فيه شي إسمه تذكرة تخرج !!؟

السلام عليكم ورحمة الله وبركاته وبعد :

أخواني أنا أخوي بيتخرج بكالوريوس وبيكمل متطلبات كل الكورسات بإنتهاء هذا الفصل ويبغى يرجع السعودية .. هل فيه تذكرة إسمها تذكرة تخرج عوده ؟ لأنه يقولي ملفي في الوزارة بعد ما أتخرج بيكون مفتوح 6 شهور على أساس أنو ممكن يفكر يكمل ماستر فيبغى يرجع للسعودية علشان يجيب له القبول بالراحه والمشكلة خلاص لازم يسلم الشقه حقته ولا يقدر يقعد لأنه خلص ... فياليت تجاوبوني إذا فيه تذكرة إسمها تخرج أو لاء لأنه في سفير اللي حصلته بس شي إسمه تذكرة نهاية بعثه وهو ما يبغى ينهي بعثته !!

يعطيكم العافيه ووفقكم ربي

نعم يوجد تذكرة تخرج، أعطهم ما يثبت أنك تخرجت عند طلب التذكرة، ولا تفوتك هذي التذكرة لأني أنا لما تخرجت من الماستر وكنت بأكمل دكتوراه ما كنت أدري عن التذكرة وسافرت على حسابي الخاص وبعدين اكتشفت أني كنت أستحق تذكرة ولما طلبت تعويض رفضت الملحقية التعويض وقالوا لي بكل بجاحة: كان يمكنك طلب تذكرة تخرج بدل السفر على حسابك. المشكلة أني لو طلبت تذكرة على حسابكم يا الملحقية كنتم بتدفعون للطيار التذكرة الواحدة ما لا يقل عن ٢٠٠٠ دولار وأنا مدور أرخص تذكرة ب ٩٠٠ دولار ذهاب وعودة.

يعطيك العافيه مشرفنا وجزاك الله خير وبحاول أخليه يسويها قريب لأنه الطيار خوفك ما يحصلون له على ديسمبر بسبب الضغط وكذا .... طيب الآن هل صحيح أنه الملف ما يتقفل ويكون مفتوح 6 شهور يقدر يقدم للماجستير بهذا الوقت ؟ وياليت تدلني على موضوع حق كل ما يتعلق بالتخرج وإيش الواحد يسوي بعد ما يخلص من متطلباته الدراسيه ...

بيض الله وجهك وما قصرت وأنا أخوك