مساعدة سؤال لاصحاب الخبره في السيارات /ولايات الشمال vs ولايات الجنوب

هذا الكلام يذكرني بكلام الشيبان والشريطية حقينا هههه

غير صحيح السيارات تصنع بمواصفات موحدة تقريبا لكل العالم

هذا الكلام كان في بعض السيارات القديمة مثلا المرسيدس الالماني تفرق بساتمه عن الخليجي والامريكي
لكن حاليا انقرض هذا الشي في كل السيارات ،، المصنع ماهو فاضي يصنع قطع مهمة لكل بلد لحالها

الفروقات تجيك في الاوبشن مثل مواصفات الفخامة والامان مثل عدد الايرباقات فرامل الاي بي اس انظمة الثبات
والفرش و المسجل وهذي الامور وهذي اكيد في الامريكية تلقاها احسن واجود بكثييير من السيارات اللي تصدر للسعودية
مثلا قارن بين كامري سعودي وامريكي السعودي بتحسه هايلكس جنب الامريكي ههه

اما السيارات الامريكية مثل الفورد والجمس والدوج هذي تقريبا عندنا وعندهم متقاربة

اما الميكانيك بيكون الفرق الرئيسي بين السيارة الامريكية والخليجية في صمام ، بلف ، الحرارة
وهذا سعره وتركيبه سهل ورخيص لو حبيت تغيره في السعودية ولو تركته عادي مافي مشكله

احتمال نظام العادم ، السلنسر ، علشان انظمة التلوث والبيئة وهذا شي غير مكلف

بعض السيارات اليابانية ممكن فيها شوية فروقات في بعض قطع الغيار وهذي غالبا بتكون في موديلات قديمة تحت ال 2003 او 2000
وهذي موضوعها سهل اغلب محلات القطع تجيبها او حتى الوكيل يطلبها لك لو مرة توهقت

بشكل عام اي سيارة من فوق موديلات 2006 تجيبها الوكالة اللي بالسعودية عادي مافي مشكلة اذا وديتها السعوية
المشكلة اذا كانت السيارة غير موجودة في السعودية يعني الوكيل مايجيبها او كانت قديمة او شكلها غريب عن الموجود في السعودية
كذا ممكن تنشب فيها ولاحد بيشتريها منك اذا حبيت تبيعها

شنو السيارة اللي تبي تشحنها للسعودية

بيض لله وجهك، عز لله انه علمن غانم، أتمنى من كل قلبي كلامك يكون صحيح، ولو ماعندك مانع أتواصل معاك علا الواتساب اذا كان عندك خبره في هالامور. أعطني لايك عشان ارسل لك رقمي لو حاب

انا ناوي هوندا اكورد ٢٠١٣. احد عنده تجارب او آراء اخرى

حياك يغالي في خدمتك ،، ابشر اعطيك رقمي على الخاص

الهوندا خيار ممتاز واحسن سيارة يابانيه في نظري واظنها الي هنا تصنع في كندا
توكل على الله دور لك وحدة نظيفة وسعرها مناسب واشحنها
بس للمعلومية 6 سلندر ماظن يجيبها عبدلله هاشم في السعوية يجيب فقط 4 سلندر حسب خبري

رغم ذلك في في السعودية الاكورد ٦ سلندر تجيبها بعض صالات السيارات الامريكيه وغالبا لها قطع غيار والله اعلم

احد اقاربي اذكره شحن سيارته الاكورد 6 سلندر لاهله ولها الحين حول 3 سنوات بالسعودية
واشوف اخوانه ليومك كارفينها كرف ويستعملها اكثر من واحد منهم وخطوط ويسافرون فيها داخل السعودية وخارجها
و ماشالله تبارك الله
لحد الان ماشيه معاهم كويس رغم ان مدينتهم مافيها حتى وكيل هوندا عبدلله هاشم فيها فقط موزع صغير وتعبان جدا
حده يبدل زيت للعملاء هههه

