files/PD...n_one_Year.pdf


بكل الاحوال , انا جوازي منتهي صارله 5 شهور .. وناوي بإذن الله اجدده خلال هالاسبوع .. واذا وافقوا على التجديد راح احاول اوثق الخطوات بايش سويت وايش طلبوا وايش صار خلال فترة تجديد الجواز ..
الى ان يتم استلام الجواز الجديد .. لان ماوراي شي عادي انتظر لو اربع شهور قدام ههههه اهم شي اتأكد من سالفة تجديد الجواز اذا اقدر او لا ! ..

الله يعطيك العافية 🌹👍

الله يعطيك ألف عافيه ياغالي على التوضيح الوافي ويسهل أمورك وأمورنا.. أنا نفسك باقي لي فتره على الدراسة يعني ودي أجدد أفضل..
رابط التقديم الإلكتروني حاولت فيه من قبل لكن لما أجي ادفع بالفيزا يطلع لي رمز الحماية ماادري ايش يقصد فيها.. ولما احط ماعندي رقم سري بالصفحة اللي بعدها يطلع لي اني ادخل الزيب كود ووكذا وبعدها يطلع لي فشلت العملية.. جربتها ببطاقتين شغالين أكيد بس مو راضية تضبط.. اذا عندك خلفية بهالموضوع بالله أفيديني..
والشغله الثانية بسيطة وهي مطلوب "إرفاق صورة من إثبات الإقامة أو الدراسة." هل هو الآي توني او ورقة letter عاديه من الجامعة يوضح إني أدرس بالجامعة ؟


ارجوا الإفادة وأكون لك من الشاكرين ياغالي

الله يجزاك خير ورحم الله والديك :*

بالنسبه للدفع فما ادري مابعد جربت .. لكن اذا طلب منك رمز الحماية .. حط الرقم الموجود خلف البطاقه (الثلاث ارقام اللي مكتوبه على الشريط الابيض خلف البطاقه ) ..
الرجال اللي سواها .. باشوفه ان شاء الله اليوم وان شاء الله اني اتذكر اسالة .. لانه هو اللي دفعها ببطاقته ..
ولا اعرف اذا كان يحتاج بطاقة فيزا سعودية او سواها ببطاقة بنك امريكية !

اما بالنسبه لارفاق صورة من اثبات الاقامة او الدراسة ..
تطلب ورقة من مشرف التخصص في جامعتك ... تقوله ابي Verification Letter او بعضهم يسميها Enrollment Letter ..
توضح فيها اسمك ورقم الجامعي وتخصصك وتاريخ بداية الدراسة وتاريخ التخرج ..
وتوقيع وختم الجامعة ..

تقدر تاخذها من برضوه من ادارة السجلات للطلبه في الجامعة .. (اللي تاخذ منهم ترانسكربت) ..
تطلبها منهم ويعطونك ورقة مثل حسن سيرة وسلوك .. تبين هالامور اللي فوق ..

الاي توني تقدر تستخدمه على حد علمي لكن الافضل تاخذ الورقة اللي قلت لك عليها ..
علشان التواريخ بس !

بحسب تجربتي, لما تواصلت معاهم قال الموظف اذا انا راجع للسعودية الافضل هو التمديد لمدة 6 شهور وارجع السعودية اعمل تجديد,, وهالشي اخذ مني اسبوع واحد واستلمت الجواز منهم.
خطاب تكتب فيه معلومات الشخصية وطرق التواصل ورقم بطاقة الاحوال وتكتب انو تمديد عشان انت بترجع السعودية بتاريخ مثلا ديسمبر ....
صورة بطاقة الاحوال
والجواز نفسه
كلهم في ملف عن طريق فيديكس اجبااري فيديكس... وتدفع قيمة ملف اضافي تكتب فيه عنوانك وتحطه داخل الملف الاصلي... عشان القنصلية يخلصون الجواز ويحطونه بالملف الثاني اللي وضعته ويرسلونه لك على العنوان اللي سجلته عليه, ويكون قيمة الملف والارسال مدفوعة اساسا من قبلك لأن ماراح يدفعون شي عنك.