!!السلام عليكم (بخصوص معادله الشهاده ) الرجاء مساعدتي في حل مشكلتي قبل التخرج!!

أخواني/أخواتي السلام عليكم ورحمه الله وبركانه
أنا طالب ماستر وباقي الترم الجاي عالتخرج أن شاء الله لكن من شروط معادله الشهاده ان لايزيد تسجيل كلاسات اون لاين عن 6 ساعات ، لكن أخذت كلاسين اون لاين في السمستر الماضي والسمر لكن مشرفي في الجامعه طلب مني في الترم الحالي التسجيل لأحد الكلاسات اون لاين علما بأنه أجباري ، وطلبت خطاب من المشرف بالجامعه بخصوص اجمالي 3 كلاسات اون لاين ولكن المشرف بالملحقيه رفض تسديد للكلاس الثالث!! ماهو الحل يااخواني؟ حتى لو تم تسديد المبلغ للجامعه ايش اسوي هل في أي حل لتعديل الماده من اون لاين الى كلاس؟ او اي حل ممكن؟او اي شخص مر عليه مثل هالتجربه؟ علما بأن الكلاس اللي بالسمر كان 4 ساعات، الرجاء مساعدتي بحل مشكلتي!
وجزاكم الله الف خير..

اذا مشرفك رفض اطلب انك تتواصل مع مدير الأقليم
واشرح له الوضع بالمستندات .. وبما انه آخر سمستر اعتقد بيوافقون لك

قوانين الوزارة صارمة بهالخصوص لكن دائماً في استثناءات

تسلم لي حبيبي على مرورك لكن المشرف تواصل مع مدير الاقليم ورفض الطلب لان المجموع 10 ساعات 3+3+4= 10 ساعات وهالشي جدا مرفوض من الوزاره ومافي استثناء
جدا محتار بالموضوع!

وعليكم السلام ورحمة الله وبركاته

أخي هل الخطاب الي طلبتوا من مشرف الجامعه موضح فيه انوا المادة الي الان منزلها اون لاين اجباريه؟ اذا لا فاطاب خطاب من مشرف الجامعه يوضح النقطه هادي واارسلوا لمشرفك في الملحقية مرة اخرى

بالنسبه للوزارة وموضوع معادلة الشهادات فوضعك باذن الله في السليم. انا اعرف واحد شخصيا كان منزل اكثر من 6 مواد اون لاين وتم معادلة الشهاة ولكن مع ملاحظه انوا الطالب اخد عدد من الساعات اون لاين.
طبعا قرارت الوزارة دائما تتغير ولكن انا حبيت افيدك من خلال تجربتي ومعرفتي.

الله يوفقك يا رب

اهلا اخوي ومعليش عالرد المتأخر كان عندي اوراق بحث وعلى نهايه سمستر ، ومشكور على الرد الله يفرحك ياشيخ، واذا اقدر اتواصل مع صاحبك ممكن يقولي ايش اسوي لو طلبو مني بحكم انه مر بهالتجربه

يعطيك الف عافيه وياليت تتواصل معي عالخاص اذا ممكن لان عدد مشاركاتي قليل
تحياتي لك