مرحبا ياغالي في شغلة حبيت انبهك لها
بالنسبة للهوندا في السعودية الوكيل مايتستقبل السيارات المستوردة من امريكا والخارج
واساسا عبدلله هاشم خدماته تعبانة وانتشاره قليل ،،، ياليت الهوندا يعطونها وكيل ثاني اجدر وافضل منه

للاسف اغلب الوكلاء عندنا كذا مايستقبلون الا السيارات اللي مستوردة عن طريقهم
مثلا التويوتا ماستقبل التويوتا الخليجي
وحتى لو شريت تويوتا من البازغي اللي هو موزع معتمد في السعودية مايضمنها بوجميل ابو اكسسوارات
ومواصفات تجاري

بينما في الخليج الوكلاء يستقبلون اي سيارة اذا كانت من نفس الماركة انشالله جايبها من جزر القمر غير ان خدماتهم احسن بمراحل من الوكلاء النصابين الي عندنا

المصنع يقول الضمان عالمي والوكلاء عندنا يقولون لا مانستقبلها وكالتنا وبكيفنا ،، نصب ولعب على كيفهم
وماحدن حولهم للاسف

السلام عليكم
حبيت ادلو بدلوي لعل في الامر اضافة

بالنسبة لعبد الله هاشم متوفره عنده هوندا اكورد 6 سلندر وايضا فئة السبورت

وابو جميل يستقبل السيارات الخليجية بشرط فتح ملف لها بسعر رمزي 300 ريال

مشكور عزيزي على الافادة

صدقت سمعت مرة كذا ،، بس هل اكيد هذا الكلام
خبري به حتى سيارات البازغي مايضمنها ، لكن يستقبلها ، وسيارات حسن جميل مرات يلف ويدور
اذا خرب فيها شي على الضمان مع ان الضمان على شركة تويوتا في اليابان ماهو عليه هو


عقبال مايجبرونه يبطل يركب قطع ومواصفات تجاريه ويحسبها على الناس على انها اصليه ومركبه بالمصنع

بالنسبة للهوندا الحقيقه ماعمري شفت اكورد سعودي سته سلندر ،، مادري هو يجيبه والناس ماتشتريه الا نادرا
او يمكن شي جديد انه قام يجيبها

حسب علمي بان الاكورد من زمان كان يجي السعودية ستة سلندر وبطل يجيبه بوهاشم نفس الكامري
لكن كان قليل من يشتريه مو زي الاربعة سلندر

بس كوجهة نظر شخصية بالنسبة للهوندا للي يبي يجيب اكورد للسعوديه من الخارج
اذا الواحد يبغى يريح باله اكثر يخليها اربعه سلندر لان الهوندا حتى السعودية الي من الوكيل
هي لحالها اساسا قطعها غاليه ونادرة شوي
اذا بتقارنها بالتويوتا فمابالك سيارة نادرة مثل اكورد ستة سلندر ،، كذا ممكن فيها مخاطرة
الافضل انك تسأل الوكيل في السعودية عنها وعن صيانتها قبل ماتشتريها ونت بامريكا
لان حسب ماسمعت انه مايستقبلها

لكن مثلا الكامري الستة سلندر هي نفس محركات الاوريون والاوريون موجود عادي عند بوجميل وكل
وكلات الخليج وكثير محلات تجيب قطعها غير الوكالة لو ماحبيت ترتبط بالوكيل

واذا والواحد شاري مستعمل ومايغطيها الضمان ماله داعي يوديها الوكاله الا للضرورة
معلومة سريعه اغلب الفان الهوندا الاوديسي في السعوديه وارد امريكا وكندا

ابو جميل يضمن سيارتاته 6 سنوات لكن الخليجية او المستورده فقط 3 سنوات وممكن تتاكد من الاخوان في تايوتا العربية

اما الاكورد ستة سلندر موجوده لكن ارتفاع سعرها اللي هو 135 الف هو سبب عدم انتشارها ناهيك عن خدمة هاشم السيئة