عرض للطباعة
السلام عليكم ورحمة الله وبركاته
شباب ضاع جوازي ولا لقيته .. طاح علي وانا ما ادري
والان انا على حسابي الخاص .. وناقل على ولاية أخرى بعد أسبوعين معهد جديد
بلغنا الشرطة و مفقودات المنطقه .. ولا شافوا شي صار له 3 أيام
الحل كيف .. حاليا لا املك جواز ولافيزا فهل مشكلة بقائي في أمريكا .. والسفارة فقط تعطي ورقة مرور .. وتجديد . اما اصدار او ضياع او تلف .. تقول ارجع السعودية بتذكرة مرور سفرة واحدة فقط .
الله يخليكم ساعدوني انا جديد ما اعرف شسوي ولا اعرف انجليزي كويس .
وعليكم السلام ورحمة الله وبركاته
طيب اخوي انت الحين بلغت الشرطة؟ يعني عندك ورقة بلاغ ان جوازك ضاع؟ اذا ايه كويس اذا لا روح طلعها من عندهم لان من دونها ما بيعطونك جواز جديد.
السؤال الثاني هل عندك اي دي في المنطقة؟ رخصة ولا ستيت اي دي؟ اذا لا شوف شروط ولايتك وحاول تطلعها اذا قدرت( عدم وجود الجواز ممكن يسبب مشكلة بس مني متاكد)
انت كيف بتسافر داخل امريكا؟ اذا ما عندك جواز وماعندك اي دي فنوعا ما ما تقدر تسافر اي محل على حسب علمي. لو معاك ستيت اي دي تقدر تعيش في امريكا الين تسافر مو مشكلة على حسب علمي
اذا عندك ستيت اي دي, تقدر تدخل على موقع وزارة الداخلية وتعبي ابليكيشن حق جواز بدل فاقد , وبياخذ كم شهر. يعني الكرسمس مستحيل ترجع. بعدين اذا ربي كتب لك وعطوك اياه, متى ما رجعت السعودية تقدم على فيزا من جديد وتسوي الاجراءات عادي زي ما سويتها المرة الاولى بس ممكن تاخذ مدة اطول
اذا ما عندك ستيت اي دي فالوضع يصير مرة صعب عليك لان ما تقدر تسافر لمعهدك الجديد وغيابك عن المعهد ممكن بيسبب لك مشاكل مع الاميقريشن. فاشوف الافضل ترجع السعودية بتذكرة مرور حقتهم وطلع جواز جديد والله يعينك على الانتظار
طبعا كل الكلام هذا يحتمل الصح والغلط بس هذه المعلومات اللي انا اعرفها عن حالات ضياع الجواز.
وافضل شي انصحك فيه انك تكلم السفارة وتتفاهم معاهم. ادخل على موقعهم وشوف ارقامهم وكلمهم وهم اكيد يعرفون افضل في الاجرائات وهل ترجع السعودية ولا عادي تقعد في امريكا وتقدم على جواز جديد.
الله ييسر ويسهل لك امورك
بالتوفيق
انا بعد ضيعت جوازي ي الربع وانا ف امريكا وش السواه وش الحل هل اقدر اطلع فيزه ولا تبي تتاخر يعني كم توقعاتكم تطلع الفيزه ؟ وهل الطلب الجواز الجديد كم يقعد ؟؟
طيب افضل حل روحو للملحقية والسفارة السعوديه ليش حطوها ؟؟عشان تساعد الي مثل وضعكم وحل المشاكل يمكن يطلعون لك بدل فاقد بسرعه ولا يدلونك عالطريقه خليكم في السليم قوانينهم ماترحم احد.